بنات لسه ماتزوجت / قديم

السلام عليكم ورحمة الله وبركاته
الى اخواتي العزيزات هذه اول مشاركه لي معكم......... ياحليلكم وانا اقراء كتاباتكم احس انه انكم
ناس متفتحين مثغفات مقبلين على الدنيا بنفس حلوه بروح حلوه متفائلات ....الله يسعد كل وحده فيكم ويحفظها حق اهليها ويعطيها كل شي تتمناه في الدنيا والفوز بلجنه

المهم ماطول عليكم احب اقولكم مشكلتي وانا عارفه ايش الحل بس احب اني اضيف لحظات صبر وتفائل وكلام جميل

مشكلتي مش اول مره تسمعونها مشكلة كثيييييييير من البنات .........بس الوحده تذبح

انا عمري 28 ولسه ماتزوجت الحمدالله فيني جمال والكل يشهد باخلاقي وجامعيه وموظفه
تقدمولي كثير بس ماصار نصيب ...... الوحده ذابحتني .... انا مؤمنه برب العالمين ورزقه
ومتفائله بالخير ولو تسمعون كلامي تقولون هذه مثابره بس احيانا فجاءه لما اتذكر هذه الموضوع يضيق صدري......... اقول ممكن اني اتزوج بكره وممكن بعد عشر سنوات......لما اطالع من حولي ............ اشوف بنات كثير جالسين وبنات تزوجول وتطلقوا.........ولا عاد نظرات الناس اوووووووووف وياربي بموت على الاطفال والبيت والحياه الزوجيه :icon33:

تخيلو عندي وحده من صديقاتي تزوجت لما كنا ندرس في اول ثانوي وطلعت الحين قلبها يتقطع على الدراسه ........بس زوجها رافض بقوووووووه وهي تتحسر:mad:

تخيلو ا لما نجيب موضوع الدراسه وتحاول تقنع زوجها ويرفض تقول انه الواحد ماياخذ كل شي في الدنيا ......... انه ربي عطاني زوج ........ واشوفك انتي عندك شهاده ووظيفه بس ماتزوجتي هذه الشي يهون علي .........:44:
انا عارفه انه مش قصدها بس اقول .... يعني عشان ربي عطاني شهاده ووظيفه ...مراح يعطيني زوج ........والله ياناس صدق االي قال مجتمعنا مايرحم....انا لقيت شهاده ليش عشان ذاكرت واجتهدت ولو اني اهملت كان ماتيسر لي موضوع التعليم

انا صايره متحسسه شوي من هذه الموضوع دائما اصلي واقوم الليل وادعي في الليل ومؤمنه انه ربي مراح ينساني ....وان كل شي برزقه .......ولا تخيلو وحده تقولي اذا ماتزوجتي الحين وماحملتي بعدين الحمل بيصير مش بسرعه طيب شاسوي اللي يتقدمون لي مش مناسيبن مايصير اقط نفسي يعني اخر واحد تقدم لي مطلق ماعندي مانع بس عنده اربع اطفال .........والله لو انه طفل واحد كان قلت بربيه بس اربع ....حسيت بغصه شنو ذنبي انا ابتدي حياتي مع اربع اشخاص

على العموم انا جربت فكره الخطابه بس اللي كلمتها مدري شلون ماتعرف شي الله يخليكم ا اللي عندها رقم خطابه في الخبر او الدمام ترد علي عشان ارسلها ايميلي

وجعلكم الجنــــــــــــــــــــــــــــــــــــــــــــه امييييييين ياخلى بنات منتدى حواء :26: