بنات لوكنتوا بس تستقبلون وش تسون

ربي يكون في عونك اخيتي
لكن انت احتسبي الاجر في تنظيفك وترتيبك للبيت لاجل راحه والديك لانها يسعدان برؤية ابنائهما واحفادهما حتى لو كان الوضع الامادي لا يتحمل وحتى لو كان هناك تعب عليكم في المنزل ..
لكن انتي ممكن تتكلمي بشكل عام مع اخواتك واخوانك في ان الوالدين لهم حق ويجب مساعدتهما ماديا ومعنويا والسؤال عنهما طوال ايام الاسبوع لعل وعسى كلامك يوصل لهم المغزى ان شاء الله ..
أعانك الله

شكرا على الرد وجزيتم خيرا
بس المشكله البعض منهم لو تكلمت ماراح يعجبهم كلامي والبعض حساسين ولبعض متفهمين بس ززززززززززززززززهقت
اللي امون عليهم اناقشهم ويقتنعون وهم قله الله يعين
بس قهر كل اسبوع انظف بعدهم لو هم مكاني بيرضون وفرضا بيتها يحصل كدا بترضى طبعا لالالالالالالا ليه ترضها على بيت اهلها عيب والله

لمحي لهم ،،(يعني مثلا قولي مانمت الاسبوع اللي راح الا متاخره بسبب هالمواعين يمكن

يستحون حريم اخوانك او ينتبهون اذا كانوا غافلين،،

وعيالهم شجعيهم قولي اللي مايحوس الاسبوع الجاي بعطيه مثلا 3ريال او شيبس او اي شي

لاتفتحين كل الغرف الغرف اللي ماتحتاجونها وقت زيارتهم اقفليها،،

قولي لخواتك جيبوا معكم على الاقل الشاي والقهوه ريحوني من تصليحها،،واذا تمونين عليهم

قولي لهم اتفقوا مع اخواني كل اسبوع العشاءعلى واحد بدون تكاليف وكأني ماقلت لكم شي..

والله رئيي ان اذا جو يدفعون مبلغ حق شغاله
اللي تجي باليوم وطبعا ماراح تأثر على ميزانيتهم خصوصا اذا هم كثار
يعني تجي شغاله وماتروح الا من بكره عشان ترتب البيت وتعدله
واقترحي عليهم كافكره ان كل وحده تجي سواء مرت اخو او اخت
تجي ومعاها حافظه على اساس انه يكون فيه تشكيل بالاكل مثل البوفيه بس طبخ بيت
كل وحده تجيب قد مايكفيها ويكفي عيالها بس لاتزيد عشان مايكون فيه زياده اخرتها بالزباله الله يكرم النعمه
هذا افضل حل بيعجبهم مو على اسا انتوا ازعجتونا لا بالعكس بس تغيير
مادري كيف اول لك اللي في بالي
يعني من باب التغيير تجيبون الاكل معاكم عشان مايكون شكل واحد بالعشا مثلا
والشغاله عشان تغسل مواعينكم قبل تروحون وتكون نظيفه لاتتأخر عليكم
وكيف تقولين لهم هالطريقه
برساله على كل حرمه ( مرت اخو او اخت)
السلام عليكم اخباركم ان شاء الله تمام
بغيت اقترح عليكم اقتراح ان شاء الله يعجبكم
ودي من باب التغيير ان كل وحده تجي تجيب طبق معاها
قدها وقد عيالها لاتكثرووون ..
ولاتقولين لهم عن الشغاله الا اذا جو لانهم بيبتلشون بالمواعين حقتهم ماتغسلت
قومي ارسلي لهم من الاسبوع اللي بعده
كل وحده مثلا تجيب معاها دجاجتها متبله منزليا عشان نشوي من باب التغير بعد
وبما انه حصل لخبطه الاسبوع اللي فات على المواعين فكرت نجيب شغالع تخدمنا وتصلح لنا الشاهي والقهوه وتغسل مواعينكم عشان ماتتاخرون على رجالكم والمبلغ جدا رمزي نقول مثلا 30 ريال ..
لان حق الشغاله باليوم بلكثير 200 ريال انتي قسميها على عددكم وارسلي لهم المبلغ اللي تبيه وتعاقدي مع شغاله تجيك باليوم الفلاني المخصص لاهلك اللي بيجتمعون فيه
احنا واخواتي نسوي كذا بس اذا بنشوي كل وحده تجيب دجاجتها متبله واذا جينا تقاطينا وجبنا الفحم والمايونيز والكاتشب وخربطة الشوي من البقاله وبالنسبه للشغاله تقاطينا واستقدمنا لبيت اهلي طبعا بيت اهلي مافيه الا امي الله يخليها لنا ويطول بعمرها ويرحم ابوي ويجعله بجنات النعيم يارب
اذا عجبتك فكرتي ادعي لامي بطولة العمر وادعي ان الله يشفي ولدي شفائا لايغادر سقما :)