اذا مقتدر صحيا وماليا وخلوقا ومتديناولا يشكو من سكر سكر سكر
او ضغط
بالعربي قادر لى ان يسعدها باذن الله تستخير
وبصراحة كبير عليها عشرين سنة بينهم موبسيطة
واذا موافقة لا تستحون منه ترى كثير يخفون عيوبهم الي ما يدري عنها لا هو وهو العجز الجنسي خل ابوك او احد غيره يساله السؤال ويقول له انت مقتدر ما فيك عجز ترى البنت شابة وصغيرة وتبي الحياة وتبي العيال لا تظلمها
لا تقولون عيب ترى والله كثير تزوجو وندمو

كأني عرفتها *~* 
وكأني عرفته *~* 
شكله اللي ببالي هو *~* 

هلا حبيبتي
كلامك صح خصوبة المرأة لاتقارن بالرجل.. لكن بالمقابل مو كل من وصل عمره 55 صار شباب ونشيط! وموب كل من تعدت الاربعين صارت ماتحمل!!
ترا مو كل كبير اذا بغى يتزوج معناه عنده القدرة الجنسية بغض النظر عن القدرة ع الإنجاب
بمعنى هو ممكن ينجب في هالسن لكن رغبته الجنسية أساساً قليله!
بعضهم يتزوج لانه ترمل ويحتاج من ترد له الصوت وتونسه
بعضهم يتزوج لأن حرمته بعد مااخذت شبابه وبدا يشيب رمته ومعد تهتم فيه
بعضهم زوجته تزوجه لانه بعد ماكبر وتقاعد وصار ناشب لهم فالبيت تحول لشخص غثيث وعله في نظرهم وصار يحاسبهم ع كل كبيرة وصغيرة وشاردة وواردة فتزوجه تبي الفكه << واعرف قصة وحدة سوت كذا
بعضهم يكون مريض ويتزوج يبي اهتمام اكبر يعني مجرد ممرضه اما لان اهتمام زوجته مااعجبه أو لأنها أصلاً من مرض ماتدري عن هوى داره << برضوا اعرف قصة زي كذا
بعضهم يتزوج لانه يبيها مرافقه له في علاجه في الخارج وتهتم فيه وتراعيه وربما بعد مايرجع يطلقها ويمكن لا << برضوا اعرف كذا قصة
وبعضهم يتزوج يبي يعيش حياة جديدة بعيد عن زوجته وعياله والمسؤوليات ويمكن يطلب منها ماتحمل هذا في حالة كان عارف فيه بزران بس مايبي حمل
بعضهم يبز بالزواج في البداية وبيطير بها وبيسعدها لكن شهر او فترة ويهجد كنه شراره ولعت وبان نورها ثم طفت << تشبيه بليغ ^_^
وبعضهم يتزوج لحاجته الجنسية وأنه لازال نشيط.. بس كيف الوحدة بتدري عن هالنقطة اذا لازالت سليمة في الرجل الكبير او لا! كخاطب ماراح تعرف الا بعد الزواج وبصراحة مو كل كبير يهتم بنفسه وفكرة ان زوجها واللي نايم جمبها واللي راح يلمسها كبير فالسن معليش اتحفظ اني اكتبها!!
نجي للمرأة اعرف حريم يحملون واعمارهم 47 ماشاءالله صعبة ع رب العالمين؟!!!
زي مالشايب ممكن يكون فيه نشاط برضوا المرأة ممكن يكون فيها اخصاب
ولاتقولون 47 متى بتربيه كبرت شلون بتهتم فيه أجل الشايب شلون بيصرف عليه ويهتم فيه لو كان ولد وكيف بيهتم بمراهقته!!!! لاتحللون الشي ع الرجل وتحرمونه ع المرأة ممكن وحدة تقول طيب افرضي اخصابها هي بالذات ممكن ينتهي في ال40 اقولها كله بيد رب العباد يمكن بعد هالشايب اصلاً مايكون فيه عيال!!!!! يعني صامت صامت وفطرت ع ... يعني رجال كبير وفوقها لا ولد ولاسند!!
وبعدين اللي قالوا الكبار يعيشونهم ملكات دلع وفلوس و.. و ..و... ...عمر الحياة الزوجية ماتقتصر ع دلع وفلوس هي شراكه بين شخصين او مؤسستين وفيه اشياء كثير أهم بكثير من الفلوس والا ماكان قال الله سبحانه وتعالى:
وبعدين ليش قلتي بعد 5 سنين بتوصل 40 يعني هي بتجلس كل هالوقت ماتزوجت لو مااخذت هذا!! والا قصدك تاخذه وتتلاحق عمرها ببزر او بزرين؟! يمكن اصلاً اللي خطبها يكون منتتتهي من ناحية الاطفال يمكن ماينجب ويمكن مايبي اطفال اصلاً اما بسبب كبره او بسبب ان عنده ومايبي زيادة! كثير نسمع كذا الرجال يقرر بدون مايلتفت للزوجه وش تبي طيب هي اكيد تبي تصير أم انت ليش تحرمها عشان عندك؟!!
واهم نقطة في ردي كله ]] تحسبون امرها هين؟!! تجي وحدة تقول انا استغفرت انا دعيت انا تصدقت وماشفت شي ياحبيبتي انتي اتكلتي عليهم فـ اتكلك ربي ع نفسك.. هي كلها مجرد سبب والتعلق بالله مو فيها
ربي وحده القادر ع كل شي قاادر الحين وانا اكتب هالرد يرسل لاخت صاحبة الموضوع عريس مكمل من مجاميعه.. بعيدة؟!!
ربي يقول في الحديث القدسي: ماقال أنا عند "حسن" ظن عبدي...الخ لا قال انا عند ظن عبدي بي أياً كان هالظن حسن او سيء استغفرالله يعني زين او شين خير او شر فليش مانحسن الظن بالله ونتمنى ونطلب اللي نبي من حقها تتشرط موع شانها متأخرة خلاص صح انها بتتنازل عن بعض امنياتها او شروطها بس مو معناه انها تتنازل عن كل شي واهم شي انها تتزوج وبس عشان مجتمعها المتخلف يشوف انها وصلت 30 وتعدتها بكم سنة مايدرون أن ال30 هو سن النضج الكامل سواءً فكرياً أو جسدياً مو سن تدفن نفسها فيه بس لانها غير متزوجه!
وترا النصيب من الله متى هالمجتمع بيفهم هالشي.. وطالما النصيب من الله فالله اعلم من زوجها ومتى بتتزوج احتمال اخت صاحبة الموضوع تاخذ هالخاطب لأن ربي كاتبه لها واحتمال تاخذ غيره برضوا لأن ربي كاتبه لها
وفي الختام بعض البنات ماتتقبل الشايب وصاحبة الموضوع وحدة منهم ويحق لها و زي ماقلت ارمل او زوجه ثانية لواحد قريب من عمرها او بينهم فارق معقول ارحم وافضل من هذا ..والشي الثاني اللي حبيت ا وضحه أن المتأخرة عن الزواج من حقها ترفض لو جتها فرصة مو مناسبة حتى لو كانت متأخرة مو معناه تقبل وترضى أي واحد وبس العوض من ربي مو من الناس.. يعني بكره لو متأخرة جاها واحد فرضاً راعي سكر او مخدرات هل تقبل وبس لأنها متأخرة أكيد لا نفس الشي للكبير في السن النفس تأنف تقبله كزوج ومن حقها تتمنى واحد يفهمها ويتفهمها مو شايب يشوف اهتماماتها أو أولوياتها سخافة بسبب فارق العمر الكبير بينهم يعني فرق كبير في العمر وفي التفكير والاهتمامات وكل شي
يعني هو ياحظه فيها بس مو هي ياحظها فيه ..خطبها أحد!!.

أسأل الله أن يفرح قلب كل متأخرة بما تتمنى وفوق فوق فوووووق ماتتمنى

:icon18::icon18::icon18::icon18::icon18::icon18:

الله يكتب لها اللي فيه الخير