بنات لو احد سالك هذا السؤال ايش تردين عليه

هلا حبيباتي 
بقولك في أشياء مثلا تشتريها وتعجب الناس ويقوووولون السؤال الا ينرفزني 
بكم سعره ؟ 

وفي ناس ما يعجبهم ولكن يتظاهرون ان يعجبهم ويسألون عن السعر بس عشان يشوفون بكم بقولكم هرجتي 
اهل زوجي من النوع اي شي يسألوني بكم على أساس انهم بيشوفون زوجي قديش يصرف علي انا صراحه استحي وقولهم الصدق لكن بعدها تشوفون النظرات كل واحد يطالع الثاني بنظره ممكن عشان ماهم متعودين ان ولدهم صاحب بيت ومسؤول عن زوجه او في سبب ثاني ما ادري 
لا تقولون لا توريهم يا بنات انا لو لبست عبايه او خاتم قالو بكم سعره 
صح انا بعيد عنهم وأشتري على راحتي ولكن لما انزل عندهم اجلس في بيتهم وأكيد بيشوفون علي الأشياء وانا صراحه ما احب هذا السؤال ينطرح علي سواء من اهلي او معارفي لاني بعرف أرد عليهم لكن اهل زوجي صراحه محتاره برد دبلوماسي ونفس الوقت عشان ما يزعلون لانه في الأخير بيسالون ولدهم 
اقترحوا علي بردود حلوه