بنات لو كنتو مكاني وش تسوون

السلام عليكم يابنات
بنات وش رايكم في زوجي كنت رايحة اولد قيصري وقلبي طايح
من الخوف وطول الطريق وهو ساكت ولا حتى كلمة ولو جبر خاطر قلت يابنت عديها
وصلنا المستشفى ودخلت غرفتي اتجهز للعملية وحالتي مايعلم بها الا الله وهو جالس يفطر
قلت يابنت للمرة الثانية عديها
دخلت غرفة العمليات وسويت العملية ويوم طلعت تخيلو مالقيتة يستناني وقلبي طاح من الخوف
قلت اكيد اني جايبة ولد معوق ولا ميت حتى الممرضات ماطمنوني وجلست في الغرفة
مدة وبعدين جاء وانا حالتي حالة سالتة قلت ولدت قال اية قلت جيبو ولدي اشوفة قال ممنوع
لازم يجلس تحت الملاحظة ثمان ساعات على الاقل قلت اكيد الي خفت منة صار بس الحمد لله من بكرة جاني ولدي وهو طيب حمدلله على نعمتة عاد سالت زوجي قلت لة وينك يوم خلصت ولادة ماجيتني
تدرون وش قال



























قال رحت اشتري جريدة ويوم جيت قالتي الممرضة مدام ولدت تعال لها يقول رحت للولد اشوفة وصورت معة وبعديييييييين جيتك

بنات امانة لو كنتو مكاني وش بتسون انا وللاسف انطميت من الصدمة ولاقلت ولاشي بس كرهت زوجي واخذت موقف منة
للمعلومية ولدي عمرة ثلاث شهور بس الموقف يقرقع في قلبي مانسيتة