كيف الحال يا عيله ؟
خلونا حتى نحن انهدرزوا
عندى لكن خبرين
الخبر الأول
تم الإعلان في غمرة الاحتفالات بذكرى إعلان قيام سلطة الشعب،وأعتباراً من امس واحد أبريل (ومش كذبة أبريل راهو) شرعت الشركة العامة للبريد في تطبيق الأسعار الجديدة للمكالمات الدولية، وعليه (افنطنن لكلمة عليه لى هلبه ما سمعتش نشرتنا واخبارها الصقع) بات هناك فرق في سعر المكالمة بناءاً على كون الاتصال يتم بخط ثابت أو بهاتف محمول.
وهذه الاسعار من موقع الشركه العامه للبريد
http://www.gptc-libya.com/cdctnew.htm
يعنى توا المكالمه من ليبيا لأمريكا وكندا ولت ب 35 قرش بس
ما شاء الله دوم الرخص
توا هلنا ما عندهمش سبله بيش ايكلمونا زينا زيهم الاسعار.
توا الخبر الثانى واللى يرفع الرأس
اكيد سمعتوا على الكسوف اللى صار يوم 29 مارس وان ليبيا كانت وحده من الدول اللى مرت فيها الظاهره وان ناس واجده (هلبه) من جميع بلدان العالم مشوا بيش يحضروا الحدث فى بلادنا
والحمد لله ما تحشمناش قدام الاجانب وجوا مبهورين وكان الاستعدادات غادى مشرفه وداوا حاجات اكويسه فى وسط الصحراء
وحده كنديه قالت
Libya has done a great job preparing for this event. I have been to many places watching eclipses but I’ve never seen such preparation.
ومعناه : " ليبيا قامت بعمل عظيم بالتحضير لهذا الحدث ، لقد زرت أماكن كثيرة لمشاهدة الكسوف ولكن لم أرى مثل هذا التحضير "
المكان كان فيه عدة مواقع لعدة شركات ، مئات الخيام + عشرات الحمامات المجهزة بمراحيض وغرف استحمام (دوش) وشبكة تغذية بالمياه وشبكة للصرف الصحي ، وغرف تبديل الملابس ، ومطعم و كهرباء ومحلات واسعاف طائر وطريق ممهد من الطريق الرئيسي بطول 8.4 كيلومتر وغيرها
وهذا كلام كاتبينه الببى سى يدعم كلامى :D
ماشاء الله ربى ايزيدك عز يا ليبيا :icon28: :icon28: :icon28:
http://news.bbc.co.uk/hi/arabic/world_news/newsid_4857000/4857806.stm
وتوا انحطلكن صور من الحدث بكاميرا شباب ليبيين مش صحافه
هذه وحده من الشركات اللى امنظمه للبرنامج غادى خلى انديرولها دعايه بالك ايساعدونا لما انروحوا ونتنقلوا على حسابهم
الصور منقوله من الهندسه نت بعد أستئذان اصحابها وحتى هذه دعايه للموقع (اعذرينا شام)
وكان هناك تواجد قوي من السياح والمتخصصين من كل أنحاء العالم ، مثال
الجمعية الملكية الكندية للفلكيين
(حشيشتى انقرش المواضيع)
يتبع
وغيرهم كثير
ثم بدأ الحدث الكبير