بنات لين متى نعتبره عااااااااااااااااااااااااااااا ااار

ايه والله صادقه
انا مو فاردة
انا اسشور شعري
واذا فيه احد مدح شعري جوا بنات يتكلمون علي
ويقولون ترى موهذا شعرها مسشورته
مدري حقد ولا ايش؟؟
الاسشوار حطوه جريمه اجل لو افرد شعري وش بيسوون؟
من جد هالعالم تعبانه
كملي حبيبتي وضحكينا على هالعقليات :)

معليش انا دخله عرض يعنى الفرد مثل الاستشوار
انا اشوف جارتي فارده شعرها وشعرها ما يحتاج فرد بس تقول ازين من اني اقعد
استشوار كل يوم عشان المدرسة

الى بيسمع كلام الناس بيتعب

طنشى وسوي الشى الى يميليه عليك ضمريك بس طبعاً

مو بالحرام..

والله انك صادقه نااس مدري متى تفهم انه عااااااادي

مثله مثل اللي تسوي مكياج او اي شئ اتزين فيه

من باب التجمل واتوقع ان التجمل مو عيب ولا حرام

تكفين بسرعه قولي لنا وش سوو لما درو >>>>>>>>>>> شرافه خخخخخخخخخخ

سبحان الله..
كأنك جالسة تسولفين مع!
قبل أسبوعين تقريبا رحت لبيت حمولتي وعندهم بنتهم -متزوجة- وأشوف شعرها ماشاءالله تبارك الله يهفهف مع إنه عادةً يكون نافش والشعرة متينة فمايضبط حتى مع السشوار..
المهم..أنا أحس إني أمون لأننا نسولف بأشياء أكثر خصوصية من مسالة فرد الشعر..
قلت لها: فلانة فاردة شعرك؟(سؤالي موب لقافة..بس لأني ناوية افرد وحبيت أستفيد من تجربتها)..
هي شوي وتشرق بالقهوة..وطالعت لي بعين حارة..قالت: من يقوله؟
قلت اسال بس لأن شعرك ماشاءالله حلو ومرتب..
قالت: يمه منك..مافيه شي يفوتك..والله إني قايلة لخواتي إذا فكّني ربي من فلانة فـ محد داري إني فاردة شعري..
قلت لها: والله ياعمري عشانا-أنا وياك-كنا دايم نشتكي لبعض من معاناتنا مع شعورنا..أنا لازم دايم سشوار عشان الدوام وأنتي لأنه ماينفع إلا بسشوار..
المهم قالت إيه فاردة,, بس بذمتك لحد يدري من حريم اخواني ,خصوصا فلانة(لأن شعرها حرير ماشاءالله) ,,وتراك بحرج..الله لا يحللك ولا يبيحك..وبذمتك..ترى تخسريني طول عمرك<==ترى الموضوع فرد شعر..
أنا كنت ناوية أسألها عن اللي فردت لها شعرها, بس عقب هالتهاويل سكت..
قالت لي بالأخير: نصيحة إذا بتفردين شعرك لحد يدري بك حتى زوجك..قولي كذا من ربي..
قلت لها :ليه ياكافي؟
قالت:زوجك خليه يحس إنك أنتي تتجملين وتتزينين وتتعبين له..وعشان ما يمن عليك بالفلوس اللي دفعتيها للفرد..
وزميلاتك ومعارف إذا درو كلن يبي يقول عطيني الرقم وكلن يبي يهب بالفرد وماتصيرين متميّزة..
لحظتها قلت بيني وبين نفسي:الحمـــــــــــــــدلله إني ماقلت لها عطيني رقم اللي فردت لك شعرك..
بعدها بكم دقيقة قالت:
أنا فاردة في بيتي, جتني وحدة بالبيت وسوت لي اليوكو ..اساساً كانت جاية لجارتي اللي تحت واتصلت علي وقالت انزلي عندي وحدة تفرد الشعر..وسبحان الله راح عن بااااالي إني آخذ رقمها ..حسافة!
وبس ..وسلامتكم..
بعض الناس ما يحبون يقولون إنهم فاردين شعورهم عشان محد يسالهم وين ويصيرون مثلهم خخخخخخخخ
وبعض الناس يحسون بالحرج, لأن مسالة تجعد الشعر بالنسبة لهم إحراج كافي وما يبون يزيدون عليه إن شعورهم ما زانت إلا بالفرد<==هذي مقبولة شوي..
وبعض الناس كتوميـــــــــــــــــــــــــن في كل شي مو بالفرد لحاله, حتى الطبخ وأماكن تسوّقهم ومشترواتهم ما يعلمون فيها أحد..مادري ليه أحس فيهم عقدة النقص, يخافون يعلمون الناس ويصيرون أحسن منهم!
وأنا ناوية افرد يوكو بس أنتظر الدورة تجي-كلها اسبوعين بالكثير إن شاءالله- وأجي أكب العشا عندكم..يعني أعطيكم التفاصيل وما همني أحد..:)<==كانها بتروح تحارب خخخخخخخخخخخخخخخخخخخ