بنات ليه تسون زي جداتكن

السلام عليكم
كيفكن بنات
اليوم تذكرت موضوع قديم كانت وحده تستفسر تقول يابنات أنا نفاس عادي اروح لزواج أختي ؟
أنا استغربت من السؤال لكن اللي استغربت منه ردود أكثر العضوات
اللي تقول البسي برقع واجلسي وراء واللي تقول اجلسي بغرفه و لا تطلعين واللي تقول لا تروحين و اللي تقول لا تزيين و اللي تقول لا تروحين يصكونك بعين يعني الناس ما يلقون يصكون بالعين إلا هالوالد ..

طيب هاللحين عندي سؤال لما المرأه تلد ليه تنحشر 40 يوم في البيت ليه ماتطلع تغير جوء ولا بس عشان أمها وجدتها قالن لها لا تطلعين ...
وفيه بعضهن اللي يهديهن تجلس بعد الولاده 40 يوم ما تروش و أيام الدوره بعد .. و السبب ان أمها و جدتها قالن لا تروشين ... ماتستشير دكتوره تستشير أمها وجدتها !!

بعدين هالادويه العشبيه المره و الحلبه و الحلتيته ... ألخ اللي طايحات فيهن وقت الدوره و النفاس ان مازادت المرض ما خففته .. و أختي و حرمة أخوي يبلعن أوقات الدوره و النفاس .. وإذا سألتهن منين جايبات هالطريقه قالن من عجائزنا ومن الحريم .. بحياتهن ماقالن من دكتوره .. وقولهن هذا خرابيط جداتنا و لاينفع ..

و البعض تلبس ملابس شتاء وقت الصيف زود على الادويه وعلى انها ماتروش خلال 40 يوم

أكثر شيء يقهرني الطفل لما يولد ليه يلفن عليه قماش و يربطنه ..وكل ما سألت حرمه ليه تسوين كذا قالت أمي قالت سوي كذا ... يكتمون حريته وهو في المهد أكيد ما راح يصير ذكي و لا يكون له رأي مستقل وهو يربط في المهد و يسفه رأيه في طفولته