أم ساري الحلو :

سبحان الله فطرة مثل ما امهات العيال يبون بنوتات احنا امهات البنوتات نبي اولاد والله يرزق كل وحدة ماتتمنى قولوا آمين ربي يرزقني الولد الصالح ياكريم بالنسبة لي انا مو صغيرة بالعمر ومريضة قلب وكوليسترول وخمول غدة درقية وتليف رحم ويالله حسن الخاتمة احيانا اقول لو كان بكري ولد كان الحين يسوق السيارة ويوديني مراجعاتي للمستشفى ويقضي اغراضي ومشاويري الحمدلله البنات خير ورحمة من ربي لكن تظل الانثى مكسورة جناح لاتودي ولاتجيب وينخاف عليها والله انه تجيني العبرة وانا في هالعمر اروح لآخر الدنيا اقضي مشاويري مشي بالشمس والحر والبرد والعجاج والمطر مرات الاقي تكاسي ومرات اتصل على هالسواقين ماحد يرد ياكثر مارحت لمواعيدي بالمستشفى وخلصت وقعدت في غرفة الانتظار 4 و5 ساعات انام على كراسي الانتظار واقعد مالاقي اللي يرجعني لبيتي وياكثر ماشريت اغراض لنا وللبيت ونقلتها مشي مسافات طويلة لين ينهد حيلي وانا مريضة قلب وطلعة الدرج علي حسرة ينقطع نفسي وانا ابادل الاكياس من يد ليد والحين يديني الثنتين صار فيهم فك من الكفوف الله يختم لنا بالجنة واستحي اطلب من الناس او اللي نعرفهم يوصلوني من عرفت نفسي وانا من حالي لحالي مسالمة واخاف من القيل والقال والمشاكل ومنة خلق الله ياكثر ماغلط علي سواقين واستخفوا دمهم وحرمت اروح معاهم وزوجي مسكين يشتغل من الصبح لين قبل العصر بساعة ويرجع من العصر لين بالليل مايطلع الا اخر الليل وكل شي سكر ومنهد حيله من التعب ومابي اثقل عليه ولا لي اقارب يقومون فيني ادعي الله ليل ونهار يرزقني ولد سليم بار يشيل عثرتي في هالعمر ويرحم سني وتعبي ويكفيني هم غربتي انا وابوه ويسند خواته بعد الله ويعيننا على هم هالدنيا ويكفينا عن مساعدة الغريب الله كريم ياربي بحق قولك هو علي هيّن ياربي ارزقني بولد صالح سليم متعافي واجعله قرة عين لنا يارحمن يارحيم ورب البيت مرات تهون علي نفسي وابكي من قلة الحيلة لكن الله يعوض علي بالولد الصالح اللي يجبر كسري ويسند ظهري ويدعي لي وربي جتني العبرة قولوا آمين

سبحان الله فطرة مثل ما امهات العيال يبون بنوتات احنا امهات البنوتات نبي اولاد والله يرزق كل وحدة...