أم ساري الحلو :

والله يرزقك باللي في خاطرك يالغلا والحمدلله يارب على رزقك وعافيتك وسترك وهذا اهم شي ربي يوفقك ياقلبي ربي يرزقك من واسع فضله قلتي اللي في خاطري وكفيتي ووفيتي واذا انا بالغت يعلم الله اني ماقلت الا ربع اللي مر علي في حياتي. تلاقين اللي تتكلم عندها عيال واهل وتتكلم من سعة والولد اللي دعيت ربي انه يرزقني ياه بار صالح يكون قرة عين لي وياما من العيال اللي شالوا امهاتهم وحفظوا كرامتهم في كبرهم وقاموا بشؤونهم والدنيا بخير وعيالنا بخير واللي تربيه على كتاب الله وسنة رسوله ربي مايخيب رجاها ويجعله قرة عين لها واللي تدشره وتقضي عمرها بالعزايم والاسواق وتهمله ويسربت ثم تقول العيال ماينفعون وفاسدين هذي لاتلوم الا نفسها وخبز خبزتيه يالرفلا أكليه . اللي تلومني لها الله مارح ادعي عليها لكن هم يتكلمون من فراغة ومن صحة وعافية ومن سن شباب ومن اهل وعزوة وعيال وعايلة واهل لاعاشوا اليتم ولا الغربة ولا المرض ولا خطورة نوبات القلب ولاطق الكوليسترول عندهم 400 ولا قربوا للاربعين وظروفهم تختلف عن ظروفي عشان كذا موب حاسين في مشاعر غيرهم لكن لي رب ولهم رب والدنيا دوارة هذا كل اللي اقدر اقوله الله كريم يالغاليه ومتفائلة ان شاء الله برحمة ربي هو أعلم بحالي وبصحتي وبغربتي وظروفي الله يرزقك ملء السماوات والارض ويعافيك ويوفقك ربي يفرج لك يالغلا ويعطيك على نيتك وصدقتي توني كنت بقول انا عايشة بالسعودية وهذا يعني انك ماتقدرين تحركين الا بمحرم او ولي امر ليه دايما تظنون ان الولد استغفر الله بيطلع عاق ويرمي امه ومافيه خير هذي توافيق من الله وتسخير سواء كان بنت او ولد اللي يهديه الله ويصلحه ويسخره ويتربى على الدين بيحط ابوه وامه بعيونه والحمدلله الدنيا بخير اجل هالمراجعين اللي اشوفهم بمستشفى القلب شيبان وعواجيز معاهم عيالهم وبناتهم يراجعون فيهم ويشيلونهم ويهتمون فيهم مستأجرينهم من الجيران ؟ كلهم عيالهم مسلمين وعيال حلال والبنت تضمنين انها بتتزوج في ديرتك وبقربك وتقوم فيك ؟ والا بتتسببين عليها في مشاكل مع زوجها بسبتك ؟ سبحان الله يابعد عمري والله يجزاك خير يالغالية على دعواتك ويوفقك ويخلي لك وليدك ويسخره لك يارب العالمين ويرزقك باللي خاطرك فيه ويقر عينك بسلامة مولودك ياكريم والله ياقلبي ان عندي عمليه في القلب بعد كم شهر واني حاطة يدي على قلبي مدري وش بيصير باللي وراي .لهم ربي ان شاء الله مايضيعهم والله يستر على بناتي بستره الضافي ويحفظهم ويكفيهم شر عيال الحرام .. تدرين يوم قريت بعض الردود جتني غصة وحرقة بالقلب لكن فوضت امري لرب العباد وحسيت براحة سبحانه الرحمن الرحيم هو اللي مطلع على كل خفايا حياتي ويدري شكثر عانيت وراح يعوضني ويخلف صبري بالدينا والآخرة .. كيف احزن والله ربي !

والله يرزقك باللي في خاطرك يالغلا والحمدلله يارب على رزقك وعافيتك وسترك وهذا اهم شي ربي يوفقك...

رافينا2010 :

الجواب بسيط. لأننا مازلنا في زمن الجاهليه ( وإذا بشر احدهم بأنثى ولى وجهه مسوداً وهو كظيم)فيما معنى الايه. والله قرأت مواضيع لبعض النساء هنا انه كأن احد سكب على وجهها ماء حار عندما علمت انها بنت الله المستعان ويا اختي ام ساري. ومن قالك اذا جا ولد بيقوم فيك؟؟؟؟ والله هالزمن يخوف والعيال صايرين ماهمهم الا انفسهم. ومو كلهم فيه ناس فيهم الخير لكن ما اشوف ان الولد يعني انه سند الحين حتى البنات ماشالله يتوظفون ويعزون اهلهم. والخيره فيما اختاره الله.

الجواب بسيط. لأننا مازلنا في زمن الجاهليه ( وإذا بشر احدهم بأنثى ولى وجهه مسوداً وهو كظيم)فيما...