والله انتي مكبره الموضوع بالعكس مافيها شي ولمن تنخطبي صارحيهم ويما ناس يكونو محروقين ومشوهين ويتزوجو اكثري من الاستغفار والدعاء

مشكلتك عاديه تزوجي وش يعني صدرك فيه ندبات وحفر عادي جدا الجمال جمال الروح والاخلاق

عاد انتي واثقه ان الي بيجيك كامل مافيه عيوب

وسعي صدرك مرره انا بالمستشفى والده الا قدامي بالغرفه حرمتين وحده كلها بقع بهق مدري برص والثانيه عندها مشكله بوجهها مدري شايلين نص فكها ماعندها فك والله اول ماشفتهم قلت الحمدلله وكنا كلنا والدات المهم بليل ومع السهر والسواليف لقيتهم احسن ناس قابلتهم في حياتي طيبه واخلاق وسعه صدر ترى الجمال الخارجي زي البروش عادي اهم شى الجمال الحقيقي الي هو جمال الروح والاخلاق

دمتي بود غاليتي

أسأل الله الواحد الاحد الفرد الصمد أن يشفيك ويلهمك ويدلك لعلاج يرجع صدرك احلى من قبل ويسعدك ويهنيك ويرزقك الزوج التقي الغني المخموم القلب اللي تتمنيه عاجلا ويبلغك مرادك وامنياتك

آآآآآآآآآآآآآمين يارب العالمين

الله يعينك وييسر لك ويوفقك يارب..

بنات قريت كل ردوكم والله يجزيكم خير يارب بهالفجريه انه يستجيب كل دعواتكم ويسهل عليكم ماتتخيلون رجعت لي الفتره الحزينه مره ثانيه توي اركز واجمعها براسي ان الفتره لاخيره مافي خطوبات رسمي مجرد كلام ولاشخاص الي مره متحمسين فجائه يتغيرون ومواضيع كثيره مره متعثره فيها ... وبخصوص عمليات تجميل سويت وحده للمنطقه زودت المساحه مساحة لاثر كبرت ماقول غير الحمدالله على كل حال ... وحده كاتبه ان في مخترعه جزائريه مخترعه كريم للحروق وغيره كلمتها قالت ماينفع للي مسوي عمليه حتى لو تحسنتي راح يكون باحسن حال 50 بالميه والكريم بالف بصراحه ماني واثقه عشان كذا ماشريته دام هي اصلا ماحمستني ...وكل لاطبا الي قابلتهم ماحد معطيني اجابه شافيه كلها مخاسير وتعب والتحسن بالكثير 20 بالميه يمكن ... بنات تقولون اني مبالغه والرجال مايهتم و لاتدققين مره انكشفت بالغلط ونا كنت بمشغل صدري وبان لاثر وتممد الجرح العامله الي كانت تسوي لي جلست تطالع وهو مصدومه ولاتكلمت ولا كمله بعدها ونا سكت بس عجزت انام باليل قلت كيف لو انه رجال ... اسئل الله الفرج ...

بنات عمري بالثثلاثين والله حزنانه على شبابي وعل نفسي تصدقون مادري وش صاير وياي حتى صديقاتي بعضهم جاتهم ظروف والبعض من حاله المهم انهم كلهم تغيرو كنا مثل الخوات بس الحين من شهور ماشفتهم ولا في اتصال اتصلت فيهم ماعندهم سبب بس كذا يعني نقله من مكلمات يوميه وزيارات شبه اسبوعيه إلى ان تمر الشهور مانكلم بعض ولا نشوف بعض سبحان الله بجد اشيا كثيره متغيره حولي ماعندي لها تفسير كن الناس تفرقت عني ... برغم المشكله الي عندي الحمدالله نفسيتي ماني منطويه او شي وعايشه حياتي بالي اقدر عليه بس بجد الي يصير حولي غرييب كل شي صداقات خطوبات وغيره ما يضبط وينتهي بدون سبب وفجائه حتى من دون مقدمات ..

المهم اني جايتني ضيقه واحس حامله هم مادري وشو بالضبط بس من فتره ماشفت احد وحتى لي اشوفهم معرفه مو كثير مو الناس الي ماينه عليهم لاحول ولاقوة إلأ بالله انما اشكو بثي وهمي لله رب العالمين الله يفرج علي ويشفيني ويرجع لي جسم الي قبل واتزوج وافرح زي البنات بزوج صالح يسعدني يارب تستجيب دعوتي ودعوات البنات وكل الي دخلو موضوعي ورفعو وساعدوني بمعلومات ودعولي يارب انك ترزقهم من حيث يحتسبون من حيث لايحتسبون رزقن كثير مباركن فيه يارب ياكريم واخواني وخواتي المسلمين اجمعين ..