بنات ماني صغيرة واحد يبغى يتقدم لي وطلبت يكلمني...شوفوا وش قال...؟؟!!

الأسرة والمجتمع

السلام عليكم ورحمة الله وبركاته ..

خلوني أقول لكم سالفتي من البداية ..
بداية انا عمري 35 سنة ..معلمة..غير متزوجة..مثقفة وعلى قدر من الجمال..
وكل ما تقدم لي أحد سبحان الله ما يتم الموضوع..اما ان أهلي يرفضون..
أو هم ينسحبون وهذا الغالب والله المستعان..
لحد ما جاتني حالة نفسية سيئة ..والله يا بنات أشوف البنات اللي اقل مني في كل شيئ متزوجات وسعيدات _الله يهنيهم_ وأنا مكانك سر ..

الحكاية وما فيها انه صديقتي دلتني على واحد يبغى يتقدم لي سمع عني..والكلام هذا تقريبا من ثلاث سنين وهو ((((((((((((((متزوج))))))))))))))
وأنا كنت أرفض مبدا المتزوج حينها ..
بس العمر يمشي ..وكلام الناس ما يرحم..
ولمن بلغت العمر هذا قلت يا بنت قدمي تنازلات ...علشان يجي لك بنت أو ولد..حتى لو تطلفتي..
مسمى مطلقة أفضل من عانس...(((رأيي على الأقل ))
المهم..
من كثر ما تزن علي صديقتي بخصوصة ..قلت يالله خليني أكلمه قبل ما يتقدم رسمي أشوف أرتاح للمبدأ والا لا ..
المهم
طلبت من صديقتي تعطيه رقمي..وكلمني.
طبعت بداية كان يكتنفني الاحساس بالاثم..
وكنت مرتبكو ومتلككة..
على الرغم انه هو اللي بدأ وتكلم..بس أحس يا بنات اني كنت مش مرتاحة للمبدأ ..
بتقولون ليش طلبت انه يكلمني ؟؟؟
لأن كل اللي أسمع انهم بيجون وننتظرهم ما يجون ..
لذلك قلت خلني اكلمه أشوف وش سبب انسحابهم..
يعني هل يحسون بعدم الراحة والا لا؟؟؟؟؟؟؟؟؟
يعني..هل فيه سحر أو نفس قوية تمنعهم..والله يا بنات زهقت من كثر ما يتحطم قلبي من هالسالفة ..


انا كنت جدا محترمة معاه ويشهد ربي..كنت رسمية جدا ..وقلت له انا طلبت اني اكلمك حتى نضع النقط على الحروف..

المهم..
حسيت في البداية انه ارتاح للكلام وجلس يعطيني فكرة عن نفسه ...وقال لي ان سبب رغبته للزواجهو انه تزوج زوجته الأولى وهو صغير عمره 18 سنة ..
وان هناك فرق كبير في مستواه ومستواها ويأمل ان يتزوج من وحدة متعلمة ..تلبس له ..الى آخره
عمره هو 30 سنة ..
المهم
أنا زعلت من سالفة انه قام يضع اللوم على زوجته وانها عصبية ...الخ..
قلت له..
هذي أم عيالك يهون عندي الرجل اللي يقول انه يرغب بالزواج لأنه من شرع الله..
من اللي ينقص بزوجته..
وبعدين..
انا قمت اسأله عن نسبه لأنه من نفس القبيلة..وهلي رافضين اني أطلع من القبيلة ..
استمرت المكالمة عشر دقائق..
على أعصابي..
وبعدين يا بنات تعلثت..
وقلت بطارية الجوال ضعيفة..معليش..!!
أنا عطني مهلة افكر بالموضوع وبعدين أرد عليك..
وسكرت..
طبعا لا أنفي اني شعرت بالسكينة اللي يحس فيها المتزوجون..وحسيت فيها والله..
قمت صليت العشاء ,,
وما هي الا دقائق والجوال يعطيني نغمت رسالة ..
الرسالة منه..
وفيها كلام عن الألم..والله ما أذكرها..
طبعا انا عصبت..
ورديت عليه قلت له..بارك الله فيكم الرجاء عدم ارسال الرسائل ..
وذهبيت للنوم..
طبعا ما جاني نوم...!!!!
جلست في دوامة من الأفكار ..
هل اللي سويته صح أو خطا؟؟؟

المهم..
من الغد الظهر ابلغتني صديقتي انه ارتاح لي ((على الرغم اني ما حسيت بالراحة ))
ما جاء الليل الا وصديقتي تقول لي..
هو يقول انه ما حس باراحة..وانه يحس اني موسوسة في النسب..وصوتي كان كئيب جدا لذلك هو أرسل رسالة عن الألم وتفاجأ بردة فعلي الجافة ؟؟
وانه يفكر يتراجع عن الموضوع نهائيا..
يعني كوني طلبت منه مايرسل...زعله كثر ..
وقال لها..انه انسان محترم ..وما دخل علشان يلعب ؟؟بل جاد
قلت لا والله لو كان حقاني..كان عرف ان تصرفي صحيح والله لا يستحي من الحق..
وقال أيضا انه ما راح يكلم ولا يرسل لحد ما أرد أنا برسالة موافقة أو رفض بعد اسبوع

بنات والله لي يومين تعبانه وما أنام زين..وسرحانة..
احس اني محتاجة أكثر من شهر للتفكير العميق

هل أمضي بالأمر وأبلغه اني وافقت والا لا ؟؟

يوم استشرت اختي الكبيرة المتزوجة خانقتني وقالت ..انت أصلا ليش تكلمينه...بكرة بعد الزواج يعيرك ويقول اللي رضت تكلمني تكلم غيري..

قلت لها أنا ما كلمته اغازل انما علشان أعرف أكثر..
مشكلتي هي ما يلي..
أنا اكبر منه بخمس سنوات..
انا في الشرقية وهو في الغربية ..
اني ساعات اقول ..ماني صغيرة في السن وساعات أقول يا بنت لا تتغربين عن اهلك وتسكنين بعيد عنهم..
وساعات أقول قد تكون هذه الفرصة الأخيرة ولا احسن استغلالها..
بعد كونه متزوج يؤلم أيضا؟؟؟
وساعات اقول مكالمتي أصلا خطأ من الأول...



وش رأيكم..
92
7K

يلزم عليك تسجيل الدخول أولًا لكتابة تعليق.

تسجيل دخول

فاقدة غالي
فاقدة غالي
والله ياقلبي انت ماسويتي شي غلط بالعكس
اعرفي انه من يتق الله يجعل له مخرجآ
اقري سورة البقره دايم واستغفري كثييييييييييييير
وادعي ربك والله سبحانه راح يكتبلك الخير ويرزقك باحسن من ماتتمنين
صدقيني
والله يوفقك ويرزقك من حيث لاتحتسبين ياااااحي ياااااقيوم
الـــ عديل ـــــروح
هو يبغى يتسلى الي يبغى االزواج والستر يدخل من الباب مو من الشباك
وعمرك لا تفكرين تتنازلين لو شوي للي بيجي يتزوجك لانك الخسارنه في النهايه وبعدين عن سالفة انه متزوج ياختي انتي كبيره مو صغيره وتاكدي اغلب الي بيجونك متزوجين او مطلق وبعياله وطبعا ما راح يقولون لك ان زوجاتهم مافي منهم ويموتون عليهم اكيد بيحطون كل عذاريب الدنيا فيهم
وبعدين بينكم فروق كثيره ليش من البدايه تكلمينه
زائرة
مكالمتس غلط

الله يرزقتس بالزوج الصالح اللي يسعدتس
@بنت القناص@
@بنت القناص@
لاتنسي الاستخاره
بنت اجـاويد
بنت اجـاويد
شوفي ياقلبي ابنصحك نصيحة اخت لله في الله ..
اللي هذا اوله ينعاف تاليه وصدقيني افضل لك بمليون مره انك تعيشين بدون زواج من انك تعيشين مع واحد تتعذبين معاه .. وهذا واضح ان تفكيره ما ادري وشلون قايل ويبغى يذلك اجل يطلب منك انه توافقين برساله !!! هذي ماقد صارت وانت اللي سويتيه قمة الاحترام واذا زعل من تصرفك ولا قدر لك احترامك بالناقص منه وانت بطريق وهو بغيره احسن لك ...
وبعدين يا اختي توكلي على الله والرزق بيده سبحانه اساليه ولا تسالي غيره واستخيري والله يكتب لك اللي فيه الخير