جزيت الفردوس الاعلى من الجنة

مشكووووووووووووووووووووورة والله يوفقك يااااااااااارب....

شكلها مغذيه للبشره ,, سلمتي ,,

يمكن أرجع لك , لأني مستعجله وباخذها ع السريع

الله يوفقك

:)

يسلمووووووووووووو ياالغلا

بس عندي استفسار ممكن نستخدم اي نوع زبده الكاكاو ولا الله يجزاك خير حطي لنا صوره الي انتي مستخدمتهاااااا؟

السلام عليكم حبايبي اسفة جداااا على التاخير اوعدكم ما اعيدها

الأن جمعت لكم كل استفساراتكم وبجاوب عليها كلها **** الله ولو تبون اي شي انا حاضرة من عيوني

بسم الله نبداْ

الفيتامين هـ، عنصر مهم جدا في هذا الكريم لازم تحطيه في جدة اخذته من صيدليه اوكسجين وهو كبسولات مو زيت الي انا استخدمه

طيب بالنسبة للاخوات الي سألوني عن نوع الزبدة حق الكاكاو وهل ينفع بالمرز ؟

اقولهم تستخدمي ممكن الي من بودي شوب او اي مكان تلقين عندهم زبدة الكاكاو النقية المركزة حق بالمرز والله ما اتوقع بيعطي نفس النتيجة لأنه كل ماكان طبيعي كانت الفائدة اكبر

بالنسبة لمستحضر الصبار هو سائل لا يكون زيتي وليس له رائحة موجود فقط بالمحل الي ذكرته لكم (فومـــــيه ) الي عند مكتبه جرير في جدة

بالنسبة لزيت اللوز بيكون الحلو وليييييييس المر انتبهو لا تتلخبطو

بالنسبة للأخوات الي سالو عن ملمسه ورائحته اقولهم

انه لا زيتي ولا دبق وبالنسبة للرائحة خفيفة جداااا ومحببة قريبة من ريحة الفانيلا لكن اعيد او اقول انها خفيفة جداااا


طيب والأخوات الي سألو عن طريقة الأستخدام ومن الي تقدر تستخدم الكريم

تحطين قبل الأستحمام وبعد الأستحمام وقبل النوم مع التركييز على المناطق التالية0 (العنق - المؤخرة - الركب - القدمين ) طبعا كل الجسم تدهني فيه بدون استثناء الوجة والشفايف قبل النوم

بنات من عمر 12 - عروسات - متزوجات - امهات مررررة حلو و الله راح يغير جسمك وحياتك وطول عمرك راح تدعيلي ربي يوفقني الكل يقدر يستخدمه مافي اي مشاااكل

هنا ملاحظة :

الكريم اااااااااامن وطبيعي ومامنه اي ضرر لأني استخدمه لأخواتي الصغار ومعودتهم عليه اعمارهم وحدة 12 والثانيه 15

تدرون عاد لازم نعودهم على الأهتمام والنظافة ومعلومه مهمة ان كثر الخلطات يعطي نتيجة عكسية ويصفر لون الجلد ويبهته

تابعو **** الله بكتب لكم جدول والله اكثر من رائع اشياء من ضمنها ها الكريم غيرت حياااتي وجسمي للافضل الحمد لله

.......................................................................

طيب نرجع نجاوب على استفسارتنا


طيب الأخوات الي سألو عن الأسعار

زبدة الكاكاو ب 60 ريال

زيت اللوز انا اخدت العبوة المتوسطة ب 35 ريال

مستحضر الصبار ب80 ريال

كبسولات الفيتامين هـ ب30 ريال

بالنسبة لموقع المحل :

( والله بالرياض ما اعرف وين بالتحديد لكن وعد لعيونكم لأروح اليوم واسأل في المحل وبأخد تفاصيل عن الموقع بالرياض )


في جدة :

شفتو مكتبة جرير لما تدخلي في جنبك سيتي بلازا والعربية للعود وفي كافيهات صغير ة كدا على يدك اليسار تروحي المحل اسمه ( فوميــــه )

في فرع ثاني في الرد سي مول

بالنسبة للمقادير :

تحطي الزبدة كلها ومستحضر الصبار العلبه كلها والزيت بيكون نص العلبه فقط والكبسولات اربع حبات فقط اهم شي تخلطونها كويس


بالنسبة لطريقة الحفظ :

تحطيها بعلبة بلاستك او علبه زجاجية وتحطي بغرفتك عادي لا تحطيه بالثلاجة عشان لايصير جامد


نتائج تجربتي الشخصية :

نعومة ولمعان وتوحيد للون الجسم واختفاء التشققات بنسبة 70 % بعد استخدام 3 اسابيع

ومازلت مستمرة والنتائج احلى واحلى الحمد لله


اخواتي الغاليات اشكر لكم مروركم واشكر لكم دعواتكم الطيبة وكل من دعتلي لكي مثلها **** الله


همسة صغيرة تقبليها مني :

مهما صنعتي لجمال وجهك وجسمك لن تمنحيه الصفاء والجمال بنسبة 100 % الا في حالة واحدة

لا تنسي صلاتك وطاعتك لربك وبرك والديك وصفاء نفسك من الداخل وطيبة قلبك

لها اكبر دور في اظهار جمالك كوني جميلة من الداخل اولا ......


قولي هذا الدعاء ردديه معاي :


اللهم اجعل القران العظيم ربيع قلوبنا ونور صدورنا وجلاء حزننا وهمنا وغمنا ما احييتنا

اللهم اجعلي من يميني نورا وعن شمالي نورا ومن فوقي نورا ومن تحتي نورا ومن خلفي نورا ومن امامي نورا واجعلني اللهم نورا

اللهم البسني لباس العفو والعافية اللهم حسن اخلاقي بالعلم والحلم واجعل اللهم نفسي نفسا طيبة مؤمنة خاشعة تخافك وتخشاك

حق خشيتك لا اله الا انت سبحانك اني كنت من الظالمين ....


ادعي لنفسك وعلميه بناتك ....


ولو عندكم اي استفسارات ثانية اهلا وسهلا فيكم حبايبي حاضرين