للرفع

السلام عليكم ورحمة الله

شخباركم حبايبي،،

آنا حالتي مو كلش غير عنكم حبايبي


آنا عندي تكيس وهالتكيس مسبب لي ضعف في التبويض ولخبطة في الدورة ،، لكن مع حبوب الدافستون والميتافاج تنظمت الدورة ـ واستخدمت الأبر التنشيطية لتحفيز التبويض ونفع الحمد لله ويوم عملية التلقيح من بعد ما كل شيء صار تمام من جهتي ،، وبعد إعطاء الدكتورة العينة ،، قالت ليي ان من بعد فحص عينة زوجي إنه يعاني من التهاب حاد وهالشيء مسبب له قلة في الحيوانات التي تتحرك ،، عدد الحيوانات بشكل عام ممتاز لكن الخلل في الالتهاب اللي يقضي عليهم وعلى حركتهم ،، لكن الدكتورة قالت بنتوكل على الله وبنسوي التلقيح وفعلا سوتها ،، لكن الدورة نزلت بعد 12 يوم ،، وفشل كل شيء

لكن الحمد لله على كل حال


ان شاء الله راح أعيدها مرة ثانية


والله كريم

متابعه

مرحبا بنات
انا مادري ايش مشكلتي بالضبط بس حملت بعد زواجي ب8 شهور مع اخذ الكلوميد ودوستينكس
وبعدها مات الجنين وسويت تنظيف والحين صار لي سنه من دكتور لدكتوره مدري ايش المشكله اخذت ابر منشطه وكلوميد وتفجيريه وماجاب نتيجه وهرمون الحليب في ارتفاع وانخفاض يقولون لي اهلي لافكرين بالحمل هو الي يرفع الهرمون بس موبايدي انسى هالموضوع مااقدر وقررت *****الله اني اعمل تلقيح صناعي عند الدكتور معين فضه بالاردن احد منكم جربه يابنات؟

الحمدلله التلقيح الصناعي سهل وتكلفته اقل وانا ولله الحمد والشكر عملته وجبت بنت وربي يوفقكم ويرزقكم