بنات محتاجة مساعدة من خبيرات المكرمية

لازلت انتظر الرد من خبيرات المكرمية

حبيبتي يا ريت اقدر اساعدك بس انا مش فاهمه انتي عايزه تعملي حجمها قد ايه
الطول وكام فرع للمكرميه
وشكلها ازاي
انا تحت امرك بس انتي حددي المطلوب

شكرا حبيبتي علي اهتمامك بصراحة انا محتاجة اعمل اتنين مش واحدة بس اللي حيجري علي واحدة منهم يمشي مع التانية انا محتاجة الواحدة تكون لي دورين لاضع بها ورد لانه سبق شفت واحدة بنفس المنظر هنا في المنتدي واحتاج طولها تقريبا المتر وبالنسبة للفروع ممكن يبقوا خمسة وشكرا ليكي

في انتظار ردك اختي شط النخيل علي احر من الجمر

معلش اني اتاخرت عليكي
بس كنت مشغوله في الورشه
كان عندي ماكنه معصلجه شويه ههههههههههههه

المهم يا جميل بما انك عايزه تعملي المكرميه طولها متر يبقى تعملي حسابك تقصي الخيط مترين
يعني ضعف الطول المطلوب
وطبعا لانك هتعملي خمسه افرع يبقى هتقصي 10 خيوط طول كل واحد 4 متر
لان كل واحد هيتني على اتنين
يعني كل خيطين هيعملوا فرع
لغايه كده معايا في الشرح
هتلمي كل الخيوط على بعض وفي النص هتعملي عقده او ممكن تدخلي حلقه حديد وتشبكيها في مكان عالي وانتي بتشتغلي
وبعدين تعملي عقده كبيره بالخيوط كلها مع بعض (عقده مكرميه)
اعملي كذا واحده علشان تكون ماسكه وبالطول اللى انتي عايزاه
بعد كده هتبدئي في شغل الافرع الخمسه
ممكن تعملي الغرزه اللولبيه بكل اربع خيوط وتبدئي بغرزه المكرميه طبعا هنا هتشتغلي الطول اللى انتي عايزاه وبعد كده تشوفي هتركبي فيها ايه علشان تحطي فيه الورد او الزرع
ممكن تركبي سله او طوق ملفوف عليه خيط زي ما تحبي
وممكن تبتكري اي حاجه
بعد كده هتكملي شغل على شكل خيوط تاني بالطول اللى انتي عايزاه وشايفاه مناسب
وتركبي طوق متوسط وبعد كده تشتغلي بالتبادل علشان تعملي شبكه وتضيقي الشغل كل شويه لغايه لما يلم من تحت وتلفي عليه خيط خارجي وتحكمي الربط
الخيوط الزايده تحرقيها من تحت وتبرمي الخيط بايدك علشان يلصق على بعضه وما ينسلش بعد كده
اتمنى ان يكون الشرح كده من غير صور واضح
كنت اتمنى لو عندي خيط كنت صورتلك الخطوات بالتفصيل
ان شاء الله لما افضى ابقى اعمل موضوع عن المكرميه مصور