بنات محتاجه لكم ادخلوا؟

السلام عليكم ولله يابنات احس الدنيا ضايقه فيني ومدري من وين ابدا امي مسيكينه ميت ابوي من يوم عمرها عشرين وربتنا ولا تزوجت اخواني ما شاء الله طلعوا مناصب الدكتور والضابط .... بس المشكله ان اخوي الكبير من تزوج طلع حتى طلعته كانت صدمه لامي كنا بنروح عزيمه ومرته قالت روحوا حنا بنجي وراكم يوم رجعنا لقينا غرفته فاضيه واخواني الثانين واحد طلب يتعين في الجنوب وراح وتزوج هناك وتبهذل والحين رجع ما بينه وبين امي الا شارع ولا تشوفه الا زوروني كل سنه مره ومرته ماتزورنا بدون سبب اخر واحد تزوج عندها وجاه بنت وطلب بعثه عطوه والحين هو رايح وبتلحقه زوجته ولله يابنات يوم رحت بيت اهلي وهو مو موجود اول ما دخلت طاحت دمعتي ما ابغا امي تشوفها ومن جيت منهم وانا راحمه امي معقوله بعد هالتربيه كلهم راحوا وخلوها هذا عاد اخوي قالها تعالي مع زوجتي بس تخيلوا بنات بيرح امريكا يجلس سبع سنين وامي مسيكينه تقول ما اقدر اتحمل الطياره قسم بالله يابنات اني قاعده امس الين الصبح ما جاني النوم راحمتها من تكلم ما عندها الا الشغاله وقاعده افكر انا اروح لحمولتي الاربعا قلت خلاص ابصير اجلس اربعا وخميس معها واجيها وسط الاسبوع ولله يابنات يوم رحت لها ما تقدر تتكلم شكلها طول الوقت تصيح وجهها صاير اسود مدري وش اسوي علموني انا بيتي يبيلي نص ساعه عشان اوصلها علموني؟