بنات محتاجه مشوراتكم توني عروس وافكر بالطلاق

الأسرة والمجتمع

السلام عليكم

شخباركم ياحوائيات

كل عام وانتم بخير

بصراحه عندي مشكله تعبت في التفكير فيها :09:

طبعا نزلت لكم قصتي مع خطيبي المهم الان انا تزوجت لي فتره

طبعا قبل العرس في مشاكل بيني وبينه لان تفكير يختلف عن تفكيره صحيح يحبني بس ماش

وكنت افكر بالانفصال اكثر من مره بس اهلي رفضو يقولون وش الناس تقول اكيد فيها بلا وتركها قبل لايعرس ........الخ


وقالو بعدين لاصرتي عنده بيتغير كل شي وهو نفس الشي قالي وصبرت

وتزوجت طبعا هو يدخن وكان شرطي يترك الدخان تركه فتره وبعدين صار يدخن بس مره باليوم عشان عنده ضغوطات

وتحملت تخيلو لسه ماكلمت اسبوع من عرسي وقام يعزم خوياه:09:

واناتعبانه تعبت ورحت للدكتوره وقالت عندي التهاب والله يكرمكم صديد بالبول وقلت خلاص اشتري من بره

رفض وقام يهاوش وقمت سويت وانا تعبانه صحيح تأخر عليهم الغداء بس مو مني وقام يهاوش انه تأخر الغداء


المهم قمت وفرشت ونزلت الغداء وقام قالي اقعدي بالمطبخ قطعي لنا فواكه لان لو دخلت الغرفه مابقدر اطلع للمطبخ لان شقتنا صغيره مأخذينها مؤقتا لين تخلص الشقه الثانيه

وكنا متفقين مافي عزايم المهم قلت انا مو خدامه انطق بالمطبخ برتاح شوي:angry2:

المهم اكلو والكل اعجبهم وقامو يمدحون والحمدالله اكلي بشهادة من حولي حلو ويعجبهم

المهم بعد ماطلعو وقسم ماسعمت كلمة شكر قام يهزا فشلتيني واخرتي الغداء وانت مسويتها متقصده عشان تفشليني ومااعزم احد ..................الخ

وانا احلف له المهم قلت له اصلا مين يعزم ولسه ماكملنا اسبوع وقلت بدل ماتشكرني قمت تتذمر قال على ايش

على الفشله اللي سوتيها قلت ليش اكل الحمدالله حلو المهم سكت وبلعت غصتي ويوم اهلي درو قالو سلامات ..........الخ


جاء يهزني اني قمت اشتكي وانه مايصير كل شي اقوله وسكت

بعدها جاء الاسبوع اللي بعده وعزم كمان بس العدد اكبر وسويت كمان عشاء وكل هذا لسه عروس

وماجاء غير 2 والباقي اعتذر والمشكله فرني ماادري وش فيه وقسم الدجاجه ساعتين يقولي مااستوت

وفشلتيني ونفس المنوال ولا قال شكرا قلت انت احمد ربك قال على ايش قلت استغفر ربك قال لا اللي يسمعك يقول مسويه شي ولاحرمه سنعه عشان احمدربي انه عطاني اياك يقول احمد ربي على نعمه ومو عليك

المهم وكلام يابنات مثل السم وقسم صرت اروح لغرفه ثانيه وابكي وصار يدخل شات ويسولف مع بنات ويجي يقولي واقول ترضى انا اسوي كذا يعصب ويقول ولله لااذبحك


المهم تحملت وللان حتى هاللحظه كل هذا مايعرفه احد غير صديقه لي مقربه مره

وصار يعاند فيني وقسم يخلص البكت وانا انكتم وهو يقولي مو عاجبك اطلعي بره الغرفه وجيته بكل الاساليب

وهو يروح يشتكيني عند امه اني ارفع صوتي واني مو سنعه وحتى عند اصحابه وحتى عند اهلي وانا احلف لهم بس صدقو مااحد واقف غير صديقتي ويهزوني طبعا يابنات انا من اول متفقه معه انه اول شهر مابطبخ وابي احس اني عروس وتعوضني عن ايام الملكه وهو وافق وصار طول شهر البصل يتذمر ويقول انت مو سنعه اناانغشيت فيك

انت انسانه كسوله ولاتعرفين شي وكل شوي يحلف بيتزوج علي وانا اسوي نفسي مو مهتمه وصار موقفي دايم السكوت

احسه شخص ثاني منقلب جاء فيوم وطلع مع خوياه وتركني عند صديقتي اللي اقولكم عليها للصباح وقام يعتذر ويقول انا متغير عندي ظروف .................الخ وطبعا ماديه كان معي 20الف متبقيه معي عطيته اياها من غير من اي مخلوق يدري غيركم

وكل مابغى شي يصير معي كويس ويسوي اللي يبي حتى يوم اقوله طفي الدخان بس لااخذ اللي يبيه قلب علي

اخره الخميس كان مواعدني نروح المستوصف لاني تعبانه وبعدين نروح نشوي وكلمه خوياه بيطلعون البر راح خلاني البس وقام تغير اسلوبه واللي ابيه يسويه ووداني عند صديقتي عشان اهلي لايتكلمو ورجع الان قلب علي


تخيلو كان يقول انت ماتسوي غداء هو مايجي وصرت اسوي وقسم بالله يابنات القدر اسبوع بالثلاجه ولااكل منه شي

وكل مره اكل بره وكل مره عذر واقوم اسوي له فطور يتركه لي ويمشي ومره رماه قدامي وانا ساكته اقوله انت ماتحبني اكون مرتاحه يقول انااكرف واشتغل ونايمه ليش وتقومي تشتغلي بالبيت

ارتب البيت يحوسه والله مايقعد اسبوع تقولون عندي بزران ياكل ويرمي الوسخه بكل مكان حتى على السرير والدخان حتى على السرير تكلمت معه يقول هذا بيتي وهذي شغلتك تنظفي ورايه


المهم الحين انا حامل والله يابنات كل وقت ادعي انه ينزل ولايصيرفيه شي وهو يوم يسمعني يهاوش ويقول والله لو اسمعك تدعين كذا لااضربك

وامس يدري اني تعبانه قومي سوي لي عشاء قلت وش تبي قال اي شي قمت سويت له مكرونه قال وش ذا

وهذي طبخت الكساله ومو عجبته طريقتي طبخي لها وقام يتطنز ويكلم خويه ويترق علي وعلى اكلي وقام شدني من شعري غصب اكل وانا مالي خلق قمت اكل لقمتين ورجعت قمت قال كلي قلت شبعت قال قسم لاضربك قلت سويها والله لاادق على اهلي يجون ياخذوني

قام حلف بربه انه قريب بشوف زوجته الثانيه قلت اجل طلقني قال والله لاخليك معلقه وانا انبسط وانت خليك كذا

قلت بخلعك وعمي محامي قال اجل ادفعي لي مهري واذا ولدتي باخذه منك وانسي يكون لك ولد واو تشوفيه

حتى صلاته صار متهاونه فيها بقوه ولمااكلمه يقول مالك دخل واذا اصريت عليه يقول عناد فيك مابصلي

يابنات قسم وانا اكتب لكم الحين ابكي من قهري مااشوف شي من دموعي دايم اكتم قهري بصدري امس والله من كثر قهري ماقدرت اتنفس وهو يقول انت مضايقه مو مكتومه يعني كاني امثل الكتمه


طبعا امس كنت بالمستوصف وقالو عندي هبوط قام يقول للدكتوره ماتاكل وحتى انا ماتسوي لي اكل وقام يشتكي لها حتى الممرضات والدكتوره ساكته واليوم سويت له فطور هذا هو جنبي خلاه




طفشت وتعبت وقسم بالله تعبت وقررت اني بطلب الطلاق وعادي لو يحرمني من ابني له رب بس انا ماعدت اقدر

ودايم يقول انت دلوعه ويابنات قبل العرس يقول والله لاخليك ملكه وماتمسكي شي وبجيب لك خدامه والله كل شي حلو مالقيته

يوم السنه الجديده بسته واهنينه ويقول وش المناسبه وقلت له قال وخري عني اصلا مااعترف بهالامور


وابوي لو يدري بيتعب لان انااكثر وحده قريبه له ويوم يعرف امي تزعلني يضايق والحين عنده السكر والضغط ماابي اقوله وماعندي اخوان وامي دايم توقف بصفه وهي اللي ترفض اني اطلق


والله تعبت يابنات وقسم لو مو حرام لا اروح انزل اللي ببطني كرهت نفسي وكل شي

واللي كتبته مو كل شي جزء من اللي يصير لي الحين شهر ونص وكل تذمره كان خلال الشهر

حتى صديقتي يوم تدري تقول اللي يسمعه يقول لكم سنه توك عروس بس هو اناني

كرهت الزواج وناويه لوطلقت مابعيد التجربه خلاص اللي صار لي كفايه:09:

اعذروني على كلماتي والخربطه واني طولت كلامي بس حبيت احطكم بالصوره

اي ملاحظه عنه لو مثل رحت اشتكي مثل لاهلي ولاشي يقعد يلف بالكلام ويدور لين يحاول يقلب السالفه علي

او يلعب بالموضوع ويحسسك انه الغلط مني مو منه


اي وامس يوم يغصبني اكل عشان الهبوط اللي فيني واليوم مااكل الفطور عشان نفس السبب بس قبل يوم يتركه ولايوم رماه بدون اي سبب

واحيانا يتكلم على اهلي بس يقول استهبل لمااشب عليه ويقعد يقولي قزمه يبي يدمر شخصيتي بس هذاالي عجز فيه


للاخوات اللي يقول اكلم احد من اهله ابوه متوفي وامه كبيره وتصدق ولدها لانه يحلف كذب وحتى اخته وهو يسوي اللي براسه دايم
لو احد تكلم معه يعاند ويسوي العكس وهذا اللي انا لاحظته حتى صرت مااتكلم لان يعاند ويسوي الشي اللي اقوله لا والمشكله مااقوله لا اجيه بأسلوب

حتى امي تقولي انت تملكي اسلوب وتغير اي احد كيف ماقدرت على زوجك جد جد اول مره اقابل انسان مثل كذا


ايوه بنات وفي بعد شي هو كان خاطب قبل وتفركشت وماتمت وهو كان يحبها وهي تحبه بس بسبب الاهل المهم هو مأخذني ويحبني رغم مااشوف الحب وغصب عن اهله كمان

المهم يقعد كل شوي يتذكرها ويقول ياحرام يقولون نفسيتها تعبت وكذا ويقولي ابي اتزوجها لان الحين اهلها قالوله طلقني وياخذه بس رفض يقول افكر ارجع لها عشان تطبخ لي وتخدم امي

وانت لا تكوني بس شكل وقت ماابيك تخيلو ويوم الجمعه فتح الخريطه ويقول شوفي هذا بيتها اكيد نايمه الحين


وغير هذا وذاك انا الحمدالله مااحب البس عبايه ضيقه ومزركشه ودايم على الراس او الخفاش تكون مره واسعه ومافيهااي تطريز

وحلف علي يمين ماالبسهم وجاب لي عبايه على قدي ومطرزه والحين اقوله مو مقتنعه برجع لعبايتي القديمه حلف علي وقال والله لااقصهم لك

يقول كانك عجوز راكبه جنبي مو زوجتي

تعقيب يابنات انا ماكنت ابي احمل بس هو وحنا مملكين قالي تراني مااجيب عيال لانه يوم سوا تحليل قبل عشان يملك على خطيبته اللي قبل قالو له هالشي

ويعدين سوا عملية تفتيت حصى وسو له تحاليل وقالو له نفس الشي

عشان كذا مااهتميت اخذ حبوب منع حمل وقلت لاتعدل خليته يتعالج
192
23K

يلزم عليك تسجيل الدخول أولًا لكتابة تعليق.

تسجيل دخول

خوخه 2012
خوخه 2012
صباح الخير ,,, صراحه مدري وش أقولك !!

بسس حاولي تتفاهمي معاه لا تخلي سالفة الطبخ هي المحور واذا تمادى اكثر دخلي قريب لك تثقي فيه عمك او اي احد يحاول يصلح بينكم دووووبكم عرسان الله ييسر لك ويعينك المهم الحين انتبببهي للبيبي و لصحتك حطيها من أولوياتك ,, ما أقول الا الله يهدددديه ويصلحه لك وللي بطنك,
زيت أم أيمن
زيت أم أيمن
انتبهي يتجرا ويتمادى ويمد يده بكره يصير شي اعظم
شوفي حبيبتي بعض الرجال كذا يحب يسوي فيها اول ايام العرس وهو ماحولك احد
انت لاتعانديه اذا عندك قدره على الصبر اصبري ولا فكي نفسك وريحي راسك ترى ذالاشكال ماتتغير صدقيني
ابي لك الخير واتمنى تكوني سعيده
دامه وداك لصديقتك هذا فيه خير
العزيمه مو مشكله يمكن يبي يشخص عند ربعه وبيمل ولاعاد يعرم
لكن ظايقتني مشكله الشات والتدخين
استخيري ربك ولاتسكتين له اذا مد يده ولاتصيرين خوافه ابد
&فتاة المستحيل&
صباح الخير ,,, صراحه مدري وش أقولك !! بسس حاولي تتفاهمي معاه لا تخلي سالفة الطبخ هي المحور واذا تمادى اكثر دخلي قريب لك تثقي فيه عمك او اي احد يحاول يصلح بينكم دووووبكم عرسان الله ييسر لك ويعينك المهم الحين انتبببهي للبيبي و لصحتك حطيها من أولوياتك ,, ما أقول الا الله يهدددديه ويصلحه لك وللي بطنك,
صباح الخير ,,, صراحه مدري وش أقولك !! بسس حاولي تتفاهمي معاه لا تخلي سالفة الطبخ هي المحور واذا...
صباح النور والسرور

حاولت الى درجة مايرضى يسمع مني ويرفع صوته وبالاخير صار دايم لما يهاوش
اسكت ماارد عليه ابد

المشكله هو دايم يسوي مشكله من اي تافه يعني انااقوله ليش انت كذا تحب النكد

والله ماعاد تهمني صحتي ولاحتى الطفل:09:

اما قريب لي مع الاسف مافي احد كلن همه نفسه ماعندي غير صديقتي او الوالد والوالد صعبه اهم شي عندي صحته
ريم بنت التميمي
يآعممممممممممممري آنتي الله يعيييينك يارب ويسخره لك ..استحملي وادعي ربي وصلي الوتتتتتتتر كل يوم ..بعدين ياعمري ليش تقولين بترك ولدي وله رب ونعم بالله سبحانه بس ولو محتاجك ومحتاج حنانك بعد ..
&فتاة المستحيل&
انتبهي يتجرا ويتمادى ويمد يده بكره يصير شي اعظم شوفي حبيبتي بعض الرجال كذا يحب يسوي فيها اول ايام العرس وهو ماحولك احد انت لاتعانديه اذا عندك قدره على الصبر اصبري ولا فكي نفسك وريحي راسك ترى ذالاشكال ماتتغير صدقيني ابي لك الخير واتمنى تكوني سعيده دامه وداك لصديقتك هذا فيه خير العزيمه مو مشكله يمكن يبي يشخص عند ربعه وبيمل ولاعاد يعرم لكن ظايقتني مشكله الشات والتدخين استخيري ربك ولاتسكتين له اذا مد يده ولاتصيرين خوافه ابد
انتبهي يتجرا ويتمادى ويمد يده بكره يصير شي اعظم شوفي حبيبتي بعض الرجال كذا يحب يسوي فيها اول ايام...
والله امس يوم شد شعري قلت فكني ولا قسم بالله الليله ماراح تعدي على خير وبيصير شي موكويس

والله مااتوقع لان اي لحظه حلوه يروح يدور له سالفه عشان ينكد علي

والله يااختي ام ايمن مااعانده حتى من قبل العرس امي واختي معترفين اني مطوله بالي عليه

وهو وداني لصديقتي تسكيته عشان يفتك من ازعاجي مو خوف علي

ان شاءالله بستخير وربي يكتب اللي فيه الخير

جزاك الله خير