بنات محتاجه نصايحكم علموني . .

السلام عليكم خواتي شلونكم . .
الموضوع طويل بس بختصره وان شاءالله انكم تخففون عني وتعطوني حل لاني جد تعبت . .
بنات عندي خوات زوجي مره يكونون زينين ومره يقلبون علي مابي اتكلم عن اول بقولكم اقرب شي صار معاي لما انا احط حاله بالواتس اب كلام حلو مثلا
كلام عن زوجي او عن حب او اغنيه اي شي كانهم يغارون مادري والله يروحون يحطون صورت زوجي عندهم ويكتبون كلام ادري بتقولون اخته عادي تحط صورته بس والله اقولكم الصدق مره حطت اخته الكبيره صورته وجت تقولي وحده من صديقاتي تقول اخوج هذا حلو ومادري شنو طيب تجين تقولين لي ليش شنو المقصد وانا اصلا ما شفتهم لانهم بديره ثانيه وانا بديره معرفتي فيهم ترا تليفون وصور وفيديو بعد ما رحت شفتهم بحكم الظروف الله يعلم فيها فقلت لها حبيبتي ميخالف تشيلين صورت زوجي قالت ليش تغارين ضحكت انا وقسم بالله على نيتي قلت لها اي شلون ما اغار يعني تجيني تقولي جذي وما تبوني اضايق بالعقل حطو نفسكم بمكاني لو قالت لكم حتى لو ضحك مايصير انا زوجة اخوكم صار هم موقف بيني وبين اخته العوده هم عن طريق الواتس موضوع طويل المهم انا بصراحه تسرعت وقلت لها الي مضايقني وزعلت وقلبت علي و من بعدها احس صارو يعاندوني يحطون صوره خاصه وحده من خواته احسها تراقبني شنو انزل كانه تشك بنفسها عبالها الكلام عنها يعني اول امس وحده كانت تناشبنا انا وخواتي وتحط حالات وكلام يغث واحنا نحط ترد ونرد جو خواتي زوجي الي اهما مالهم شغل يحطون كلام مبين ردا علي طيب انا ما اقصدهم ومافي شي بينا شتبون قلت لا يمكن مو عني رحت حطيت صوره ثانيه اشوف لا زادو وكلام يجرح ويغث يعني ما يحترموني انا زوجة اخوهم الكبير والمشكله كله من تحت لي تحت مستغربه انا تعبت نفسيتي قاعد يصير مشاكل وهواش بيني وبين زوجي بسببهم وزوجي ما يقدر يكلمهم طبعاً قبل سنتين صار نفس الموقف وزعلت وبالغصب كلمهم نكرو قالو لا مو عنها وليش ومادري شنو خلاص تسكرت السالفه حلو امس بليل اخته الصغيره حطت صورت زوجي المهم انا مادخلت على الحاله شفتها من برا وطنشت ثاني يوم شافتني اظاهر والله يعلم اني ماشفت راحت حطت صورته عرض ورسلت لي كنت انا سالتها عن شي ابيه وقالت لي هذا الشي الي تبينه وجذي يعني كانها تبيني غصب اشوف الصوره المهم رديت عليها قلت لها ‏(( اي ما ابي الا سلامتج🌹)) جذي بضبط بذمتكم في شي ردي ؟!
شافت وماردت علي مافي ثلاث دقايق راحت حطت حاله كاتبه فيها | كل واحد يتعامل بطيب اصله على كل حال لما شخص يعامل باحترام المفروض نرد باحترام وشكرا | . .
انا استغربت قلت شفيها هذي ومتأكده تقصدني يعني انا شنو قللة من احترام او شسويت وشلون عرفت عن طريق كتابه بالواتس اب يعني ! فهمتوني انا زعلت حيل والله بعدها شوي ولا تعطيني بلوك من الواتس اب هني تاكدت اميه بالاميه انها قاصدتني شسالفه يعني ولا عشان ما طنشت وما علقت على كلامها بصورة زوجي مادري شتبي بالضبط . .
الي غاثتي اني تهاوشت مع زوجي بسببها والله كرهت نفسي انه ليش انتو فاهميني قالي زوجي خليها اختي مجنونه ماتفهم يمكن عبالها ان انتي منفسه عليها قلت شلون بتعرف عن طريق محادثع يعني حدث العافل بما يعقل اذا انا جايبه لها هديه ومستانسه بدز لها ياه لو انا ما اواطنها ليش اكلمها واجيب صح ولا لا بنات والله تعبت من هالسوالف كل ما حطيت شي ردو عبالهم عنهم مع اني بعيده لو قريبه شلون قلت شوف انا ما سويت شي وردي مافيه غلط الي ما يحترمني ما احترمه ما ابيه بس انا ماراح احط لها حظر لاني ما احقد ولا اكره احد كثر امور هذا اختصار
بنات شسوي شلون اتصرف تعبت خايفه زوجي يتغير علي بسببهم ولا ام وابو زوجي يزعلون مني او يقلبون علي ويصير كانه حرب مادري فهمتوني قمت افكر انا متزوجه الحمدلله لي خمس سنوات معاه بس الله سبحانه مارزقنا عيال والسبب مني والمشكله ما قلت لاحد قلت لما اروح اتاكد وانا من عرفت باول سنه زواج ماراجعت ولا شي كرهت الدنيا واكتابت وقعدت وادري غلط الله المستعان وتعرفون هالامر يخلي الوحده حساسه حيل شسوي بنات نصحوني امانه علموني شسوي معاهم يعني احظرها ولا شنو ومشكورين الله يسعدكم ويعطيكم على قد نيتكم . .