ياعزيزتي زوجك انتي عارفه علته وترجعين له كل مره وانتي عارفه وضعه مواجهته والمشاكل اللي حصلت وتلاحقينه من غرفه لغرفه وتتصلين عليه كل شوي وترسلين ليش ؟؟؟؟
فعلتي المشكله وكبرتيها وانهنتي وجبتي لنفسك الكلام الجارح دام انك عارفه انك منتي متخذه موقف تفتحين الجوال ليش ! حتى يوم فتحتيه دام منتي اخذه شنطتك وطالعه بكرامتك بدون نقاش وكلام واهانات منه لك ليش تتكلمين ! صراحه غلطانه والغلط من راسك لرجليك زوجك حاقرك ولايراك شي خصوصا انه عارف انك عارفه وجالسه كان مالك غيره
عندك واحد من اثنين اذا انتي والله من الحريم اللي تبي زوجها ولاتستغني عنه لو يوطاها تجلسين وتعدلين تعاملك معه من الالف للياء وتدعين له بجوف الليل ان الله يهديه وتسكرين هالموضوع تماما ولاتشوفين جواله ابد لانك اساسا عارفه وش فيه لعل الله يهديه ويرده لك ردا جميلا ويكفيه شر نفسه وعيال الحرام
او تطلعين مع الباب بدون كلام وزياده حكي وتوكلين امرك فيه لرب العالمين والمحكمه تجيب لك حقوقك كامله حتى تواصل معه تقطعينه واللي خلقه خلق غيره ومااحد ضايع الحمدلله ترى اهم شي على الادمي الراحه النفسيه لو يقعد لحاله وياكل خبزه بشاهي ويعبد ربه هذي اكبر نعمه
الله يصلح حالنا وحالك وحال بنات المسلمين والله اني من زمان اتصفح مبطيه مره ماشاركت لكن استفزن كلامك خصوصا وانتي تلاحقينه وتدورين كلام واهانات على نفسك ليتك ساكته واتخذتي موقف ماله داعي اللي سويتيه ورفعه الضغط

ليه رجعتي لحالك بعد سنه زعل


اه بس


هذامربط الفرس
كان خليتيه يطلقك اويتعدل
رايي
الطلاق افضل..
باختصااااااااار

اللي ردو ماقصرو قالو كل اللي لازم ينقال لك بخاطري
بس بقول لك يا اختي انتي وش اللي تبينه بالضبط ؟
زعل وزعلتي ببيت اهلك سنه وماعبرك ولا حس بالندم والاشتياق وانتي اللي رجعتي من نفسك لبيته
حتى مواجهه وهواش وتهديد وبكاء وصياح سوييتها معاه ولا اهتم
زوجك ماهو حولك زوجك لاهي مع بنات الناس يهتك عرض فلانه ويزني مع فلانه ومضيع عمره يلاحق الحريم
وكل شي واضح قدامك ورب العالمين هيء لك اسباب وكشف لك المستور وصار القرار بيدك
اجلسي فكري مع نفسك وش اللي تبينه بالضبط ؟
هي احد الامرين اما تقبلين خيانته وترضين بعلاقاته وممارسته الزنا مع بنات الناس وتستعدين للامراض الجنسيه والنفسيه والجسديه اللي ممكن تصيبك بكل صمت وبدون أي اعتراض وشكوى وتقضين عمرك صابره ..
أو تحطين حد لكل شي وتطلبين الطلاق وتعيشين حياة جديده مع اهلك كمطلقه مع اطفال وتتحملين كافة الظروف والنتائج وتفتحين صفحه جديده انتي ترسمينها وتخططينها متوكله على الله ومستعينه بالله ..
مستحيل تلاقين حل ثاني
لانك جربتي الهواش والمواجهه والزعل سنه ومابين لك انه مشتاق او فاقدك ويبيك لانه اساساً معبي وقته بالعلاقات ومنشغل فيها وحتى اخوياه كلهم نفس الطينه منغمسين بالملذات والمحرمات وماراح يتوبون الا لما يصيبهم بلاء ومصيبه تخليهم يندمون قد شعر راسهم
اعرف انك في موقف صعب وكل الاختيارات اصعب من بعضها لكن احياناً الظروف تجبرنا اننا فجأه نغير حياتنا لطريق ثاني ماكنا متوقعينه ولا حاسبين له حساب
وسواء اخترتي البقاء او الانفصال انصحك تكونين قويه وشجاعه لا تعيشين ضعف وانكسار
ولا تنتظرين تعاطف من احد خليك عزيزة نفس وحقك تاخذينه كامل مكمل لانه حقك مو كرم ولا هديه منه
ثقي تمام الثقه ان اللي يحبك مستحيل يفرط فيك او يتحمل يشوف حرقة قلبك ودمعتك
لكن اللي بايع ومفرط لو تولعين بنفسك نار ماهميتيه كل همه انه يستمر في لذته ومتعته وغفلته بدون قيودك
واخر شي بقوله فكري وشاوري واستخيري قبل تاخذين اي قرار حتى لو اخذ منك القرار تفكير سنه لقدام


اسأل الله العظيم ان يشرح صدرك وييسر امرك وان يسخر لك ملائكة السماوات وجنود الارض وان يسخر لك خيرة خلقه ويرشدك للصواب ويعينك عليه

والله قرئت موضوعك وانا مستغربه منك << وين الزنا بالموضوع ؟؟؟؟


كلها محادثات ويبي يقابل بنات بس يبون فلوس وهو مطفر ....


انتي مسكتي عليه شي يقول انا فعلت وسويت ...؟؟
انتي شفتيه مع وحده بالسرير ...؟؟
اذا لا فأنتي قذفتيه واتهمتيه باطل وظلم ..
.............. لازم تتأكدي من ناحية الزناااا . ولا مكالمات وكذب وسوالف كل الرجال يكذبون ويسولفون ويفتخرون بتجميع ارقام البنات ..
💔🏃🏻‍♀️🏃🏻‍♀️🏃🏻‍♀️🏃🏻‍♀️
الشي الثاني .. بيتك ... دام عندك عيال منه .. وأخذ طاقتك وصحتك بالحمل .. ي قلبي هو الي يطلع ماهو انتي ..
رحتي عند اهلك سنه ومامشى الموضوع ورجعتي لااااا تعيدي التجربه ..
الطلاق ماهو بصالحك انتي وعيالك ...
خليك بالبيت ربي عيالك وخلي زوجك يشوف عياله وطلباتهمً ويصرف عليهم من اكل ولبس وتمشيه وغيره ..


نصيحه بيتك لا تطلعي منه ... اذا طلعتي راح ترجعي تكتبي موضوع طليقي مايصرف علينا وعيالي يبون يتمشون وحالتكم حاله ...


ماهو كل وحده تقرا جملتين بجوال زوجها تتطلق .. وعلى ظهرها عيال ..
خلاص امسكي بيتك وعيالك وأدبي زوجك ببيتك ..
هذا مكانك وزوجك هو الي المفروض يحس انه وقح وحقير

انا لو مكانك صورت هالكلام وخلعته بالمحكمه وهذا دليلي المحادثات وكنت ذكيه ماقلت له على طول مسكت الادله عليه ,, اما سالفه عيشي لاولادك ليه تعيش مع واحد كذا يربي عيالها و يطلع مع بنات ويزني اذا هو يزني من جدكم ياكبرها عند الله تجلس معه لان من كلام صاحبه رفعه الرجلين ذي ,, واللي تقول يمكن يطلع مع بنات بس مايزني حتي ولو يطلع مع بنات ايش يسوي يقول لهن كلام حلو او يبوسهن او يضحك ويسولف معهن حتي ولو هذا ماينجلس معه , وبالمحكمه راح يجبرونه يعطي عيالك مصروف غصب وانتي اذا موظفه خذي له شقه لك انتي وعيالك واذا جاءك رجال كفو يخاف الله وارتحتي له تزوجيه