اذا كانت مصريه فانصحك لا تاخذين لها عطورنا لان لها ناسها وربعها...مثال.هل تحبين العطور السودانيه الخاصه..انصحك تاخذين لها اي شي اتوقع راح يتقبلونه غير عطورنا ....... مجرد رأي

صح :27:
وانا مثل البنات اقترح تهدينها تذكارات تتعلق بمكة وسبحة ثمينة ، ومايمنع تهدينها عطور حيادية تعبر عنا مثل المسك الابيض والبخور ، وممكن جلابية فخمة

إدا كانت مصرية فأنصحك تاخدين لها طقم ملاعق وسكاكين وشوك للسفرة اللي تكون في شنطة لأن المصريين يقدرون هالحاجات وتعطينها إياه يعني مو تحطينة في الشقة اللي راح تقعدون فيها
وهدا اللي سووه أهلي >>>>على فكرة الوالد خبير في مصر نمبر ون
أو طقم شاي صناعة فاخرة لأنهم يحبون هدي الأشياء وبتلاقينهم يحتفظون فيها عشرات السنين لدرجة أنك تلاقينها من زواجها اللي من 30 سنة وهي عندها.

أو حاجة حلوة دهب بس تراهم مابيحبو الفصوص أو الزركون يعني دهب خالص عيار 21.

شكرا خواتي على الاقتراحات الحلوة ...

لكن الحرمة أصلا مصرية لكن عايشة فالامارات، يعني من سنين تقريبا 20 أو 30 سنه تقريبا
وفكرت أوديلها طقم صحون .. لكن قالوا مدام هي عايشة هني ماراح ينفع.. :(
والله مش عارفه !!

وفي احتمال انه ينلغي السفر ..... لأن حصلت ظروف .. شو رايكم أطرش لها شي للاعتذار ؟
أحس ان عيب وهي من فتره تجهز لنا الشقه وآخر شي نقول لهم ماراح نيي!!

هممم والله محتارة ..هي قياسها جدا كبير .. وأنا ماعرفه !! وبالنسبه للدخون ماعرف اذا هي تحب ولا لأ بس بناتها يحبونه ...
شو رايكم بالقطع ؟؟؟ قطع حرير ؟؟ المشكله ان الاغراض اللي تنشرى كثير لكن ظروفي الحالية ما تسمح لي بشراء أي شي فوق ال 500 درهم !!

ماعرف والله ... الى الآن محتارة