بنات محتاره في امري ريحووووووووني الله يسعدكم

هلا روزي
لاتحاتي الوضع هنا ممتاز
وانا عندي اطفال
ولله الحمد الامور ماشيه
وتقدري تدخلي بنتك روضه ايضا
وبالنسبه للمكافاءه بس يبيلها حسن تدبر
وحاولي اذا جيتوا ان شاء الله انك تشترون دايم من محلات الجمله لانها تكون مناسبه راح تستغربين نفس البضاعه اذا كبرت قلت سعرها هذا جدا منشر في امريكا
وبالتالي تساعدك على التوفير
انا كنت احاتي مثلك ولكن استغربت باللي شفته
والحمدلله
والماستر ثلاث سنوات

ماذكرتي لنا البلد عشان مغتربات هالبلد يساعدونك لكن بشكل عام في الغربه سبحان الله تتصرف الامور وتقدرين تنظمين وقتك ووقت اطفالك وامورهم بشكل افضل خذيهم معاك والله ييسر لكم بأذن الله كما تتوفر الكثير من الروضات وجليسات الاطفال بالساعه ..

رفع

تجين بالسلامه خيتووو
لاتحاتين ابد ولا تشيلين هم انا زيك عندي طفلين بأعمار اطفالك وادرس ماجستير وزوجي يدرس بعد
الحلو بالدراسات العليا انه مو كل يوم تروحين الجامعه يعني يومين بالاسبوع تكفي ولو اخذتي ماده اون لاين يصير يوم بالاسبوع تروحين
الاطفال الحضانات غاليه خصوصا الولايات الغاليه بس بنتك ام اربع سنين ان شاء الله السنه الجايه تدخل المدرسه الحكوميه دوامهم من الساعه تسعه لثلاثه وهذا يعطيك وقت للدراسه وراح يخفف من مصروف الحضانه
اول سنه صعبه شوي بحكم كل شي جديد عليك
نصيحتي لك دوري سكن من الحين عن طريق النت بس لا تستاجرين لين تشوفينه بعينك وحاولي تقرين عن منطقتك كثير
بيوتهم صغيره وماتتوسخ بسرعه يعني التنضيف سهل لاتشيلين همه
اغراض السوبرماركت زي ماقلت اختي الي قبل روحي لمحلات الجمله او اذا حولك سوبرماركت اسمه ALDI انصحك فيه
المكافأه تكفي بشرط حسن التدبير ومعرفه الاولويات في البدايه لازم معك مبلغ يعينك على المصاريف الاوليه
بالنسبه لمده الماجستير تختلف على حسب التخصص من سنتين لثلاثه بدون سنه اللغه
اهم شي جيبي كل اوراقك وشهاداتك معك مترجمه ومختمه وشهادات ميلاد بناتك مترجمه وشهادة التطعيم
وتواصلي مع جامعتك من الحين وشوفي وش يبون من اوراق وجيبها معك
والله يوفقك ويعينك وحطي في بالك كل شي كل شي بالارادة يصير استعيني بالله وخلي إرادتك قويه
واذا احتجتي شي تواصلي معي
تحياتي

هلا وغلا

توصلين بالسلامه ان شاء الله

المكافاه ان شاء الله تكفي بس اهم شي حسن التصرف مثل ماقالوا البنات

اذا كنت جايه على امريكا ياليت تختارين ولاية حلوه الاسعار فيها ماتكون غاليه مثل نييويورك ولوس انجلس
في مدن رخيصه والمعيشه فيها حلوه

بناتك مثل ماقلوا البنات الكبيره ان شاء الله سنه وتدخل الحكومي والصغيره تدخل الحضانه على عمرها في مدينتي في كانسس 700 دولار في الشهر او دوري لك وحده في البيت تكون كويسه ويكونون ارخص من المراكز

اللغه تعتمد على شيئين اول شيء على مستواك الحالي عندك خلفيه او لا وثاني شيء على حسب المعهد اللي تدرسين فيه بعض المعاهد علشان تخلصينهم تجلسين اقل شيء سنه ونصف

بالتوفيق