&بنات مشكلتي زوجي & آه يا حرقة قلبي !!!!

السلام عليكم خواتي الكريمات
مادري من وين ابتدي لكن بكتب اللي اقدر عليه و اللي بيطلع من تعبيري في هالليل ... خواتي الكريمات مشكلتي ريلي .. و بروده العاطفي و خلو كيانه من الحنان و الاحاسيس ... انسان جامد جدا بعكسي تمام رومانسية حساسة ... حنونة ... ياربي شالحل معاه ؟؟
خواتي العزيزات , لما تحسين بحزن لمن تلجئين ؟ لما تحسين بضيق لما تشكين ؟ أنا بروحي في البيت و محد معانا احنا عايشين بروحنا ... اوقات أمر بحزن شديد ... بضيق كبير .. بهم ... اتضايق من مشكلة مريت بها مع اي شخص كان ... ارجع البيت زعلانة حزينة ... و محتاجة لحنان .. لمواساة ... لصدر آمن و دافئ .... او احيانا لمشورة لحل مشكلة ... و اشوف نفسي غريقة من غير منقذ في بيتي ... غريقة في همي و حيرتي و مشكلتي و ضيقي و دموعـــــــــــــــــي ... و لا يسألني شو فيك ؟ و شو اللي مضايقك ؟؟ مليت يا ناس .. و الله مليت من هالانسان البليد متحجر القلب ... عديم الاحساس .. طبعه أناني ..لا يسأل عن حالي و أحوالي ... لا يهتم اذا انا بخير او مريضة او محتاجة شي ... لا يهتم اذا أكلت أو نمت أو سهرت الليل حزينة مهمومة ... أو سبب تواجدي في الحمام أبكي ساعة !!
انا لي عواطف لي احاسيس مش مجردة .... ابغي انسان يفهمني عاطفي حنون عاقل يحل مشاكلي ... باختصار أبغي سنــــــــــــــــــــــــد سنـــــــــــــــــــــــــــــد.. و نصفي الثاني .. اللي مستحيل يكون هذا الكائن البشري الغريب !!

شـــــــــــــــــــــــــالحل معاه ؟؟!!!
خبروني ارشدوني ... وعوني على الدنيا يمكن انا مادري عن شي ... اصفعوني ... عطوني اي حل! المهم شي يريحني من المرض اللي طحت فيه !

أرجوكم مابغي تطنيش محتاجة حتى لنص رد صدقوني .... كل كلامكم على عيني و راسي و انا انتظركم ....

و جزاكم الله الف خير :26: