بسم الله الرحمن الرحيم
السلام عليكم ورحمة الله وبركاته
انا زوجي والله الحمد نظيف وريحته تهبل ويهتم بنظافه وين المشكله مافيه مشكله بس لفت انتباهي بعض الخوات يشتكون من ريحة ازواجهم يا ترا لو دخلتي منتدى ولقيت زوجك يشتكي من ريحتك وش شعورك تدخلين عشان تطلعين فضايح زوجك عند الناس وتخلين كل وحده ترد و تتريق (( وع افيه اكره ريحة الفم الخايسه اكره ريحة العرق)) وتخلينه مصخره عند الحريم
يمكن تجيك وحده تتفلسف عليك وتتريق على زوجك وما تدرين يمكن ريحتها هي بنفسها شينه
يا اختي هذي مو مشكله ريحة فم زوجك ولا عرقه ما تقارن بالي تشتكي من زوجها سكير ولا مدمن ولا يمارس الشذوذ ولا لقته مع الخادمه وغيره
هذي حلها في يدك بدون ما تعرضين زوجك حتى من غير ما يدري للاحراج ولتريقه
اختي هذا زوجك الي يمسه يمسك كيف تسمحين لنفسك تتشكي من ريحته قدام مليون وحده
هذا زوجك الي حافضك وساتر عليك ويكفي انه تزوجك وخلى لك بيت ومملكه تخصك انتي وبس
يصرف عليك يشقئ عشان يوفر لك كل الراحه وما ينقصك شي
هذا زوجك الي يحرم نفسه ثوب جديد في العيد ولا شماغ عشان تطلعين اشيك وحده انتي وعيالك ولا يكسر في خاطرك
طيب لما كتبتي مشكلتك هذي اش شعورك لو دخل ذا الزوج على جهازك وشاف الكلام الي كتبتيه ولا التعليقات من الناس تتخيلين بيطيق شوفت وجهك
المشكله محد من الي ردو عطوك حل غريب ومن المريخ كل حلولهم الطفل يعرفها وشي بديهي علكه يفرش اسنانه موزيل عرق وغيره
الي خلاني اكتب ذا الكلام انه الكل يبي يطلع عنده مشكله غصب طيب ولو كانت على حساب مشاعر اقرب الناس انا تركت اعز اعز صديقاتي كل مجلس تجيه تتكلم عن زوجها والحمام الي يطلع منه وريحته يع وما يسحب السيفون والكبنيه وسخ هذي ما تستاهل الزوج ولا تستاهل الصداقه من اصله اذا زوجها تكلمت عنه بكره لو تشم مني شي اتكلمت فيني وفي غيري اعطت الناس انطباع ان زوجها ازباله متحركه
وتذكري انه الوحده حرام تفشي اسرار زوجها وريحته تعتبر من اسراره
اتقو الله
ويا ليت الي تعرف احاديث تخص الزوج والعلاقه الزوجيه تكتبها لاني اخاف اتعمق بشي انا اجهله
ولكم مني كل احترام
يلزم عليك تسجيل الدخول أولًا لكتابة تعليق.
**نوارة**
•
صح لسانك
صدقتي:)صدقتي:)
جزاك الله كل خير واثرتي موضوع مهم لاني لاحظت حريم كثير 000000000000000مشكوره :)
الصفحة الأخيرة