om_maram @om_maram

محررة

بنات مصر ..........أرجوكم ساعدونى لا تكسفونى

السلام عليكم و رحمة الله و بركاته
اولا : انا ام مرضع و طفلى عنده 11 شهر
ثانيا : مشاكل شعرى هى :
1- جفاف
2- تقصف
3- سقوط
4- خفيف ( اموت و شعر يتقل و يبقى كثيف )
5- قصير و نفسى يطول

يعنى كل مشاكل الشعر متوفرة عندى الحمد لله هههههههههههههههه

ثالثا : و هو الاهم ان المنتدى فيه وصفات كتير و الواحد مش عارف يختار وصفة ايه

رابعا : ارجو اللى تنصحنى تقول اعمل ايه بالضبط من اول ما ادخل الحمام بالتفصيل الممل هههههههههههه
ما تفهموش غلط قصدى اغسل شعرى باية و بغدين احط خلطة اية و مقاديرها اية و اسيبها اد ايه و بعد ما شطفها احط خلطة تانية للتمشيط و لا خلاص مع العلم ان شعرى ناعم و لا اريد ملسمه يكون دهنى ( طماعة مش كده ههههههههه ) ناقص تقول و ياريت حد يجيى يخلطهالى و يدلكلى شعرى هههههههههههه
عامة انتظر ردودكم لا تبخلوا عليا بس ارجوكم تكون الوصفات مجربة و ليست منقولة احسن انا مش ناقصة

يلزم عليك تسجيل الدخول أولًا لكتابة تعليق.

تسجيل دخول

roro cat • 17 سنة

السلام عليكم
ازيك يا قمر بلادي
بصي يا ستي اول حاجه نوعي في الشامبو وهاتي احجام صغيره عشان الشعر لما بياخد على نوع واحد بيفقد مفعوله وده في اي حاجه من سامبو وزيت وحمام كريم وبلسم
ممكن تبداءي بشامبو دوف وهاتي بلسم كويس ممكن لاكتيويل وعندك حمام كريم لويس بمفعول زيت الحيه ممكن كمان تروحي عند حراز هتلاقي عنده اه افتكرت شامبو السدر وزيت السدر وزيوت كتير
اعملي حمام كريم تلات مرات في السبوع وغطيه ببونيه بلاستك نص ساعه ممكن تعملي اي حاجه في شغل البيت وتنسيه وبعدين اشطفيه اعملي حنه مع جرجير وزبادي وبيضه واخلطي معاها سدر كمان على الاقل مره في الاسبوع وسبيها ساعتين على شعرك واعملي اي حاجه عندك في البيت يعني عيشي حياتك عادي بس متسبيهاش اكتر من ساعتين ولو خالطه نعاها سدر خليها ساعه بس مره اعمليها كده ومره اعمليها يعني تخلطيها باءي مجموعه زيوت عندك ممكن التوم والخروع والجرجير عشان دول بيتقلوا ويطولوا الشعر بعد الحمام يا ستي عندك بديل الزيت هاي بانتين كويس والافضل تغيري زي ما قولتلك يعني كل ما تخلصي حاجه اشتري نوع تاني اعملي الحاجات دي
صدقيني هتلاقي شعرك بعد شهرين حاجه تاني واه متنيسش قصي اطرافه كل 3 اشهر اول الشهر العربي وان شاء الله يطول ويتقل ويبقى حرير
اتمنى اكون افدتك

om_maram • 17 سنة

مشكورة على مرورك و نصايحك

hebo_ha • 17 سنة

om_maram :

مشكورة على مرورك و نصايحك

مشكورة على مرورك و نصايحك

أهلا أم مرام من مصر أم الدنيا:)
بصى ياستى انا زيك بس انا كمان نيلت الدنيا اكتر انى بعد الولادة عملت هاى لايت وبعديها ب6 شهور عملت هايلايت تانى وكمان انا فى الرياض والجو هنا جاااااااف موت يعنى شعرى بايظ من كله بس قبل شهر ونص قررت انى اهتم عشان نازلة اجازة وعايزة اكون كويسة..
1-عملت خلطة الجرجير وزيت عافية بصراحة حلوة بتنعم الشعر وتطريه
2-باستخدم دابر املا لو مش موجود منه فى مصر ممكن تروحى تجيبى مجموعة زيوت تخلطيها مع بعض وتعملى حمام زيت لمدة ساعة
3-كمان زيت الذرة عافية بتاع الأكل مفيد ويلمع الشعر ويغذيه لو حمام زيت برضه لمدة ساعة
4-ضيفى زبادى على شعرك بعد الشاور واعمليه زى ماسك واشطفيه
5-الزيت والعسل بمقادير متساوية مغذى وينعم الشعر

om_maram • 17 سنة

الف شكر حبيبتى

و ربنا يصبرك على الغربة

على فكرة انا من عشااااااااااااق اسكندرية نفسى اقعد فيها و لو عشه على السطح

hebo_ha • 17 سنة

om_maram :

الف شكر حبيبتى و ربنا يصبرك على الغربة على فكرة انا من عشااااااااااااق اسكندرية نفسى اقعد فيها و لو عشه على السطح

الف شكر حبيبتى و ربنا يصبرك على الغربة على فكرة انا من عشااااااااااااق اسكندرية نفسى اقعد...

والله يا جميل اسكندرية تحفة واهل اسكندرية صعب يعيشو بعيد عن البحر وانا هنا فى الرياض الحمدالله بس مافيش لا بحر ولا فسح ولا حااااااااااااااااااااااااااجة بس انشاءالله نازلة فى نص اغسطس اجازة:icon28:
بالنسبة للخلطات انا بقالى شهر ونص لاجئة على النت فى كل المواقع بطلع خلطات لو حبيتى تستفسرى عن حاجة قوليلى ...
بالنسبة للجرجير وزيت عافية فى موضوع الاخت حوطيه هنا وكمان فيه حاجات حلوة حاولى تدخلى فيه
:26: