ازيك يا داليدا
بالنسبه لموضوع شنطه رمضان
متهيالى الشنطه افضل فى الشهر ده بالذات
بس لازم تعرفى ايه المفروض اللى هيكون فى الشنطه
لازم تكون حاجات اساسيه
تحتاجها الاسر دى فى هذا الشهر
اسال الله ان يبلغنا رمضان وان يعيننا على صيامه وقيامه وان يؤجرنا خيرا ان شاء الله
وربنا يؤجرك خير باذن الله
حاااضر يا ستى موش هنقول نورتونا
بس لازم نرحب طيب باى حد جديد علينا

ام باسل ازيك يا حبيبتى
جزاك الله خير على ردك
طيب أنت رأيك الأحسن نعمل عدد شنط قليل ويكون فى حاجات كتير يعنى تكفى مده طويله ولا نعمل عدد كبير والحاجات تكفى فترة أقل طبعاً الجودة هتكون واحدة بس أنا قصدى الكمية

نودى ازيك لأ متخفيش أنا مكنتش واقفه برة مكشرة ولا حاجه
بس كنت واقفة أرتاح أصلى كنت طالعه السلم بسرعه :P
حمد الله على سلامة بابا وربنا يباركلكم فيه ويباركله فيكم

بصى يا داليدا
انا رائى ان العدد يزيد
احسن من كيف الشنطه مدام الجوده واحده
يعنى انتى تدخلى السرور على قلب 3 اسر مثلا
اعتقد افضل من انك تزودى شنطه كامله لاسره واحده
ده رائىيي
موش عارفه بقيه الاخوتت رائيهم ايه يا ريت يشاركونا
فى الموضوع ده بجد
واسمحيلى ام احمد بعد اذنك اقتبس فكره موضوعك واطرحها هنا
دعوه للحب بمناسبه رمضان
يا جماعه عايزين افكار للشنطه دى ايه اللى مفروض يكون جواها
وهل زى ما داليدا قالت هل نهمتم بالكم او الكيف
اتمنى الكل يشارك بافكار واللى عندها اى شيء اخر ممكن يقوله يمثل فكره جديده يقولنا
دعوه للحب بمناسبه الشهر الكريم

هو أنا بفكر أن الشنطة يكون فيها الآتى
رز
سمن نباتى
زيت ذرة
سكر
مكرونة
عدس
لفة تمر هندى مثلا ( لأن اللفه بتفضل فترة أمتر من قمر الدين)
كيلو تمر
مش عارفه إيه رأيكم ويا ريت نبتدى الآقتراحات عشان كل سنه وأنت طيبين الموضوع قرب أوى .
كمان إيه رأيكم نبعت الشنط إمتى قبل رمضان بقد إيه يعنى