صباح الفل يا نودى .. حلويين شويه القر الى عالصبح دول :) حسيستينى انى حجرى ناكشه شعرى ورا العيال ..امسك واحد من رجله فى ايدى وبجرى بالمقشه ورا التانيين حرام عليكى يا نودى ليه كده بس ما احنا كده كويسيين وبعقلنا وبشعرنا .. وهو انا عديتك ولا ايه ؟ انا من انبارح بردوا دخل عليا دور البرد حاولت اقاوم بس خلاص فشلت :( باخد دوا اسمه سوليد يا نودى كويس هو مسكن بردوا وخافض حراره وعليكى طبعا وعلى الفيتامين سى والف سلامه عليكى يا قمر :)

شيري احلي صباح علي عيونك ياقمر صباح الفل والورد عليكي
وربنا يخليكي علي الصباح المخصوص اخبارك ايه الجو النهارده حلو شويه ولا من كتر البرد بتخيل

نودي ازيك ياعسل لك وحشه صباح الخير اه شفتي طلباتك اوامر اسمي طلع زي ماقلتي بالظبط شبيك لبيك ويارب تليفونها يصلح انا وميرسي عالدعوة السكر اللي زيك ياجميل وسلامتك ياقمر الف سلامه انزلي الصيدليه وخدي اي حاجة للبرد لان الجو مش مظبط بس الحقي نفسك وماتشوفيش شر ابدا

سمسومه عاشت الاسامي ياقمر ايه الاسم اللي يهبل ويجنن دا :D
صباح الخير عليكي

جومانه طمنيني عليكي ياقمر

ام جوجو صباح الورد


اينا
ايه رايك في التشجيع دا يارب الفريق يفوز وربنا معاهم
وصباح الفل علي كل البنات اللي مش موجودين

بصوا بقي انا عايزاكم تساعدوني في حاجتين طماااااااااااااااااااعه اوي :icon28:
لفات الحجاب بالنسبه لفستان الفرح لو في لفات حلوة قولولي عليها لاني معرفش حاجة ابدا :icon33:
ولفات الحجاب برده لاختي لاني مهتمه بيها جدا وعايزاها تنور يوم فرحي وتطلع زي القمر ان شاء الله

وعايزةنوع بودرة كويس :icon33: لاني خلصت كل مكياجي الا البودرة عايزاه يكون خفيف ومايبانش لان جوزي بيكره المكياج اللي جربت نوع حلو تقولي عليه

صباح النور عالبنور يا شيري، و بعدين مش انتي اللي قلتي قروا عليا؟!!! انا طبقت كلام دندونة حرفيا و هي لما تيجي برضه حتتولي بقية القر!!!

الله يسلمك يا حبي و الف سلامة عليكي انتي كمان يا توتة، انا حاسأل على سوليد ده و ربنا يجعل فيه الشفا

هبهوبة السكرة، صباحك ورد و عنبر

الله يسلمك يا حبي، انا فعلا ناوية اروح الصيدلية في البريك و اخد حاجة لاني بدأت ادفى و احس بالنعاس (حلوة الفصحى!!!!)

المهم نيجي لطلباتك، الطلب الاول انا اخيب خلق الله في موضوع اللفات!!!! لذلك لا تعليق و نترك التعليق لاصحابه

اما الطلب التاني، فلو عاوزة حاجة غالية انصحك باللوس باودر و الكومباكت باودر من كلارينز، عاوزة حاجة وسط انصحك بالمثل من بوبا، عاوزة حاجة ارخص بس جميلة اللوس باودر من اوريفليم. اما الارخص خالص خالص فبيقولوا من اماندا بس انا مجربتهاش و مقدرش انصحك بحاجة معرفش اثارها ايه، انا باكلمك عن تجاربي الشخصية اللي عجبتني خصوصا اني باحب الهادي و الخفيف برضه و مليش في الحاجات التقيلة. اي خدمة يا قمر احنا موجودين و لسه فاكراكي و الله في موضوع السنان و لا تقلقي، بس قوليلي انتي منين؟؟ شكلك مش من القاهرة، صح؟؟

نودي وشيري صباح الفل ياحلوين وسلامتك الف سلامه ياقمر نودي جننتي شيري خليها بعقلها
ربنا ينولها كل اللي في بالها وزي ماقالت خذي فيتامين سي واي حاجة للبرد عشان مايزيدش عليكي والف بعد الشر عليكي وربنا يسلمك