انا بشكركم جميعا والله بلا استثناء الله يخليكم ليا يارب وفعلا انا قلقانه دون اول مرة متسالش عليا غريبه؟؟؟؟؟؟؟؟؟

على الله المانع خير بس يمكن امتحنات الاولاد شغلاها ربنا معاها

احب اقلكم ان امبارح حدثت حجات والله من عن دربنا طبعا انا مشيت من الشغل وكانت النتيجه 1/0 ليهم وبعدين قبل ما يصفر الحكم بخمس دايق جابو جون التعادل وطبعا لانه للتاهل للكاس كان لازم حد يفوز عشان يطل دور 8

المهم اعطوهم 15 دقيقه بدل ضايع وبرضه 1/1
فقرروا يلعبوا ضربات جزاء والحمد لله رب العالمين فريق زوجي كسب 4/2 بضربات الجزاء الترجحيه

الله يبارك لكم جميعا انا لم اذكر اي اسم خوف والله من اني انسى حد ولان كلكم كلكم تستحقوا جزاكم الله الخير وبارك فيكم ورزقكم من حيث لا تحتسبوا وفرج كروبنا وكروبكم واسعدنا سويا في الدارين
امين
والله اني احبكم في الله
والله اني احبكم في الله
والله اني احبكم في الله
ولا يحرمني منكم ابدا

السلام عليكم و رحمة الله و بركاته

صباح الفل عالكل

الاول حاهني اينا على الفوز لاني كنت حاسة بيها و بقلقها خصوصا اني عارفاها و عارفة اعصابها خفيفة ازاي :D الف الف مبروك يا انوووس، بس يا بنتي ريحي اعصابك شوية، هوني على نفسك و بلاش القلق اللي حياكلك ده، و الله غلط على صحتك. يعني ادعي و خدي الامور ببساطة و دايما فكري في ان اللي ربنا يريده حيكون و اكيد ربنا لا يريد السوء بأي عبد من عباده، التفكير ده حيطمنك و يخليكي أهدى من كده. يا رب يريح بالك يا ايناس و ينولك كل اللي في بالك

حبيبتي أم باسل، ربنا يخليكي ليا يا قمر و تسلمي لي على ذوقك، و خليني اطمن عليكي

جومانه، الحمد لله ان الحلم طلع حلو و ربنا يكتب لك اللي فيه الخير، و حأرد على اسئلتك و انا بارد على هبة دلوقت بس مش عاوزة انسى اي حد

كارمن و غيداء و احلام منورين يا قمرات

نيحي بقى للست هبهوبة، يا بنتي ما تسألي زي ما انتي عاوزة، احنا متجمعين هنا ليه؟؟ مش عشان نساعد بعض و نتبادل الخبرات و نجتمع على الخير؟؟ يبقى اسألي قبل ما الكلام يغلى و يبقى عليه ضرايب!!!! :D

انا حأرد على اسئلتك بالترتيب و عشان أريحك حاحاول احطلك كل طلباتك بحيث تجيبيها من نفس المكان عشان متدوحيش البنت اللي حتشتري و لا انتي كمان تدوخي بين الاماكن

1- بالنسبة للكريم الليلي، انتي بتسألي على لوريال و انا بصراحة لم استعمله و لا حتى افتكر اني لمحته بس سهل اوي تدوري في الصيدليات الكبيرة في القاهرة او محلات بيع مستحضرات التجميل. عن نفسي عجبني اوي كريم الليل من كلارينز (متستغربيش ولعي بكلارينز بس هي اصلا ماركة بتهتم بالبشرة و معظم منتجاتها علاجية للبشرة بانواعها)، الكريم ده غالي شوية ب 439 بس بجد زي ما بيقولوا الغالي تمنه فيه. انا جربت كريم نيفيا فيساج الليلي بس محستش بأي فرق معاه، عكس كلارينز باحس انه بيشد البشرة و بيديها نضارة كأنه بينورها لانه اصلا بيجدد الخلايا اثناء النوم

2 - كونسيلر كلارينز ب 187 و متقلقيش حتلاقي في نفس المكان اللي حاقولك عليه كمان شوية حاجة بوبا و ريميل و كلارينز و جيفنشي و اركانسيل و لانكستر و اورلان كمان

3 - كريمات التفتيح لا و الف لا لا لا لا، انا مش باشجع الكريمات دي و لا باشجع حد انه يستعملها ايا كانت الماركة لانها على المدى الطويل بتكون سرطان الجلد و ربنا يحفظنا كلنا من البلاوي دي، ده غير انها بتأثر على الصبغة المسئولة عن تلوين البشرة. الحل هو اننا نرضى بلون بشرتنا اللي ربنا عطاه لنا و داومي على ماسك الترمس باللبن اللي قلتلك عليه و صدقيني احسن من الف كريم تفتيح. اتفقنا؟؟؟

4- السكراب من St Ives تلاقيه في كل الصيدليات الكبيرة في القاهرة و عشان السهولة حاكتبلك في الاخر مكان قريب من المكان اللي حتجيبي منه حاجة كلارينز و بوبا

5- بالنسبة لكريمات السليوليت انا شفت منها في اوريفليم و في منها في كل الماركات تقريبا بس للحق مجربتش حاجة منها و مش باحس ان المشكلة دي ضخمة اوي، لكن عموما حاقولك النصيحة اللي الكل بينصح بيها و هي خل التفاح. عن نفسي مجربتوش لكن الكل مجمع في اغلب المنتديات انه افضل علاج ليها بس لازم المداومة لانك بتستخدميه كعلاج طبعا. تدهني بيه المناطق اللي عوزاها و هو بيتبخر لانه زي السبرتو كده، بس انا بصراحة مش باطيق ريحته لكن فيه ناس بتقول ان ريحته كمان بتطير على طول.

6 - البلاشر اللي لونه طبيعي، انا عندي واحد من اركانسيل و واحد من لونا بصراحة الاتنين حلوين و درجاتهم طبيعية جدا بس مش فاكرة الارقام، بكرة ان شاء الله احطهم لك لما اتأكد في البيت، كمان حاقولك على اخر بلاشر جبته و هو برضه طبيعي بس فيه لمعة بسيطة شيك جدا جدا و الله و بتدي وشك نور كده، هو من ماركة سيبيل بس برضه مش فاكرة الرقم بجد بس مش غالية الماركة دي خالص، انا جبت منه الروز و البيج و عاجبني جدا

و تسلمي يا حبيبتي على قلقك عليا، معلش و الله اسفة اني قلقتك بس انا بادخلكم خلسة من الشغل الصبح و لما باروح مش باستخدم النت تاني، بس اول ما دخلت المكتب جيت اشوفكم اهه. انا الحمد لله الرشح و الصداع اخف بس حلقي بقى ملتهب و الكحة اشتغلت، شكلي حاروح اديها ورق جوافة :angry:

لو عندك أي اسئلة تاني انا معاكي، و على فكرة و الله تليفون البنت لسه متصلحش و على فكرة هي اخت خطيبي، ادعيلها عندها امتحان النهاردة و اكيد ان شاء الله حتحاول تتصل بيا عشان تطمني و حاسألها لك

صباح الفل لكل اللي لسه حيدخلوا

الاماكن بقى كتبتها في رد منفصل عشان ميحصلش خلط

أولا، المكان اللي حتلاقي فيه كل مستحضرات التجميل اللي اتكلمنا عنها هو محل fortune اللي في اركاديا الدور الاول علوي جنب مغربي او بركة للبصريات (بصراحة دايما باتلخبط هو مين فيهم)، ادخلي و اسألي على رحاب او خلي البنت اللي حتشتري تسأل عليها و هي حتساعدك في كل حاجة لانها بنت جدعة اوي و حلوة في التعامل جدا. لو عاوزة اي طلب تاني و مش لاقياه ممكن تروحي صيدلية العزبي في نفس الدور بس من تحت و انتي داخلة بعد السلم على ايديكي اليمين بعد محل او اتنين و فيها كل حاجة برضه بس انا باحب اتعامل مع فورتشن اكتر. عندك بقى كمان عشان موضوع السكراب يا اما تجيبيه من العزبي يا اما فيه صيدليه تانية و انتي داخلة من باب اركاديا قبل السلم على ايدك اليمين و هي نفس الصيدلية اللي فيها ال lip balm من fruttini اللي بنكهات اللي اتكلمت عنه قبل كده. طبعا العطور عندك في فورتشن و العزبي و الصيدلية دي بس برضه انا باحب اخد من فورتشن.

محلات تانية تلاقوا فيها منتجات و مستحضرات تجميل و عطور:

Sephora Toi في جامعة الدول العربية
مرجانة في ش طه حسين في الزمالك امام اليمامة سنتر، و الفرع التاني في رمسيس هلتون
ام ام فرع الزمالك و وسط البلد
و طبعا صيدليات العزبي
و البنات كانوا اتكلموا على صيدلية سيف تقريبا
و فيه صيدليات كبيرة كتير منتشرة في القاهرة بتبيع عطور و مستحضرات تجميل و عناية بالبشرة

بالنسبة لعطور المفضلة عندي دي قصة كبيرة، حاروح اشتغل الاول و ارجع احكيلكم عنها :)

سلامات كتيرات

صباح الفل
ازيكم يا بنات
مبروك يا ايناااااااااا
يا كابتن نودي ازيك يا قمر
طب انا هنا مفيش ترمس و لا حلبه و لا بتاع
اعمل ايه؟

ايه يا نودي النشاط ده يا جميل برافو برافو

اخبارك يا حبيبتي الله يبارك فيك وليك بس القلق ده للاسف صفه العصر واعمل ايه الجو عندي بيبقى رهيب قبلها ويا دوب بعدها الحمد لله بنرتاح شويه انا امبارح زعقتله قولتله ايه الشغله المهببه ديه انا اعصابي باظت متكلمنيش

قالي امال انا عمل ايه ده كنت هموت وانا جوه الحدث
المهم بقه ان ربنا سترها وكرمنا اخر كرم الحمد لله على نعمنه الحمد لله والشكر وبشكركم وبشكر الي سال عليا
رانيا صباح الفل ربنا يخليكي ليا يارب

دندون : حبيبتي انتي فين

والله شكلي هدخل مسنشفى المجتنين قبل نهايه الموسم