العفو يا قمراية، شوفي بالنسبة للbase انا شايفة انه مش مهم اوي الا اذا كان للاضاءة او لتغيير حاجة في اللوك العام، لان انتي بتستخدمي اصلا كريم مرطب بعد تنظيف الوجه فمفيش داعي لكمان base مش عارفة باحس انه فيلم هندي عالوش و انا مش من الناس اللي بتستحمل طبقات على وشها باتنرفز و باحس اني لابسة ماسك!! بس زي ما قلتلك لو له غرض زي الاضاءة بيبقى مهم لانه بيؤثر في الميك اب و بيخليه radiant طول ما انتي حاطاه. مثال على ذلك، عندك من كلارينز (عارفة حتقوليلي انتي مجنونة كلارينز!!) فيه كريم اسمه beauty flash balm و ده كريم معالج للبشرة من ناحية و من ناحية تانية يستخدم ككريم اضاءة و ك base للميك ابن همه بيقولوا للاستخدام الفوري او يا دوب لو مستعجلة و عاوزة لووك سريع لمدة ساعتين تلاتة، بس عن تجربة هو و فوقه كريم بوبا اللي قلتلك عليه و شوية بلاشر بيقعد من 6 الصبح ل 9 بالليل بنفس الاشراقة و مش بتحتاجي غير انك تظبطي بس البلاشر من وقت للتاني لانه بيخف من الوقت. فيه base ارخص من سارا بس انا ناسية سعره الصراحة و هو بيقوم بمهمة مشابهة بس مش بنفس الكفاءة و منه على درجتين درجة فاتحة و التانية للوك البرونزي اغمق شوية. بس زي ما باقولك كريم مرطب و بعدين بوبا و بلاشر كفاية اوي و حلو اوي اوي كمان، مش لازم الزحمة

خلاص يا نودى أنا هتوكل على الله وهشترى اللى قلتى عليه وبجد يعنى مش عارفة أقولك ايه على ذوقك وصبرك عليا :) تسلمى يا قمراية
...........................
وبعدين يا بنتى انت لقطة ما شاء الله طيب ما تعمليلنا ملف متكامل عن خبرتك فى المجال ده الماركات والأسعار وايه حلو فى السهرة وكدة يعنى أنا عارفة أنك مشغولة بس يعنى فكرة وحل واحدة ممكن تكتب خبراتها ونطلع فى النهاية بأحسن نتائج
اية رأيكم يا بنات

صباح الخير على البشرة والمكيب
ايه ده كله
امينة شلباية معانا

هههههههههههههههههه، ايه ده كله يا نهى لا لا انتي كده حتخليني اتغر في نفسي ههههههههههه

لا لا انا مقدرش اكتب ملفات و كلام من ده، مش بس لان ده محتاج وقت و تركيز و انا دماغي عاملة زي الغسالة دلوقت عمالة تلف!! لكن كمان لاني مش خبيرة خاااالص في الكلام ده، انا باقولكم على خلاصة تجربتي الشخصية و معرفتي المتواضعة بالميك اب لكن ما شاء الله المنتدى هنا مليان محترفات في وضع الميك اب و في انواعه و انا مجيش حاجة جنبهم، بالاضافة الى ان لسه مبتدئة في عالم الماكياج و باتعلم كهواية و كمعرفة لا بد منها

بس انتي ممكن تجمعي كلامي و كلام البنات لما بيردوا و يقولوا معلومات كمان ملف يفيدك، و انا مش حاتأخر عنك او عن اي بنوتة لو عندي اي معلومة ممكن اضيفها

صباح الفل يا سمسم، هههههههههههههه ابدا يا جميل احنا قلنا نغير شوية عن الشباشب و الانفلوانزا!!!