صباح الخير عليكم كلكم

ما صدقت ان الكومبيوتر اشتغل وقام بالسلامة قلت اسلم عليكم في السريع وحشتوني مووووووت وطبعا مش عارفة اقرأ كل حاجة فاتتني فباسلم على الكل بس عاوزة اسلم خصوصي على وسام وحشتيني يا وسومة وانا مقصرة والله عارفة اني مش باكلمك بس اعمل ايه ياسمين قايمة معايا بالواجب وزيادة شوية

دينا وباقي البنات والمدمات كل سنة وانتم طيبين العيد والسنة الجديدة وكل حاجة حلوة ان شتاء الله تيجي لكم السنة دي وتحقق كل احلامكم وآمالكم

صباح الخير على كل البنات
نودى طمنينى عامله ايه عشان أنا عايزة أبوسك بوسة كبيررررة على كونسيلر كلارينز تحفة بجد ميرسى على نصيحتك حبيبتى

رانيا أزيك يا ترى أخت جوزك وصلت بالسلامة أكيد هتكونى مشغولة طمنينى عليكى

roseario
اللفات اللى أنت حطتيها رقيقة أوى بصراحة بس ممكن حد يشرح اللفة التانية أكتر أنا مش فاهمة الصور أوى اللى هيا scarf 001

أم باسل
ازيك أنت عاملة ايه

بنات إحنا فى 10 أيام بتوع ذى الحجة مستحبين عند ربنا وصيامهم مستحب ربنا يتقبل منا كلنا إن شاء الله.

وعام جديد وسعيد علينا كلنا يا رب إن شاء الله

السلام عليكم و رحمة الله و بركاته

صباح الفل عليكم جميعا و الف شكر لدعواتكم و لكل اللي سألوا عني و خصوصا انتي ياهبة انا اسفة اوي اني قلقتكم عليا اوي كده، بس و الله انا راقدة في السرير من يوم الخميس و النهاردة اول يوم انزل الشغل. البرد كان مسويني و عمل معايا احلى واجب و لسه عندي كحة لحد دلوقت بس الحمد لله حالتي احسن بكتير من اليومين اللي فاتوا

فاتني كلام كتير بس حاحاول اقراه، لكن بسرعة حارد على سؤالك يا هبهوبة انا مش عارفة الكريم ده و مجربتوش فمش حاقدر اقولك كويس و الا لا، انا جربت السكراب بس من الماركة دي.

روزاريو انتي سألتيني عن احسن ماسك للبشرة الباهتة بس انا مليش خبرة اوي في انواع الماسكات بس حتلاقي في توقيعي موضوع هبة عبد العظيم و ده مليان ماسكات و حاجات طبيعية مفيدة للبشرة ابقي شوفيه يمكن تلاقي حاجة تعجبك. نسيت السؤال الاولاني!!! حابقى ارجع ابص عليه تاني و ارد عليكي

هبة صحيح، سألت البنت عن موضوع الاسنان ده و هي قالت مسمعتش عنه بس حتسأل و ترد عليا

ام باسل، معلومة السمنة دي انا مجربتهاش بس فعلا البنات بيشكروا فيها جدا في اكتر من منتدى، و تسلمي يا حبي على دعواتك

داليدا، الحمد لله ان الكونسيلر عجبك يا قمر، هو فعلا حلو و مريح في استعماله

ام جوجو، و شيري، و اينا، و رواء، و رانيا، و مريم، و جمانة، و دندونة، و ميرو، و داليدا و ام ابيها و بقية البنات اللي معانا وحشتووووووني اوي

روزاريو، بالنسبة لسؤالك عن منتجات اماندا، انا شخصيا مجربتش منها غير الروج و الماسكارا السودا و الاتنين عجبوني، لكن فيه بنات كتير جربوا الاساس و البودرة و بيشكروا فيهم برضه، بس انا مجربتش فمقدرش احكم اوي عليهم، يا رب اكون افدتك يا جميلة

صباح الخير
نودىىىىى :) حمد لله على سلامتك يا قمر والف سلامه عليكى يا جميل .. ايوة كده كنا مفتقدين المعلومات الحلوه دى .. ربنا يتمم شفاكى حبيبتى ويقومك بالف سلامه وان شاء الله البطه الوحشه هى الى تعيا :)

روزاريو : انا مش عايزة مكان اروحه يا جميل انا عايزة واحده تيجى لى البيت تعلمنى انا واختى لو سمعتى او عرفتى حد قولى لى .

هبهوبه صباح الفل عليكى يا قمر.

لاروزا : انتى فينننننن قلقتينى عليكى انا بعت لك ماسج وصلت ولا لأ ؟؟

دندونه ربنا معاكى وما تختفيش عننا يا جميل :) وصباح الفل على كل البنات.