:(
اية يا بنات هو أنتوا والاجازة اللى خلصت علينا ولا ايه صلوا على النبى كدة وروقوا وعادى الدنيا شوية كدة وشوية كدة واهى ماشية
roseario
فين يا بنتى اللفات أنا بعتلم إيميل يا رورو أنا رايحة الشغل يوم الآحد وعايزة اعمل نيولوك بقى مش كفاية عليا حبسه العيد متسنيش يا جميل

صباح الفل والياسمين عليكم جميعا

اشكرك يا روزاريو بجد والله جزاكي الله خيرا وربنا يسعدك ويفرج همومنا وانتي يا ام جوجو الف الف شكر ليكي والله قصتك ماثره جدا بس عاوزة اقولك شوفي هما الرجاله كده مع ممتك مكنش لاقي وقت يكون موجود لكن مع مراته الجديده لقى وقت يخلف اربع عيال شفتي يا بنتي الرجاله دول ملهمش امان وعدم وجود الراجل بيدمر مشاعر الست اهي ممتك الي دفعت التمن وانتو ربنا يستر لاني مخنوقه جدا ومش عارفه هعمل ايه النكد مطول معايا جدا ربنا يعوض صبرك خير وصبرنا جميعا ادعولي احسن انا في حال صعب جدا

سلام

سلامي للجميع

السلام عليكم و رحمة الله و بركاته

صباح الفل على احلى اخوات في الدنيا

طبعا قريت كلامكم كلكم و وصلني احساس ان سبحان الله كلنا قضينا العيد ده في حالة معنوية مش تمام، بس كلام دون بجد ريحني اول ما فتحت الصفحة و قريته. ياللا يا بنات كل واحدة فينا تنسى همومها و كفاية اننا مع بعض بنصبر بعض و بنحاول نخرج بعض من الهموم دي بكلامنا في موضوعات مختلفة و الا ايه؟؟؟

جزاكم الله خيرا يا كل حبيباتي اللي دعيتوا لي و ربنا يفرج كرب و هم كل مؤمن و مؤمنة و ييسر لنا احوالنا كلها

فين هبة (زوجي = الحياة) مدخلتش بقالها كتير اوي، يا رب تكون بخير

اينا و روزاريو و ام جوجو و دون و رانيا و رواء و جمانة و مصراوية و شيري و سكرة هانم و كارمن و موون و داليدا و ام باسل و كل الناس الطيبين اللي بيدخلوا معانا هنا، فينكم وحشتوني كلكم و افتقدكم اوي في ايام الاجازة دي. تعرفوا اخدت الاجازة و قعدت اتمنى مكنتش خدتها و قضيتها شغل!!!! الانسان ده مبيعجبوش العجب، سبحان الله. ياالا الحمد لله على كل حال

ام جوجو الجميلة، ربنا يسعدك و يوفقك و يعوضك بزوجك و بنتك عن كل حاجة عانيتي منها. شوفي يا ستي بالنسبة لنيفيا فيزاج معجبنيش فيه غير كريم النهار و التونر بس. الميلك المنظف بتاعه باحس اني لازم اغسل وشي تاني برغوة منظفة بعده!!! و انا بافضل رغوة كلين اند كلير بصراحة. اما كريم الليل فصباح الدهننة و انا باكره الكريمات الدهنية. كريم النهار حلو اوي و كمان التونر. جربت مجموعة اوريفليم بس عجبني فيها الرغوة المنظفة و لوشن النهار بس!!! جيل الليل تلزيق و التونر مش حلو ابدااااااااااااااااا. اما كريم الليل بتاع كلارينز فهو عاجبني جدا و انا كنت حطيت صورته قبل كده بس هو غالي اوي الصراحة. مش عارفة بقى انصحك بايه، تجيبي مجموعة كاملة و الا تجيبي اللي يعجبك من كل حاجة، بجد مش عارفة. بس انا قلتلك عن خبرتي في استعمال الحاجات دي لحد دلوقت. فيه اولاي توتال افيكتس منزل مجموعة بس غالية لكنها ارخص كتير من كلارينز طبعا، مش عارفة انصحك تستعمليها و الا لا لاني متسعملتهاش

على فكرة يا بنات لونا منزل ليب جلوس على شكل قلم اخره ريشة حلو اوي اوي و سعره معقول ب 21 جنيه. بوبا كمان منزل جلوس جديد متاليك لمعته حلوة اوي ب 75 جنيه. بلاشرات سيبيل و لونا جميلة و اسعارها معقولة برضه.

اسيبكم دلوقت بقى و ربنا يفرج كربنا جميعا و عاوزة اشوفكم كلكم حتى لو متضايقين يا بنات ادينا متجمعين سوا و بنهون عن بعض

يا رب لك الحمد كما ينبغي لجلال وجهك و عظيم سلطانك

متشكرة قوي ليكي يا noody انا نزلت امبارح وجبت مجموعة نيفيا امري لله لسه ماجربتهاش بس انا جبت كريم اساس حلو اوي من بيير كردان 120 جنيه كان في واحد تاني انا جربته لمل مديحة سليم عملتلي مكياج فرحي اسمه Make up forever قلت اجيبه بس لقيته غالي 250 جنيه.....ايه احسن جلوس اقدر اجيبه بس سعره يكون حلو انا شفت Rimmel كان حلو بس نسيت اسأل عليه...
Enna صباح الخير ياحبيبتي عامله ايه النهاردة يارب تكوني احسن..فوقي كده وروقي ومتزعليش نفسك لو جوزك راجل كويس احمدي ربنا دا في رجالة لازقة في ستاتها ومطهأنهم

العفو يا ام جوجو يا قمر، شوفي انا كتبت فوق عن جلوس لونا الجديد اللي على شكل قلم ده و كتبت عن جلوس بوبا و كتبت اسعارهم، شوفي اللي يناسبك فيهم و صدقيني الاتنين حلوين جدا عن تجربة. و مبروك عليكي الاساس الجديد و مجموعة البشرة و ان شاء الله ترتاحي عليها في الاستخدام. و اتمنى تكون المعنويات احسن النهاردة يا جميلة و تكون جوجو صحتها كويسة و بخير

لا اله الا أنت سبحانك اني كنت من الظالمين