السلام عليكم ورحمه الله وبركاته


كل عام وأنتم طيبين جميعا يارب

بصراحه حايه إن الجميع زعلان ومتضايق حاجه ضايقتني أنا نفسيا جدا
بس أنا عندي رد لكل واحده فيكم
بس قبل كل حاجه
حابه أقولكم ممكن الزعل الي نزعل على الجميع علشان احنا بجد زي الاخوات وكل واحده فينا مشاعر التانيه أثرت فيها وسببت ليها الحزن الي فيها

ممكن أرد عليكم
أبتدأ بالصغنونه الي معانا (أخيرا مبقتش أنا اصغر واحده في المجموعه )
كيوت جومانا
شوفي يا حببتي لازم تحالوي انك تركزي في دراستك حاليا وزي ما نودي قالت كلنا معاكي
وحاوله انه يكون كل مجهودك فيه
بس لازم تفهمي حاجه مهمه أوي
لو رحتي الامتحان وأمك راضيه عنك أفضل مليون مره من إنك تروحي وامك حزينه منك
فحاولي تصالحيها بكوبايه شاي أو بأي حاجه ولا حتى بكوبايه مايه
وقليلها ياماما أنا في امتحنات وأكيد ميرضكيش اني أروح وانا عارفه إن ماما حببتي مبتدعيش لبنتها حببتها
وحبيت أقولك قصه واحده أعرفها ويكمن تكون أنا الواحده ده
على كل
إنسانه عاشه مع أهلها في غربه الى أن أنهت الدراسه الثانيوه
وظروف الجامعه أجبرتها على النزول الي بلدها وترك أهلها أمها وأبوها وأخواتها البنات
فعاشت مع أخواتها الاولاد الي أكبر منها بسنين متفاوته
في بلدهم وكانوا لوحدهم خالص
لا خال بيسأل ولا عم ولا خال ولا أيد حد خالص
قضيت أربع سنين من الدراسه تبكي فيها على أهلها انهم بعيد عنها وتمنت لو للحظه يكونوا جنبها حتى لو هيه زعلانه منهم المهم إنها متكونش في قاره وهما في قاره أخرى ولكنها الظروف
وإشتاقت لأمها مع إنها كانت اكثر إنسانه تتشاكل معاها
لدرجه إنها احيانا كانت بتقد بالشهرين متكلمهاش
فبجد إنتي ولله الحمد مابين أخواتك وأمك
حتى لو جاروا عليكي أحيانا بس صدقيني هما أحسن من الغريب
صدقيني
مهما لو حبك الغريب وتمنى قربك ووجودك جنبه محدش هيحبك زي ما أمك وأخواتك يحبوكي مهما لو حصل بينكم
ده حتى المثل بيقول( عمر الظفر ما يطلع من اللحم)
غير بالدم وربنا يكفينا وإياكم شر الدم والبعد عن الاهل
فإحمدي الله
واستعيذي بالله من الشيطان وحاولي تفكري كده وترجعي بالذاكره لورا حبتين وتفتكري ماما وهيه حامل فيكي وهيه بتأكلك وإنتي صغيره وهيه بتجري عليكي علشان تحوشك من قدام عربيه ولا سهرها عليكي اليالي لما تكوني تعبانه وغيره وغيره
إفتكرلها اي حاجه حلوه تخليكي تقومي تسامحيها وتبوسي على راسها وتبقي تيجي تقوللنا بشعور السعاده الي انتي حسيتي بيه منتظرينك وبالتوفيق يارب




ثانيا أختي العزيزه جدا على قلبي إينا
إينا حببتي إنتي في نعمه صدقيني في نعمه وأنتي لا تشعورين بها
ياريت تقرأي كلامي للأخر
وإقرأيه تماما ولو حرك فيكي اي حاجه ياريت تقومي وتعملي الي ربنا يقدرك عليه
أنا عارفه انك نفسك مره يدخل عليكي في الايام الطيبه ده ويقولك كلمتين حلوين من غير شد أعصاب
من غير توتر
يطبطب عليكي يبوس راسك على الاقل
والحجات ده كلها هيه الي مخلياكي انتي مجتنبه الحديث أو الكوره أوي اي حاجه متعلقه بيه فبتعدي عنه لأنك محتاجه إنه هوه الي يقرب مش انتي
سامحيني لو بقولك الكلام ده
بس عارفه انتي الغلطانه
عارفه ليه لإنك حاسه إنك دعتيله في شغله كتير وهوه مش على ابله
صدقيني هوه بيحبك جدا وبيحب أولاده
ولو مكنش مكنش بهدل نفسه البهدله ده وبعد عنكم أيام العيد
مش كل الي بيعمله ده علشانكم
وعلشان يعيشكم في أأحسن حال وووضع مادي ومعنوي أمام الناس
فهوه بيعمل الي عليه من ناحيه الرجوله
إنتي بقىعملك ايه من ناحيه الانوثه ليس التربيه للأطفال وتحضير الطعام فقط
لا دورك أكبر في انك تحاولي ولو في يوم واحده بس وقبل ما يرجع البيت من الشغل
إختاري يوم هادي وهيئي فيه البيت على أحسن وجه ممكن وهيأي الحمام وأنا سمعت إن فيه زيوت عطريه بتسبب الاسترخاء للإنسان والراحه
فممكن تستعين بيها بعد الله سبحانه وتعالى وتنشريها في انحاء المنزل وغرفه النوم والحمام
وكوني على أجمل وجه ممكن صدقيني فإنه لو رأى منك ما يرى لحن إليكي وتقرب منك أكثر وأكثر
فالانسان في أوقات الضغوط بيحتاج لإنسان يكون هوه السبب في ازاله التوتر القلق الشد عنه
بكلمه حلوه بلمسه حنيه


إينا بجد إنتي في نعمه على الاقل عندك زوج تقدري تتوددي اليه وتتقربي منه في اي وقت من غير لا مانع ولا حاجز
فاشكري الله علىما منحك
فهناك العديد والعديد من الفتيات أخواتك ومكن يكونوا معانا على صفحه واحده وبشاركوا معانا
يكونوا في حاجه الي زوج يسكنون اليه الي شخص يحل لها ان تتقرب منه وتتكلم معه في كل شي وبقلب مفتوح
ويحدثها في كل شي تحن الي حضن دافيء الى اسره تضمها الى اطفال تناظرهم وترعاهم الى رجل تطبخ له وتغسل له وتهيأ له مضجعه ومكان نومه ومأكله
ولكن ليس لهم هذا الزوج ولم يرزقهم الله به فما لهم غير الصبر والدعاء
فحمدي ربك وتذكري ما من به من نعم عليكي
صدقيني ستشعرين براحه عظيمه
وإحتسبي ما تفعلينه عند الله
فستجدين الثواب عظيم بإذن الله تعالى



ثالثا أختي ألاء
قصتك أحزنتني كثيرا
أحزنتني من ما حدث لكم من افصال عائلي وأحزنتني من أن الترف الذي من الممكن أن يعيش فيه أحيانا ينسيه أيام وأناس قد لايجدون هذهالنعمه في لحظه من الحظات
وفي لحظه وضحاها يجدون نفسهم في هذا الموقف فالحمد لله الذي فرج همك وعوضك خيرا وأسأل الله أن يجعل زوجك صلاح لك وعفاف وكرم في الدنيا والاخره في جنات نعيم ورزقك أختك بالزوج الصالح الغني الكريم وفرج كرب أمك أمين يارب العالمين وبارك لك في ابنتك وجعلها قره عين لك


نودي يا حببتي أنا مش عارفه أنا أقولك ايه
لأنك داما السند
فما أقول لك إلا أعانك اله على ما انت فيه وفرج همكم جميعا
وعافى والدك من كل شر ومكروه أمين يارب العالمين


وأرسل السلام للجميع وأقول لهم
تذكروا نعم الله عليكم
وإشكروه دائما وأبدافلو ظللنا نشكر الله على ما منه علينا من نعم أولها وأخرها نعمه الاسلام لما وفينا حق الشكر أبدا

السلام عليكم ورحمه الله كل سنه وانتوا بخير

دون: اخبارك وحشتيني اشكرك بس معلش نفسيتي مش مرتاحه

انا بشكركم جميعا وشكرا يا احلام جزاكي الله خير وسلامي لكل حبيباتي بدون ذكر اسماء عشان منساش

يا جماعه في ماتش اليوم دبي x مسافي ربنا يستر

بشكر كل الي سال عليا ومسالش

اينا

صباح الخير يا بنات ....هاه لسة الاكتئاب مفكش ؟؟؟؟ ربنا يفك كربكم وهمكم ...ازيك يا اينا ؟؟الماتش برضه الساعة 4 ربنا معاكم وينصركم ..ولا حيعملوا حداد على امير الكويت ؟؟؟؟؟ هى مال السنة دى كدة بادية غامقة قوى كدة لية ؟
الحمد لله كل اللى يجيبه ربنا كويس

السلام عليكم و رحمة الله و بركاته

صباح الخير عليكم جميعا

حارد عليكم من تحت لفوق و ربنا يستر و منساش حد!!

ازيك يا دندونة؟؟ يظهر البرد مزود حالة الاكتئاب عند الجميع، ايه رأيك تنزلي ببرميل سحلب جميل من ايديكي يمكن يروق الجو شوية؟؟؟

اينا حبيبتي، ربنا معاكم و يوفق جوزك في مباراة اليوم و هوني على نفسك يا حبيبتي، ربنا يفرج كربك و همك انتي و جميع المسلمين

تنيل، انا لله و انا اليه راجعون، عظم الله اجركم. البقاء لله

احلااااااااااااااااااام، يعني مش حاعرف اقول عليكي اخر العنقود خلاص؟؟؟!!! و جمانة خطفت منك اللقب؟؟؟ طيب اختاري يا ستي حاجة تانية اقولها لك بقى! ربنا يكملك بعقلك يا حبيبتي، نصايحك للبنات جميلة اوي. جزاكي الله خيرا على دعواتك الجميلة و كلامك الرقيق

كهرمانتي، ازيك يا حبي؟؟ يا رب تكون احوالك تحسنت. موضوع الاسماء ده انا عتيقة اوي فيه و مش حتلاقي معايا جديد، حاسيب المهمة دي للاجيال الجديدة :) اما موضوع الاكل، بتهرجي!!!! دون عاملة 7 ملفات اكل و لسه بتدوري؟؟!!! طيب يعني نعمل فيكي ايه؟!!! الاسهل نطبخ و نبعتلك الاكل بالدي اتش ال!!!! ربنا يقومك بالسلامة

داليدا، ده نورك يا جميلة. قوليلي مجموعة لوريال لقيتيها فين؟؟ انا مشفتهاش. طيب اخبار كريم العين ايه؟ سعره كام يا ترى؟

سلام لكل حبيباتي اللي دخلوا و اللي لسه حيدخلوا

لا اله الا انت سبحانك اني كنت من الظالمين

صباح الخير
صبـــــاح الخيــــر
صبــــــــــــــاح الخيــــــــــــــر...

ازيكم يا بنات ... وحشتونىىىىىىىىىىىىى جدااااااااااااااااااااا كنت حاسه ان فيه حاجه ناقصه مش عارفه ليه كده الظاهر بقيتوا ادمان !! :D

انا شايفه فيه غيوم وأمطار وبرق ورعد فى الصفحه.. صلوا على النبى يا جماعه دى كده بقت خل خالص .. يعنى الواحد شايل وساكت حتخلونى اتفتح انا كمان وبصراحه مليش نفس دلوقتى .. انا عايزة ان شاء الله ابتدى الأسبوع بدايه كويسه أحسن قبل العيد كانت المواضيع قهوه مش خل بس فقلت لازم اروق والواحد يكون احسن وربنا يسترها .

ربنا يفك كرب جميع البنات ويجعل الأيام الجايه احسن من الى فاتت وكل الى عنده مشكله او زعل او اى حاجه تهون عليه ويكون كويس .. معلش انا مش بعرف ادعي زيكم بس انا بقول الى حاساه وربنا يوفق الكل اينا ولولو وكيوت جمانه والجميع يارب

نوووودىىىىى ..صباح الفل يا جميل ازيك وحشااااانى يا قمر :) يارب تكونى انتى كمان كويسه وبالك مستريح .. وازى والدك ؟ صحته كويسه ولا عملتى معاه ايه فى العيد ؟

الا حد سافر ولا عملتوا حاجه ؟ انا عن نفسى قضيتها نووووووم ونوووووم ونوووم و حتى السفر اتلغى وقاعدنا فى البيت .. خرجت يومين منهم اول اليوم الى كان فيه مطر والحمد لله لقيناها بتمطر جوه العربيه علينا :icon28: كان شكلنا تحفه والناس كلها بتعدى جنبنا بتقول مالهم المجانين دول واحنا ماسكين المناديل عمالين ننشف السقف والشباك وكانت حاجه نيله ( على فكره دى مش زقزوقه يا نودى عشان مش تتنأورى عليها .. ماشى ) بس بأه واليوم التانى رحت فيه هايبر والعجله فرقعت على المحور وماكنش معانا كريك :) وكل العربيات جايه صواريخ وماحدش عايز يقف يعبرنا وشايفينا بنات امامير واقفين كده الناس مابقاش عندها نظر ولا ايه !!شفتوا الجمال الى انا فيه يعنى النزولتين كمان مهببين ما عليناااااااا كلها مغامرات والحمد لله اننا بنطلع منها كويسين . هه بأه احكوا انتوا كمان عملتوا ايه وايه مغامرتكم فى العيد ؟؟؟