لالالالا مليش نفس يا نودىىىىىىىىىى مش عايزة انااااااااام ايه رايك ادخل ب بازوكا على مديرى ؟

مدام شرين .. ازيك يا قمر انتى فين ؟ دخلتى الطاحونه ما كلنا لها .. على مهلك يا شااابه ااقصد يا شرين :) زورونا تجدوا ما يسركم

ازيكم كلكم
شكلكم مكتئب جدا ربنا يفرج هموم الجميع

يا جماعة عايزة دعواتكم معايا مناقشة جوزي بكرة ان شاء الله ما تنسانوش في الدعاء

ازيك انتي يا رورو؟؟ اخبارك ايه؟؟ و الله فاكراكي يا حبيبتي و بادعيلكم و ربنا يوفق زوجك في مناقشة رسالته بكرة و تفرحينا بالاخبار الحلوة ان شاء الله


بازوكا يا شيري؟؟؟!!! طيب اوكي و انا حافخخ اللابتوب بتاع المدير و حاحطله السم في الكشري - اصله ياباني أدمن كشري تخيلي انتي بقى!!!

صحيح يا بنات، حد فيكم جرب كريم اولاي توتال افيكتس >>>>> معلش مكسلة اغير اللغة فكتبت بالعربي!!!

نودى مجموعة لوريال أنا جبتها من هنا من بورسعيد ... كريم العين كان ب 120 وأنا خدتة ب 110 بصراحة وأظن ضرورى تلاقيها فى العزبى أو سيف
نودى أنا جبت كومباكت بودر فونديشن جيفنشى ومش مبسوطة أوى حاسة وشى ناشف مع أنى أنا وشى دهنى مووووت أنا ببل الاسفنجة واستعمله أساس وبودر مش عارفة اية الحل مس حاسة وشى طرى كدة

ازيك يا داليدا؟؟ شكرا يا حبيبتي على ردك و حاسأل عليها ان شاء الله عند العزبي. شوفي بالنسبة للكومبكت بودر فونديشن انا مش باحبها خالص و مش باعرف اتعامل معاها نهائيا مع انها بتبقى حلوة مع ناس تانية بس عن تجربة انا مرتحتش لها خالص. لكن بما انك جبتيها و اتدبستي فيها خلاص و هي غالية يبقى اقولك استخدمي قبلها كريم مرطب حطيه على وشك و بعد دقايق لما البشرة تتشربه حطيها. و لو البودرة دي درجتها فاتحة، فيه كريم حلو اوي من اوريفليم بس انا ناسية اسمه دلوقت ممكن تستخدميه تحتها، هو بيعمل كمرطب و كبيس. او لو عندك بيس للميك اب حطيه تحتها، المهم ان يكون وجهك مرطب مش جاف تحتها عشان متقشرش او تديكي مظهر مش طبيعي، فهمتيني؟؟ و صدقيني كريم اساس بوبا اللي قلتلكم عليه حلو اوي اوي و مش حتحتاجي معاه بودر اصلا. انا جربت كمان كريم اساس من كلارينز و برضه ملمسه اكتر من رائع و مش بيحتاج بودر بعده. عموما جربي الاول اللي قلتلك عليه مع البودرة دي و ربنا يسهل و يمشي الحال