يا صباااااااح الخير على كل اللى معانا ازيك يا وزوزتى ؟؟فينك من زمان مفيش اى اخبار عنك ؟؟ازيك يا اينا اخبارك اية ؟؟؟انتى كمان اجازة نص السنة زى اللى عندنا هنا ؟؟؟؟انتى فين يااااااااااااااا شيرى ؟؟؟؟؟؟؟وام ابيها اخبار الفك المفترس اية ؟؟؟؟؟والله تلاقيكى جننتوها يا عينى .....فينك يا ام احمد سيبينك تريحى من الاجازة ونودى ومصراوية وام باسل ومدام شيرين و رانيا وموتى وروزا وكل اللى اساميهم غريبة منورين الصفحة كله محلك سرك ؟؟مفيش اى اخبار جديدة ؟؟؟؟ محدش راح معرض الكتاب يقولنا يستاهل نروحه السنة الجاية ولا لأ؟؟؟؟؟؟
سمكمك انتى فين ؟؟؟وام حبيبة وحشتينا والله ام باسل صوتها اتنبح من كتر ما بتنده عليكى وميرو فيييييين؟وزئردة رشروش
على فكرة يا ام باسل انا عارفة البنات مختفين فين؟؟؟؟؟؟؟؟؟؟من ساعة ما شاءالله ما ابدعتى فى تفسير الاحلام (انا متبعاكى) وكل البنات نامت علشان يحلموا وتفسريلهم .....فانا من رايى تعملى جزء تانى لتفسير احلام اليقظة علشان البنات تصحى وييجوا ينوروا صفحتهم باستمرار .اظن فكرة مفيش بعدها :30:

السلام عليكم ورحمة الله
أهلين بنات مصر

ان شاء الله كويسين

حبيباتي حبيت ادلكم على عمل خير خاص باهل مصر
تعرفو موقع الأكاديمية الاسلامية المفتوحة
وهي تابعة لقناة المجد
عندهم رقم مجاني للاتصال بالنت خاص باهل مصر

وباتصالك عن طريق هذا الرقم حتدعميهم
هذا الرابط لمزيد من التفاصيل
وأهو تتصلو بالنت وبالمرة تدعموهم وتحصلو حسنات ان شاء الله
http://www.islamacademy.net/arabic/staticpage.asp?id=73

سلام

السلام عليكم يا حلوين

don
الشريرة الكسلانة ازيك عامله ايه ؟؟
ايه التهديد و الوعيد ده يا جبارة بدل ما تقوليلى وحشتينى
على فكرة حلوة فكرة احلام اليقظة دى
انا صوتى اتنبح و انا بنادى عليكم و اقول يا بنات عاوزة نشااااااااااااااااط
كانى مدرسة تربية رياضية هوب واحد اتنين هوب

cute jumana
ازيك يا جميل عامله ايه؟؟
و ايه اخبار المعنويات و الحاجات اللى كانت مضايقاكى
خلصت ولا لسه ؟؟؟
طمنينى عليكى يا بت

البيضاء
ازيك عامله ايه ؟؟
و ازى بننوتك الأمورة ؟؟

Enna
ايه يا حبيبى ؟؟ فيه ايه ؟؟
انتى لسه زعلانه ؟؟
بصى بقى امبارح فى برنامج المسلمون يتسألون كان
الدكتور عبد الباسط بيتكلم عن فوائد قراءة سورة البقرة
و انها ان شاء الله شفاء للهم والغم والكرب
اقرأيها كتير و شغليها على كاسيت فى البيت
و كمان فية شرايط الرقية الشرعية بتاعت الشيخ محمد جبريل
دى حلوة جدا احنا كتير بنشغلها فى البيت
و ربنا يكرمك و يصرف عنك الهم و الغم و الحزن
و يباركلك فى زوجك و اولادك

ام ابيها
ازيك يا جميل ؟؟ ايه الأخبار ؟؟

waswosa
ازيك يا قمر ؟؟
انا مبسوطة انك رجعتى تشاركى معانا .

شيرين
ازيك وحشتينى كتييييييييييييييييييييييير
انتى بتشتغلى ايه بالضبط << سواقة ههههههه
و ليه بتشدى فى شعرك ؟؟

spanishflower
ازيك عامله ايه؟؟
بالنسبه لتساقط الشعر انا عند حاجات كتير هقولهالك
يلا يا ستى اسمعينى و امرك الى الله
1. الشعرة اللى بتقع دى ما بيوصلهاش الدم من حوالى 3 شهور
يعنى ماتت و شبعت موووووووووووت

2. كلام moon صح بالنسبة لزيت الزيتون هو بيغذى الشعرو ينعمه
و يبقى مفيد قوى قوى لو بتحطيه دافى على فروة راسك و تعمليله
مساج لحد ما تحسى ان فروة راسك دفيت تلبسى فوقية بونية بلاستك
وتقعدى بيه ساعتين تلاته و لو عنك بونيه البخار يبقى ممتاز.

3. فيه نبات اسمه الجنسنج اكيد تعرفيه فيه منه انواع صينى و كورى
و يابانى بس الصينى هو احسن نوع.
الجنسنج ده بيتباع على انه جذر زى الجنزبيل كده او باودر المهم انه
مفيد جدا جدا بيقوى بصيلات الشعر علشان الشعرة متوقعش بسهوله
طريقة منقوع الجنسنج:
نصف معلقة بودرة الجنسنج + فنجان ماء
تغلى على النار ثم ترفع و تصب فى كوب و يغطى لمدة 10 دقائق

بتاخدى منقوع الجنسنج ده و تدلكى بيه جذور شعرك و تسيبه لحد ما
ينشف على فكرة هو تقريبا ما لهوش ريحة يعنى مش هتحتاجى تغسلى
شعرك ممكن تشطفيه بس.


moon
ازيك يا قمر ؟؟ عامله ايه ؟؟

فين بقاى البناااااااااااااااااااااااات

السلام عليكم
اهلا بنات
ازيك يا هاله اهلا بيكي معانا
روزا الحلوه انا جيت علي سيره اي حاجه تعالج شعري
طيب بصي يا كوكي اكتبيلي اسمه بالانجليش علشان اعرف اسال عليه بالياباني هنا و قوليلي اعمله كل اد ايه و نتايجه تبان امتي و استمر اد ايه
ميرسي يا حبيبي
سلام لكل البناتيت

دون حبيبتي والله وحشتيني جدا جدا ووحشتوني كلكم اخبارك ايه واخبار الاجازه ايه يعني انا كنت في فتره عصيبه ربنا يفرجها دعواتكم معايا بالفرج والتوفيق امين الا نسان احياننا يوقف موقف شديد مع نفسه ويشوف هو عايز ايه عشان يحدد اتجاهه ربنا يخترلنا جميعا الصالح

روزاريو : والله انا بشكرك من اعماقي وسعادتي بدعوتك شجعتني فعلا ادخل لاني في حاجه للدعاء ربنا يكرمك يارب وتدعيلي علطول انتي والجميع يارب مكنش نسيت حد واهلا بايناس الي اسمها علي اسمي او العكس وكل الجداد بحبكم في الله وربنا يخليكم ليا وسلامي
نودي و شيرين وايمان و مسلمه3 وام جوجو و ام ياسمين و ام جمانه و مصراويه واحلام عصفور ومون 33 وام ابيها وايمانات كلهم ورواء الاسلام وام باسل

اللهم اغفر خطاي و اسرافي في امري
اللهم لا تكلني الا نفسي طرفه عين واصلح لي شاني كله
اللهم فرج كربتي وكربت كل المسلمات والمؤمنين والمؤمنات الاحياء منهم والاموات
اللهم اهدي الي زوجي واولادي ولا تحرمنا من كثره ذنوبنا
اللهم انك كريم عفو تحب العفو فاعفوا عنا
اللهم وفق امتك ايناس لما تحبه وترضاه الهم حبب الينا الايمان وكرهنا في الفسق والفسوق
اللهم اجعل يدنا العليا بالاعطاء ولا تجعلها السفلى بالاستعطاء
اللهم انصرنا وفقنا في عملنا ولا تسلط علينا من لا يرحمنا ولا يتقي الله فينا
اللهم انصرنا في الدنيا والاخره
اللهم لا تشمت فيا عدو ولا حبيب

اللهم اغننا بحبالك عن حرامك واغننا بفضلك عمن سواك

امين امين امين

اينا ولكل من دعالي مثل ما دعا امين
واللهم صلي وسلم وبارك على نبينا محمد صلى الله عليه وسلم
وان اخر دعوانا ان الحمد لله رب العالمين