ام باسل ازيك وازي اولادك عاملين ايه دلوقتي احنا كويسين الحمد لله في كندا مش عايزه اقلب عليكو المواجع بس فعلا على رأي الامام محمد عبده فعلا لاقيت اسلام من غير مسلمين يلا بأه هانعمل ايه ربنا يهدي
طمنينا عليكي وعلى مصر وناس مصر

السلام عليكم ورحمة الله وبركاته

أزيكم كلكم وحشتونى
ازيك يا دون
ووزوز
رانيا
رواء
هدهود
مصراوية
مسلمة
ام ابيها (أم ياسمين)
ام يوسف
ام باسل
موتى
نودى
كلكم كلكم يارب مكونش نسيت اى حد

انا مش زعلانه ولا حاجه أنا آسفه انى كنت مشغولة جدا معرفتش ادخل ارد

ميرسى جدا على الرد يامصراوية
شكرا يادندون
موتى عنيه ياقمر
هو دندون بتبالغ شوية انا عندى معلومات بسيطة للفراح البسيطة

يعنى بالنسبة للفرح فى نادى الأبطال للقوات المسلحة فيه هناك قاعتين جمال جدا واسعين وحلوين
الكوشة هناك كل أنواعها حلوة
تاج العروسة
شال العروسه
الثلج
وحاجات كتير
يتراوح اسعارها من 400 إلى 500
الخدمة هناك كويس
الزفه هناك لذيذه فيها اختيارات
فيه زفه عادية 10 أفراد بتعمل 4 فقرات
البخور والحصان والتحطيب و الجونله
وفيه زفة بيضاف إليها راقصه من الفنون العبية بتلبس لبس إلى حد ما محتشم مش بدلة رقص وبترقص بالشمعدان
وفيها أضافة تانية عوالم عباره عن 3 راقصات و3 راقصين
وبرضه بيزفوا بالشمعدان
انا عن نفسى فضلت التانيه جميله
انا علشان اعمل فرح هناك رحت حضرت 4 أفراح شفت الزفه بتاعتهم والبوفيه
الأسعار بالنسبه للبوفيه حسب امكانيات كل واحد
فى الفرد 8 جنيه ، 10 جنيه، 12جنيه، 15 جنيه، 20 جنيه، 25 جنيه
8 ج يبدأ مياه غازيه وساندويتش جبنه وساندويتش فراخ وساليزون وقطعة مينى بيتزا- جاتوه وبقلاوة وكنافه وبسبوسه موزعة بالتبادل
إلى 25ج مياه غازيه ، دندى، كفتة داوود باشا، فراخ بانيه، ضلمه، ارز بالخلطه، عيش ، سلطات، جاتوه، قطعة تورته وبولة فروت سلاطه
لو عايزين كله بالتفصيل عندى
بالنسبة لإيجار القاعة 500ج، الأضاءة 100ج، الزفه الثلاث أنواع 400، 450، 500ج
ليزر ودخان 200ج ويوجد فيدو عادى أو ميكسر شو للتورته، 2 فيلم فوتوغرافى، Dj أو باند ويوجد مطرب ومطربه اختيرات مختلفة وممكن خليط من الأثنين وهكذا
تورته العروسه 3 ادوار 105ج يوجد 20% خدمة على الإجمالى
الفرح ينتهى فى الشتاء 11 والصيف 12 الساعة الإضافية 150ج

فيه كمان النادى الإجتماعى لجامعة القاهرة كويس بس القاعة صغيرة تكفى 100 فرد
يبدأ الفرح من 2000 جنيه بس كويس DJ وزفه يعنى بصراحه شفت فيه اكتر من خمس افراح حلوين بس القاعه صغيره متنفعش للمعازيم الكتير

بالنسبة للكوافير
فيه كوافير سعيد واخد اوسكار احسن عروسه وهو فى شارع متفرع من شارع التحرير قرب شركة مقار ولوعايزين تليفونه ابعته واسعاره 250 تقريبا بس حقيقى بيعمل شغل رقيق جدااا شعر وتاج ولو العروسه عايزه هاى ليت 150 وحقيقى بيعمله مضبوط عملت عنده 6 عرايس اعرفهم كلهم احلى من بعض
وفى سنتر فى اول شارع فيصل بيخرج منه كميات عرايس يوميه موقف شارع فيصل معظمهم شكلهم رائع

بالنسبة للحنا اعرف واحدة سوادنية كانت من مساعدى ستونه ولذيذة جدا وسعرها معقول
بس ده كل معلوماتى ولو فيه اى سؤال انا تحت امركم
ويارب اكون افادتكم فى شئ

السلام عليكم و رحمه الله و بركاته
ازيكم كلكم يا بنات ؟ يا ترى المنتدى مدوخكم زيى؟
النهاردة الحمد لله حجزنا الفستان لأختى و دة كان اكبر حاجه شايله همها الباقى بقه أمرة سهل ان شاء الله
ام ياسمين مشكورة حبيبتى على كل المعلومات دى و السنتر اللى فى أول فيصل أسمه النصر و هو قريب جدا من بيت ماما و كنت لسه فيه اول أمبارح بس بصراحه مش بنصح اى واحدة تروحه بحس انهم مش نضاف كدة يعنى شكل المحل بتاع الكوافير غريب و كنت فيه مرة مع واحدة صاحبتى و حضرت الموضوع من أوله كان آخر كروته و بحس ان العرايس كلها نفس الشكل يعنى دة رايى والله اعلم
فى كوافير حلو فى العمرانيه و المنيل اسمه سمير فتيش هو كويس جدا و ممكن يروح البيت بس بيبقى سعرة اغلى بس لو واحد من المحل هو اللى عملك التسريحه بيبقى سعرة اقل و عامه انا جربته فى فرحى كان كويس جدا والله
هروح اقرا باقى الصفحات اللى فاتتنى و ارجع اكمل رغى

السلام عليكم ....
حبيباتي الي من مصر ...
لو سمحتو حبيت اسأل وين ممكن القا المراكز او المستشفيات الي عندها جهاز تكسير الدهون ال LPG
ومين أستخدمته واستفادت منه ؟؟؟
واكون شاكره لكم .........
ساعوووووودني بلييييييييز ياحلوات

صباح الخير ..
ازيكم كلكم ؟ يارب تكونوا قضيتوا ويك اند حلوه :)
بصبح عليكم جميعاااا