معقوله محد رد عليه .. علي الاقل قولوا ما تعرفون
متشكره اوي يا بنات مصر

صباح الخير يا بنات ..
رانيا .. مصر مليانه محلات عبايات انتشروا اوى بس الى كنت بسمعه من اصحابى ان فيه محل فى جنينه مول تقريبا فى الدور الأول او الأرضي وفيه فى السراج وفيه شارع شهاب بيقولوا هناك فى محلات فظيعه وساعات محلات الشناوى بيكون عندها عبايات شيك اوى بس ساعات مش دايما :)
دندونه .. صباح الفل يا قمر انا يا ستي عايزة اجيب كاميرا ديجتال اصل انا عندى واحده عاديه بس الحكايه ان ممكن الفيلم يقعد فيها بالسنه والاتنين ولما نيجى نحمضه يطلع نص الصور بايظه والنص التانى مش بيظهر اصلا فاتخنقت من الموضوع ده عايزة اخلص من الحكايه دى وقلت اجيب الكاميرا عشان انزل الصور على الكمبيوتر ولما احب احمض حاجه ابأه احمضها براحتى .. بس انا تهت من كتر الماركات والأمكانيات انا مش عارفه انا عايزة ايه .. انا حشترى حشترى وحدفع فعايزة حاجه تكون امكانياتها كويسه ومعقوله فى سعرها ..بس ادينى حكيت لكم قصه حياتي كلها .

بارووو .. ما اظن ان حد فينا سمع عن الدكتور ده عشان كده ما فى حد رد ولا تزعلي اكيد الى تعرف حترد عليكي .

باروو فعلا انا معرفش حاجه عن الدكتور ده
مش لازم يا جماعه كلنا نبقي عارفين كل حاجه في مصر
احنا مجموعه صغيره مش بنات مصر كلها
و متزعليش ممكن حد تاني من اللي غاييبين ييجي و يفيدك
سلام يا بنات
مييرسي يا شيري علي كلامك
سلام يا بنات

يا صباح الفل على كل المصريات السكرات ( اظن كلمتين فى العضل ) ازيك يا رانيا بس ملكيش حق يارانيا انك مش عايزة تتعبيهم ؟؟؟لو كانوا اخواتك كنا قلنا عندك حق بس بدام اخوات جوزك ماتسبيهم يلفوا هو انتى تعبانة فى حاجة ؟؟؟؟ولو كنت انتى كانوا لففوكى لما هاروكى ( حد منهم بيقعد على النت او حيقرا اللى مكتوب ؟؟؟)
اهلا بيكى يا نورهان وحظك حلو ان ام باسل ولا نودى ولا احلام مخدوش بالهم على hi
يا شيرى يبقى بيتهيئلى انك مش محتاجة تقنية عالية جدا زى ام 2000 ج مثلا طب ماتجيبى كاميا فيديو يا شيرى بدل التحميض والهيصة دى وبتبقى احلى صوت وصورة وفضايح

انتم هنا وانا عمالة ادور عليكم

ازيكم جميعا

ازيك يا دينا
وسام
امل
منى
كل البنات والله نفسي اكلمكم كلكم ومكسوفة قوي اني مقصرة في التليفون بس اعمل ايه اعذروني اختكم مزنوقة قوي مع ياسمين