كتكوتة كتكوتة :

صباح الخير دودو الحمد لله على سلامة رجوعك مرة تانية والف سلامة لادهومة وربنا ييسرلك الحال لوليتا الف سلامة على زوجك ربنا يحفظهولك ميمى ازيك يا جميل ادى طريقة الشاورما يا قمر والف هنا وشفا لكم الشاورما - بتجيبى اللحمة بتاعة الشاورما اللى مقطعة شرايح بالطول ( بتلاقيها فى كارفور او اى سوبر ماركت) تتبليها من قبلها بيوم علشان تشرب التتبيلة ومش تاخد تسوية كتيير - التتبيلة ( بصل مبشور -ملح-فلفل اسود- سنة قرفة- نص م سماق-نص م كارى- توابل شاورما-2 م ك خل-وزبادى يعنى معلقتين او 3 كبار ) تقلبى اللحمة كويس فى التتبيلة وتغطيها وتسبيها فى الثلاجة لحد ما تيجى تعمليها - تحطى م ك سمنة وشوية نعناع فى الحلة على اللحمة وغطيها وسبيها على النار وقلبيها من وقت للتانى هتلاقيها بتنزل ميتها وهتستوى فيها لما تلاقيها استوت تكونى مقطعة طماطماية صغيرة مكعبات صغيرة وبقدونس مفروم ويادوب تسبيهم شوية على الشاورما وتطفى النار وتغطيها لحد ما تيجى تحشيها -طبعا بتجيبى العيش اللبنانى الابيض بيبقى رقيق خالص ممكن تدهنيه مايونيز او سلطة طحينة خفيف وممكن رشة سماق خفيفة وتحطى الشاورما وعليها صوابع بطاطس مقلية وطرنشات فلفل اخضر وبصل وطماطم وتلفي الساندويتشات ومعاها سلطات بقى - مؤخرا بقيت اعمل العيش بتاع الشاورما بتبقى احلى به ودى طريقته واى سؤال انا موجودة ان شاء الله عيش الشاورما(خبز الصاج) 5 كوب دقيق- 1 م ك خميرة فورية- 1 م ص ملح-1 م ك سكر- ربع كوب زيت- 2 كوب ماء دافئ - نعجن كل المقادير حتى تتكون عجينة لينة ونتركها تخمر - نعجنها مرة اخرى ونقطعها كور صغيرة ونفردها بالنشابة على سطح مرشوش بالدقيق على شكل دواير مش رقيقة ولا سميكة - نسخن مقلاة او صاجة على البوتاجاز من فوق ونخبز عليها العيش من الناحيتين - تلفى العيش اول باول فى كيس بلاستيك علشان يفضل طرى لحد ما تيجى تلفى فيه الشاورما كمان ممكن تعملى العيش ده بس رقيق شوية مش نفس السمك اللى باعمله للشاورما ويتاكل مع اكل تانى يعنى مش شرط شاورما ممكن فى الفطار او العشاء بيبقى لذيذ جدا وخصوصا وهو سخن بس اهم حاجة تلفيه كويس لوقت الاكل وبالهنا والشفا وفى الرابط ده هتلاقى صورة العيش فى الرد 196 و 197 http://forum.hawaaworld.com/showthread.php?p=9877484&mode=linear#post9877484

صباح الخير دودو الحمد لله على سلامة رجوعك مرة تانية والف سلامة لادهومة وربنا ييسرلك...