بنات
ادعوا لي ربنا يهدي سري....مش عارفه ليه قلب مقبوض وبتلكك على اي حاجه عشان ابكي....عايزه اعيط ومكسوفه من ولادي يقولوا ماما اتجنت....خايفه قوي من السفر السنه دي ولو بايدي كنت ااجل
جماعة جوزي شانين عليا الحرب.....كله اللي بيخدوه ده ومتهيالهم اني بحرضه عشان مايديهومش
ولو واجهتهم مش حااسكت وحااهيج فيهم وف نفس الوقت خايفه عليه من النكد....بس انا عارفه نفسي مش حامسك لساني وحاطيح فيهم وزي مايحصل بقى....شكلي بقى كئيب قوي وبيجيلي كوابيس مخيفه

سهلولة
الله يسلمك يا قمر ان شاء الله سلامك هيوصل لماما من عينيا والتكييف اتصلنا بالصيانة وقالوا هيجوا الاحد ان شاء الله
بس المشكلة انى لقيت اثار فار فى الشقة ده اللى قلقنى لانه قرقض من الموكيت ومش عارفة طلع ولا لسه مشرفنا

كلبز انهرده عملت بفتيك كان نفسى اسيب لك حته

إيه يا ست كوكو إشمعنى كلبز المكلبز اللي كان نفسك تسيبي ليها حته

كتكوته

هاتي الصمغ بتاع الفران وحطيه على ورق وحطيه في الأركان وبكده حيلزق وساعتها تضربيه ( طبعا جوزك اللي حيقوم بالمهمه ) وده أحسن من السم لأنه ممكن يموت في أي حته ( وراء دولاب مثلا ) وتكون مشكلة

أم أكرم

إنتي وجعتي قلبي بخوفك ده وقلقك
بالنسبة للجماعة ,,, حاولي تتحاشي لقائهم إلا على السريع كده ,علشان الكلام ميكترش وأستحملي علشان خاطر أبو أكرم فيه اللي مكفيه

ازيكوااااا يابناااات مصر الحبيبه عاملين ايه ياقمرااات ان شاء الله كلكم بخير

انا قرات معظم الصفحات تقريبا واستريحت ليكم جميعا وحسيت انكم اخواتى وربنا يعلم

المهم انا مصريه من المنصورة ومتزوجه من 5 سنوات بالضبط النهاردة عيد جوازى 28/6/

2002وعندى ولدين ومقيمه فى الامارات فى راس الخيمه بالتحديد من 5 سنوات لانى متجوزة هنا

جايه من مصر عروسه وفى اول لما جيت كنت لسه فى تانيه جامعه فكنت بسافر مصر على طول يعنى

بس بقعد مع جوزى 3 شهور الصيف وشهر فى نصف السنه وماكنتش عارفه اى حد لانى كنت جايه

لجوزى بس وحملت مرة وسقطت هنا فمقدرتش اتعرف على حد من الجيران لانى كنت مع جوزى او

تعبانه من الحمل ونايمه على ظهرىولكن بقالى 3 سنوات بعد ماخلصت الجامعه اتعرفت على

مصريين من العماره اللى ساكنه فيها واتعرفت كمان على امارتيات مع جوزى فى الشغل بس لما

اتعرفت على مصريين كنت فرحانه قوى قوى وربنا يعلم انى محسيتش بالغربه وانا بينهم وبرتاح ليهم

فى الكلام قوى بس للاسف كلهم كبار قوى عنى يعنى فى سن امى تقريبا وولادهم فى الجامعه والصغار

فى الثانويه صراحه وانا معاهم كنت بفرح بس مكنتش عارفه اتعامل معاهم يعنى المصريين هنا مش

هما المصريين بتوع مصر لا دول ناس بس بيحبوا مصلحتهم لو عاوزين منك حاجه يتصلوا ليك لو مش

عاوزين ميعبروكيش وكلهم بيشتغلوا وانا مبشتغلش وعيالى صغار الكبير عندى 3 سنوات ونصف

ونفسى اتعرف على حد طيب ويبقى اخ ليه فى الغربه وعيالى اد عياله عشان يلعبوا مع بعض انا ابنى

بيتعب اوى هنا من الملل وبيفضل يصرخ وعايز يروح لتيته لما بنكلمهم على الياهو وانا كمان بعيط

كتير اوى لما جالى اكتئاب ومش عارفه اعمل ايه جوزى طيب بس على طول فى الشغل وباقى الوقت

يابياكل يابيصلى يانايم انا كرهت الغربه ونفسى ارجع بلدى بس جوزى بيقولى انه ميقدرش يعيش من

غير ولادة ولو انا عاوزة ارجع هو ممكن يتجوز حتى ولو كان بيحبنى صراحه انا دموعى ابدا مش

بتبطل وانا صاحبت مواطنات من راس الخيمه من الملف بتاعهم فى المنتدى وزملاء جوزى هما طيبين

اوى بس نصف وقتهم فى الدوام والنصف التانى يابرة ياعند اهلهم يعنى عندهم مشاغل وبيسالوش على


حد كتير وطبعا كل اتصالتهم على الموبايل حتى ولو كانوا فى البيت وانا صراحه راتب جوزى ليسمح

بكدة يعنى كفايه بنكلم اهلنا دولى وانتوا شايفين الغلاء اللى احنا فيه الايجارات والمشتريات كل حاجه

ولعت والراتب زى ماهو والحمد لله راضيين بااقل من كدة الحمد لله بس المشكله احساسى بالوحدة

والفراغ نفسى اللاقى صديقه واخت ليه نحاول مع بعض ننسى الغربه وعيالى كمان يلاقوا حد يلاعبهم

لان الكبير نفسه يلعب مع حد لان اخوة عندة سنه بس وبجيب له لعب بس هو مش عاوز ولا راضى

يشوف قنوات الاطفال مبيحبهاش ومب نقدرش نخرج غير يوم فى الاسبوع للتسوق واسفه لو شغلتكم

معايه بس حسيت انا ارتحت والله وانا نازله مصر 13/7 وراجعه 7/9 باذن الله وشكرا ليكم جميعا