ازيكواااااا يابنااااات كلكم وحشتونى اوى والله بس انا كنت مشغوله من يومين كنت معزومه فى فرحين وجاتنى الاخت بس تعبانى اوى مش عارفه اعمل ايه كل شهر تجينى مع نزيف ودايما حقن فيتامين k ودافلون والله تعبت وايه الحل الله اعلم من يوم ماركبت اللولب وهى كدة والمشكله انى اركبه 3 او 4 شهور واشيله وارجع اركبه تانى ماهو مفيش حل غيرة اى حاجه تانيه مش نافعه معايه
وان شاء الله لما ابقى كويسه هتواصل تانى معاكم والله بتوحشونى بس اول لما اشوف الكمبيوتر عينى بتوجعنى وبيجينى صداع يظهر انى ضعيفه رغم انى دبدوبه التخينه والحمد لله نظرى كويس الحمد لله

عموما الف مبروك للاخت رنونه اللى ولدت الحمد لله على سلامتها الف سلامه وان شاء الله تكون بخير هى والنونه

والف مبروووك للاهلى ويستاهل اكتر من كدة بس الماتش كان جميل وهارد لك للزمالك وعقبال المرة الجايه

ووحشتينى اوى يالولى انتى ودارين وسهلوله والوردة الحالمه وكلبيزو والقمر مليسيا وكل البنات اللى نفسى اتعرف عليهم

المشتاقه ازيك ياحبيبتى ان شاء الله تكونى تمام بصى بقه ياستى بالنسبه للشقه دة حسب العقد اللى بينكوا وبين صاحب البيت يااما يرد فلوسكم ياما تخليكوا لشهر تسعه وتنقلوا بيت تانى وغالبا بتاخدوا فلوسكم بس خلى جوزك يساله الاول وربى يقدم لك اللى فيه الخير

هاله القمر فعلا الاختdon ملفاتها كلها متميزة ومقاديرها مظبوطه بس انا اخذت منها طريقه حلوة للغريبه هدور الطريقه واكتبها لكم صراحه كلمه روعه قليله عليهاوخير يامليسيا ليكون حصل المراد وبتتوحمى يابت عموما بالبركه عليك يارب

ازيكم يا ابناء مانويل جوزيه
بنات عايزه اسالكم عى حاجه بس مكسوفه.....اقفلوا باب الملف وحااتكلم بصوت واطي
مين جربت او تعرف وسيلة منع الحمل (العازل النسائي)؟؟.....سؤال تاني حد فيكم بستخدم التامبكس؟
زي الالويز بس داخلي؟؟اللي عندها تجربه تقولي عليها....لاني سمعت عن العازل النسائي وعايزه اعرف هل وسيله امنه؟؟ اما التامبكس عايزه استخدمه لو رحت مصيف وصادف ميعاد الايام اياها

رنونه.....اخت رنونه
الف حمدالله على سلامتك يا ام احمد.....قلبي عندك ياروحي والله طب مين بياخد باله من احمد ومنك
يارب جيرانك يطلعوا اوصاله وتلاقي حد جانبك في غربتك يابنتي......ولينا طلعت اموره زي احمد ولا خرفتي المره دي؟؟عقبال ما تقوم ام شوشو وسمؤه بالسلامه يارب...ويكرم ساره وكتكوته وندى يارب

ازيك يا ام كرم

عامله ايه

انا اعرف العازل النسائي هو شبه العازل الرجالى لكن بيتركب داخل المهبل عن طريق كريم وله ماده معاه لقتل الحيوانات المنويه تقريبا
بعدين ده وجع دماغ العازل الرجالى ارحم
بس العوازل دى مش تستخدم على طول لان ليها ضرر على السيده من اولها الالتهابات والكلام ده جربى العزل الطبيعي احسن ,,,,,,,,,,,,,,,,,,,,,,,,,,,,,,,, معلش الاخت رغايه وما بتصدق تتكلم

اما التامبكس الصراحه معرفهوش ثقافتي محدوده على الالويز



محمد حياتى

سلامتك الف سلامه انتى مركبه النوع الهرمونى ولا ايه
انا كنت زيك كده بس المشكله في الولب انه بيعمل نزيف واكيد حضرتك عندك انيميا ما دام قلتى تختوخه يعنى زي دبه وعندى انيميا
انتى استريحى اول يومين ومش تجهدى نفسك في حاجه وربنا يقويك
نعمل ايه الجواز كله تعب يا اختى