برغم انى طول عمرى عايشة فى مصر ، كنت كل ماخد اجازة وانزل احس بحاجات غريبة
وانى مش طايقة البلد والعيشو واللى عايشنها
والبهدلة والزحمة والحر والتاكسيات اللى بيبيعوا ويشتروا فى الناس ولا كأنهم بيحسنوا عليهم بتوصيلة مش اقل توصيله دلوقتى علشان تتنقلى بين شارعين 5-10 جنية على حسب الزحمة
كنت بقول هو أنا ايه اللى جرالى كده الناس هتفتكر انى بقيت وحشة ولما سافرت تَكبرت على الناس
لكن لما قريت كلامك يا رواء بجد هو ده اللى بيحصل
انا بنتى 3/4 الأكل فى مصر مش بتكله أنا حتى باخد العصير معايا وانا نازلة وده جالها حساسية وده نزلة معوية وده برد ملوش مبرر .... بس هنعمل ايه بلدنا وقدرنا كده

ازيكي يا زئردة عاملة ايه وحشتيني اوي
اخبارك ايه
انا بصراحة كنت قلقانة من نزول مصر بس متخيلتش او الوضع فظييييييييييييييييع اوي كده
ربنا يرحمنا برحمته الواسعة يا رب
انا الناس اللي اعرفهم كلهم بيدوروا على شغل بره مصر
حتى جوزي كان ضد ان احنا نرجع تماما غير رايه بعد شهر واحد بس قضاه في مصر

انتى كمان يا رواء وحشانى جدا
انا بحسه فى الأجازات فما بالك لما تنزلى على طول
بجد الله يكون فى عون الناس اللى عايشين هناك
والحمد لله على كل شىء

إيه يا بنات الكلام الكبير ده

اولا بالنسبة للكلام عن مروى ,,, الأفضل نقفلة , وربنا يهدينا ويهدي كل الفئة دي ,,, دول ناس غلابة بمعنى الكلمة ,, بجد لا تتهاونوا في الدعاء بهدايتهم .

ثانيا بالنسبة لنزول مصر

أكيد بيختلف من واحد للتاني , أنا أعرف ناس نزلوا ومعاهم فلوس ولا عرفوا يشغلوها لأن بعد كام تجربة حرموا يدخلوا في حاجة
ودي مشكلة اللي يبتدي حاجة هو معندوش فكرة عنها خالص فهذا ما له إلا إنه يدخل شريك مع واحد أمين ( وحطوا تحتها عشرين خط )مشروع يكون التاني عنده خبره بيها
لكن مثلا لو واحد عنده خبرة معينة , ممكن فعلا يعمل حاجة وتنجح, يعني أعرف واحدة طول عمر جوزها عندهم مخبز , فطبعا لما نزلوا طوروا المخبز وماشاء الله كان فعلا مشروع ناجح
أنا بالنسبة ليا المشكلة إني جوزي مهندس مدني ,,, وأي مشروع مباني يمكن عمله لازم الزفت الرشوة وإلا الشغل مايمشيش , ده غير إن خلاص لازم يغشوا في المبنى ومواصفاته علشان يكسبوا
طيب وبعدين ,,,,,,,,, ناكل حرام ونعيش ولا يتعب ويصرف ومنلقيش ناكل
وجوزي ضد إنه يدخل حاجة معندوش فكرة عنها
أنا حاسة إنه ممكن نستحمل زحمة وجو وسوء أدب بعض الناس اللي لازم نتعامل معاهم ( البياع , والتاكسي , والموظفين وووووو ) وعيالي شايفين كل حاجة حلوة في مصر , بس فعلا موضوع الرشوة والغش بقى شيء عادي في كتير من المجالات ,,, طيب ده علاجه إيه ,,, مافيش غير إننا نستمر غربة وخصوصا إننا مرتاحين وكأني في وسط أهلي ,,, أنا بعتبر نفسي في مصر , بس في مكان بعيد شوية ( مش فيه ناس عايشين في مناطق في مصر وبعيد عن أهلهم)المهم إني كل سنة أزورهم
وكلها بلاد الله ,,, نفس السما ونفس الأرض .

معلش رغيت شوية

مليسيا

أوعي تفكري تبيعي شقتك ,,, خليها وأشتري لما تقدري شقة في فكتوريا ,,, وبعدين ليه متفكريش إنك تاخدي في فكتوريا شقة إيجار جديد ( طبعا لما تنزلوا نهائي , مش دلوقتي )
بس فعلا حتنفعك شقة العجمي وخصوصا لو حتجيبوا عربية