صباح الفل يا سهلوله وحشتيني كتيييييييير العروسه كويسه الحمد لله وبتسلم عليكم كلكم انتي نازله مصر امتى واجازتك اد ايه ؟ما تتاخروش علينا لان الملف مش بيكون له طعم والله كل اللي نزلوا عاملين فراغ جامد جدا سبحان الله كل واحده بتسيب فراغ في مكانها مش ممكن عموما ربنا يرجعكم بالف سلامه وتكون اجازه سعيده على الكل ان شاء الله

مليسيا
انا مش قصدى تتمشي زي مصر الكلام ده نسيناه من زمان لا اتمشى تمشيه الغربه يا امى يعني روحي مول او اى سنتر اتمشى شوي اتفرجي اشتريلك اي حاجه ( بس رخيصه متتفجعيش) يعنى تكسري الملل وكتر التفكير
بعدين مين قالك ان الرياضه العنيفه حتنزل وزنك
بعدين واضح انك عملتى رجيمات كتير قبل كده علشان كده جسمك واخد على الرجيم ومش بينزل اصبري اسبوع او اسبوعين وخليكي على نظامك الغذائي وحتشوفى بعد كده الوزن حينزل ازاى
ان خالتى
عملت كنترول على اكلها يعنى ممنوع الرز والمكرونه ممنوع الحليوات ممنوع الدهون
طبخها كله نئ في نئ طبق السلطه شئ مهم جدا في الغدا ء والعشاء الصبح تفطر ربع رغيف مع اى شئ بيضه زبادى جبنه اى حاجه مع كوب لبن او حليب قليل الدسم
بعدها بشوى كانت بتاكل تفاحه او 5 تمرات علشان الحديد
الغداء بروتين ويستحسن تبعدى عن اللحم الحمراء مش تكتري منها والسلطه وربع رغيف وطبق الخضار
بعد المغرب كانت تاخد فاكهه والعشاء زبادى او حبتين فاكهه
وطبعا طول اليوم تشرب شاي اخضر تاكل خس وخيار لما اتجوع وكانت بتمشى في نص ساعه كل يوم
انشالله تمشيها في البيت زي طابور المدرسه


وما شاء الله كان نزولها الاول بطئ وبعدين وقف خالص وبعدين من كتر ما نزل وزنها خافت على روحها لا تكون مريضه وملابسها كلها باظت حتى البنطلونات
على فكره كان وزنها 82 وبقى 70 في حدود شهرين ونص

انا حبيت احكيلك بس انها معملتش اي رياضه عنيفه وكمان سنها كبير فوق الخمسين يعنى نزول وزنها صعب علشان السن


فبلاش احباط وامشى على نظام غذائي صحى مش تمشي على نظام صعب يخلي جسمك يعند زياده ومش يخس

وارمى الميزان او خبيه عند الجيران اسبوع ولا اتنين



سهلوله


ربنا يخليك الولاد انا عندى اتنين مطلعوش من البيضه لسه وخلونى شديت شعري منهم بيسلموا بعض الكمبيوتر وانا اتحايل عليهم 10 دقايق بس

سما


منوره والله




بنات ادعولى ربنا يفرجها لحسن موضوع الاجازه دي كل ما نحل حاجه فيه تتعقد حاجه

كل ما اقرب انزل تظهر مشكله جديده ادعولى بليز مش عارفه ايه الاجازه الفقريه دى

أهلا بك يا روح التوت .. شوفي يا حبيبتي أنا عايشه في مدينة نصر ( القاهره وفي دكتور سنان كويس جداااااااااا اسمه (أحمد عاطف أبو الليل) وده أنا عارفاه وأسعاره كويسه وإذا عايزه نمرته هبعتهالك عالخاص
وبالنسبه للدكتورة الجلدية في دكتوره مشهوره اسمها دكتورة نادية صالح وممكن تكلمي الدليل وتطلبي رقم تليفونها لأنه مش عندي ورقم الدليل في مصر140
وبالسلامة إن شاء الله

هالة القمر

ربنا ييسر لكم نزولكم ويجمعكم مع أهلكم على خير

أم أنجل

صحيح أنا مش بدخل كتير , بس حاسة إنك بقالك أكتر من 3 أسابيع مش باينة ,,, يارب يكون المانع خير

واللي عندها أخبار عنها تطمنا