السلام عليكم
ازيكم جميعا و مبروك المبف الجديد انا عارفة اني ندلة اني مش باشارك بس غصب عني لاني معنديش نت في البيت فلما باجي لماما باقدر اشارك شوية

لوليتا بالنسبة لموضوع الحجاب
طبعا انتي ابتديتي الموضوع حلو جدا في البحث بتاعك
بس انا شايفه ان العرب مش متقبل فكرة حجاب المسلمات لاكتر من سبب مش بس موضع ان هو تضييق على المراة و انا حابة اناقش معاكم ازاي اصلا جالهم الاحساس ده
اولا طبعا الاسلام حاليا ضعيف جدا و ده السبب الرئيسي للي احنا بنواجهه حاليا من الغرب في عدم تقبل الاسلام كدين
لما بييجي الغرب يبص يلاقي دولة تدعي انها دولاة اسلامية زي تونس او تركيا و بتمنع الحجاب سواء في المدارس او الجامعات او العمل شيء طبيعي ان هو يقولك ان الحجاب اكيد مش فرض
لما يلاقي ان جميع زوجات رؤساء الدول الاسلامية مش محجبات اعتقد ده بيوحيله باعتقاد واحد بس ان الحجاب مش فرض

المشكلة التانية خي تصرفات المسلمين انفسهم في الغرب
يعني سمعت من ناس في المانيا بيتكلموا عن المسلمين ان هو بيحجب مراته وبناته بالغصب و ممكن يمنعهك من مغادرة البيت و ده حقيقة صدرت من بعض الاشخاص الجاهلين و اللي اساؤوا للاسلام و للمسلمات خصوصا بشكل فظيع

يعني انا مثلا مرة دكتورة الاطفال بتسالني انتي عايزة ترجعي تعيشي في مصر فقولتلها لا فقالتلي اكيد علشان انت مش واخدة حريتك هناك قولتها بالعكس انا واخدة حريتي هناك اكتر من هنا بس انا مش عايزة ارجع لاسباب اخرى المشكلة انها ما كانتش عايزة تصدق اني فعلا واخدة حريتي هنا

المشكلة الاكبر كمان ان بما ان الاسلام حاليا في اضعف اوقاته فاي عيب بيصدر من اي مسلم بيسلط عليه الضوء فورا و كمان في ناس ملمين كتير بيسيئوا لتعاليمم الاسلام بشكل فظيع

انا مرة رحت مع زوجي حفلة كان القسم اللي هو بيدلاس فيه في الجامعة عاملها
فطبعا اول ما دخلنا بيقدمولنا خمرة فزوجي قال لا احنا ما بنشربش و هما عارفين عنه كدة فلقينا المشرف بتاعه بيقوله ليه مش انتم بتشربوا بالليل بس
قاله لا طبعا احنا ما بنشربش خالص
قاله بس انا كان عندي طالب سوري كان بيقول ان احنا بنشرب بالليل بس لان استغفر الله ربنا مش بيكون موجود بالليل طبعا جوزي اتجنن من كلامه قاله لا هو بس بيقول كدة علشان يعمل رغبة داخلية عنده و ان مش كل المسلمين بيلتزموا بتعاليم الاسلام زي بالضبط ما بيحصل في المسيحيين

بالنسبة لموضوع ان هما بيفتكروا ان الحجاب ده رمز ثقافي هما فعلا فاكرين كدة
انا كنت مرة باتفرج على برنامج تايرا شو الامريكي و كانت بتتكلم عن التفرقة العنصرية في امريكا و كانت جايبة مسلمات و في اول الحلقة وصفتهم ان هما شرق اوسطيات و مع النقاش جت في نهاية الحلقة اعتذرتلهم انها وصفتهم كدة و قالت احنا فعلا فاكرين ان الاسلام مرتبط بمكان معين لكن احنا لازم نفرق بين الاسلام ان هو دين و بين الشرق الاوسط ان هو مكان جغرافي
و جابت بنت محجبة كانت لسة محجبة جديدي و سالتها عن سبب حجابها
قالت لها انها حست ان جسدها بقى عبارة عن سلعة بتعرضها على اللي يحب يشتريها و انها اقتنعت ان رسالة المراة اسمى من كدة و تايرا وافقتها على كلامها

الخلاصة ان الانسان بيحاول ان هو يوصل الشكل الصحيح للاسلام و بنحال نفهمهم ان الاسلام بالنسبة للمراة مش مجرد حجاب و بس لا ده حياة كاملة متكاملة ما اقدر اكون مجحبة من غير ما يكون تعاملي مع الناس اللي حواليا تعامل اسلامي كما امر الله

انا بس عندي ملاحظة ان احنا مش لازم نجهد نفسنا في البحث عن الحكمة من الحجاب لان ده امر ربناي و مش كل الامور و الفروض اللي فرضها علينا الله لازم نفهم سببها زي عندهم هما كمان مش كل النصوص اللي هما بيمشوا عليها لما يحبوا بيكونوا لاقينلها مبرر لا ده الدين اللي انا ارتضيته لنفسي و بما اني دخلت فيه فلازم التزم بتعاليمه دون البحث عن مبرر لها

مش عارفة اذا كنت قدرت اوصل وجهة نظري و لا بس ده اللي انا حاسة بيه

ماشاء الله ياايناس ربنا يخلهملك يارب

اه والله الحر هنا عاوز مقالات وكتب

رواء
ازيك عامله ايه ؟ يارب يكون كله تمام

اه نسيت اقولكم ميرسيه عملت الغريبه طلعت تحفه الحمد لله

وحطيت ليها هيل عشان بدوقها هنا بالهيل بتبقى جميله اوى

صباح الخير عليكم

الصراحه استمتعت جدا بالصفحات اللي فاتت يمكن لاننا عايشين في بلاد مسلمه مش بنواجه المشكله دى

بس يمكن نظرتهم للحجاب انها قهر بعض العرب اللي اول ما يسافروا للخارج بيخلعوا الحجاب كانه سجن او قيود بيتحرروا منها بتركهم لبلادهم
ويمكن مواجه الاسلام بالكراهيه او العداوه في كل مكان هو اسس انغرست في الثقافات الخارجيه من خلال اديانهم لان اساسا الديانتين اليهوديه وامسيحيه قائمه على كراهيه المسلمين وتجدى ان اليهود ممكن يتحالفوا مع المسيحيين ضد المسلمين
لكن دور المسلمين في الخارج زيكم كده انهم يفهموا الناس دينهم صح
يوصلوا لهم الدين الصحيح بعيد عن افعال شخصيه لا نستطيع ان نقول انها من ضمن الاسلام

اسبانش

ازيك عامله ايه يا ترى لسه فكرانى من ايام ملفات don وموقع مولاتى

ارواء الاسلام


ازيك يا قمر يارب تكونى بخير وحشتنى لمه زمان وملفات زمان


مليسيا

انا جبت السير من جديد الصراحه يعنى حوشت ورحت جبته احسن لان المستعمل بيخرب بسرعه خصوصا لو كهربائي
ممكن تجيبي السير العادى من يو مارك تقريبا بالف مش عارفه عندكم بكام
اما المواصفات الصراحه معرفش فيها لان جوزي اللي جابه بس في انواع حسب الاوزان


لوليتا

صباحك سكر جزاك الله خير على الموضوع الحلو ده وربنا يعينك وتقدري تنشري صوره كويسه عن الاسلام