تصدقي يا مشتاقه انا توقعت انك خايفه من كده من كلامهم انك تاخرتى في الحمل

بس اللى يكلمك قوليله لو انت تقدر تخليني تتحكم في رزقك اتحكم انا في حملى كله بامر الله ودى هبه من عند الله مش في ايد العباد

وانت خليكي جامده واعرفى ان ده رزق من عند الله لا اعتراض على حكمته
و واكثر من الاستغفار فهو مفتاح الفرج والرزق وادعى ربنا في الايام المفترجه دى مش مجرد دعاء لا ادعى بتذلل بالحاح مش مجرد دقيقه لا اقعدى فتره حسى بجمال الدعاء بخشوع وتذلل لربنا في القيام وفي الصلاه اثناء السجود فهو اقرب ما يكون العبد لله عند السجود

وان شاء الله ربنا حيكرمك بالذريه الصالحه انت وكل البنات

ازيكم عاملين اية وحشتوني

السلام عليكم ورحمة الله وبركاته
صباح الفل علي احلي بنات في الدنيا شكرا علي سؤالكم علي وعلي اسناني اديني بتابع مع الدكتوره ووشغاله علي الباندول بتاع الحمل رغم انو مش بياثر
داريين انقلي محل اقامتك هنا والله تكسبي كويس اوي اصل الدكاتره هنا قليلين بصي انا سناني اصلا تعبانه والحمل كمان زود التعب اوي ربنا يسهل وتخف ان شاء الله وشكرا يا ام محمد
لوليتا انتي فين وحشتيني اخبارك ايه مش بتدخلي علي الماسينجر خالص باين عليكي مشغوله ربنا معاكي وبعدين والله بدعيلك كتير اوي وربنا يعلم
كلبيزو ربنا يخليكي انتي اخبار رمضان معاكي يه والنيو لوك مش عارف بس اقولك انا عملت ايه في مصر
جوزي كان مسافر كم يوم وقلت اغير شويه ورحت الكوافير قلتلها اعمل هاي لايت احمر وانا شعري اسود وير قالت نفتحه الاول يبقي اصفر وبعدين نعمل اللون الاحمر وفعلا عملت كده ورحت البيت وجوزي جه الفجر :icon28: ودخل علي وانا صحيت لما سمعت صوته وقبل ما يسلم عليه ولسه النور مطفي قالي انتي كنتي في الكوافير انهارده ضحكت وقلتله هو شعري بينور في الضلمه ولا ايه:41: وفضلنا نضحك للصبح وبعد يومين تحول شعري من اللون الحمر الي اللون الاصفر الفاتح :42: ما تعفيش ازاي معليش طولت بس قلت اضحكو معايا شويه من زملن ما ضحكناش

ازيكم يا بنات
انا شايفاكم عمالين ترغوا اهو ما شاء الله وكتيير منكم خارج الخدمة اجازة يعنى ربنا يعينكم بصوا بيتهيالى اضمن بلاش قراءة قران فى الفترة دى وبعدها شدوا حيلكم وربنا بيعين احسن طالما فيها شك

كلبوزة
فين يا عم طريقة شوربة السى فود وعاوزة كمان طريقة الكابوريا المشوية انا لسه عاملة سمكة مشوية فى الفرن على طريقة غرومة بس طلعت جميلة خالص ما شاء الله يلا مستنية الطريقة

مليسيا
الحمد لله على سلامتك وربنا يطمنا عليكى

ام منة
سلامتك الف سلامة ربنا يشفيكى الا وجع الاسنان ده وربنا يقومك بالسلامة انتى وكل البنات الحوامل وعاوزة طريقة البسبوسة لو سمحتى

وكل البنات الجداد منورين وكل سنة وانتم طيبين

ام محمد اهلا بيكي معانا
شيرين تسلم ايدك علي الفراخ فتحتي نفسنا الهنا والشفاالكورنيش ايه الفكار العبقريه ديه تصدقي فكره جديده خالص للنو لوك هههههههههه
ميليسا الف حمد لله علي السلامه يارب تكوني بخير دلوقت ونورتينا انهارده ربنا يتم شفاكي علي خير
هاله القمر ازيك وازي الاولاد ايه مالك ما تقلقيش كد ه من الولاده ربنا يسهلها عليكي وعلينا وعلي المسلمين جميعا يا رب ان شا الله خير علي فكره انا حسبت من تاني ولسه هبتدي التامن انهارده يعني قبلك بشهر بالطبط ان شاء الله ادعيلك في الولاده وكل البنات بس انتو كمان ادعولي
كنزي ازيك انتي مش بتظهري كتير ليه
باقي البنات اوزوريس رنوون ام عصمت سماسحاب ام انجل سبانيش ام اكرم انتوفين