السلام على الغاليين وكل سنه وانتم طيبين ولو انها متاخره بس معلش اعذروني انا الحمد لله عيدت بخير واكلنا العك اللي كنت عملاه وحاليا بدانا ندور على شقه صغيره لاننا من اول نوفمبر
احنا اللي حانتحمل الايجار ولان الفيلا اللي احنا فيها غاليه قوي لذلك بنشوف حاجه رخيصه
انا مش فارقه معايا والله بس العيال هما اللي صعبانين عليا.....اكرم عشان كبير ففاهم اللي بيحصل وبيحاول يحتوي اخته وده على غير عادته دول زي ناقر ونقيروطبعا عمايله دي مخلياني
حاسه بالذنب...اما البنت ف مش متخيله ازاي يعني هي واخوها يشتركوا في دولاب واحد او ازاي يبقى عندنا حمام واحد بعد ماكان عندنا 4 وانا كمان بحاول ابان طبيعيه عشان مااذودش الهم على جوزي بس بصراحه ولا هاين عليا فرقة جيراني ولا حابه السكن في عشة الفراخ دي
بس ماباليد حيله
وحشتوني كلكم ان شاء الله ارجع انتظم تاني زي الاول

بنات ازيكم كلكم حشتوني كل سنه وانت طيبين وعيد مبارك عليكم يا رب
ام اكرم شايفاكي منوره وكتكوته ورنده اخباركم ايه
ولوليتا ازيك يا جميل ايه الصور الحلوه ديه
كوسه وبط اسمك يجوع انا جنبك هنا في فنلندا لو عايزه اي حاجه هي كلها 10 ساعات سفر بس
الورده اخبارك ايه
كنزي ازيك والاولاد عملو ايه في العيد
احنا عيدنا كان الجمعه زي السعوديه ويو لعيد نزل تلج كتير اوي سبحان الله كان شكله رائع زي قطع القطن وبعدين نزلنا بعد الظهر روحنا سنتر بيتجمع فيه كل المسلمين تقريبا وحسينا فعلا بالعيد لان كل ما نقابل حد يقول عيد مبارك واحنا نرد عليه وبعدين اخدت البنات علشان كل واحده تشتري لعبه جديده اختارو عرايس كالعاده وبعدين زوجي العزيز عزمنا علي الغدا واتمشينا شويه وبعدين رجعنا علي البيت وبس بس ما عرفتيش اقابل رونا لانها كانت بتنظف البيت قبلها وما قدريتش تخرج وكنا مع بعض علي التليفون وسلامي للجميع

ام اكرم صباح الفل وحشتنا طلتك الحلوه ربنا ما يحرمنا منك بس ما تزعليش نفسك وحاولي فعلا انك تتماسكي علشان اكرم ومريم وربنا يبارك فيهم وان شاء الله الشقه الجديده تكون فاتحة خير عليكم قوليلي انتي اخبار صحتك ايه والاستاذ حمدي عاملين ايه دلوقت والعلاج اخباره ايه

ام اكرم
كل سنة وانتى طيبة ويارب دايما فى احسن صحة وحال وربنا يفرجها عليكم انتى عارفة ان مفيش حاجة دايمة على حالها فى الدنيا دى بس اهم حاجة الرضا ومحدش عارف الخير فين ربنا يجعلها فتحة خير عليكم وربنا يصلح الحال

ام منة
كل سنة وانتى طيبة احسن حاجة فعلا تحسس الواحد بالعيد الناس اللى حواليه يعنى اول يوم جالى اكتئاب علشان قضيناه فى البيت بس تانى يوم كان احسن نزلنا قابلت بلو روز ساعتها حسيت فعلا بالعيد وتشوفى الناس خارجة بتفرح اقل حاجة تحسسنا بالعيد وخلاص

وبلو روز بعتالكم سلام كبيييير وبتقولكم كل سنة وانتم طيبين ووحشتوها جدااااااا

نصائح مهمه في المطبخ ادخلي واستفيدي