انا كان عندى عزومة النهاردة يعنى معملتهاش فى رمضان ولا فى العيد جاية اعملها دلوقتى بس ما علينا اهى اتعملت الحمد لله
عملت صينية مكرونة بشاميل ومحشى ورق عنب وشوربة لسان عصفور وصينية فراخ بالبطاطس ودبابيس فراخ كنتاكى وسلطة خضرا
والحلو كريم كراميل وبسبوسة وعصاير ودمتم

على فكرة بقى مين جربت تتبيلة السلطة من كنور راااااااااائعة ياريت تجربوها بتدى طعم للسلطة غير خالص تحسى انك بتاكلى سلطة من مطعم اللى جربته لحد دلوقتى( خلطة الفلفل الرومى مع الخل ) و( خلطة ثاوزند ايلند)

وردة

عاملة اية انا كمان قلقلنه عليها مش عوايد دارين تغيب كتير كدة

كوسة وبط

اخبارك اية عرفينا بنفسك اكتر

كتكوتة

عاملة اية ياجميل واخبار بلو روز اية سلمي عليها

انا جربت تتبيلة السلطة الي بالريحان والزعتر بس بحطها من غير زيت او مية

وفعلا حلوة قوي

ازيكم يا قمرات عاملين اية كل سنة وانتم طيبين ويعيد علينا العيد كلنا بالخير والصحة والسعادة ان شاء الله

ام اكرم حبيبتي ربنا يشفيكي ويعافيكي
وبعدين مش عوزاكي تزعلي قوي كدة وفكري فيها بطريقة تانية
**** لية متقوليش ان دي حكمة من ربنا ممكن ان وقت الشدة دة يعلمني او يعلم اولادي شيء جديد ينفعهم في يوم من الايام الي جاية وخصوصا لو حصل وانهم نزلوا مصر
****او ان ربنا عمل كدة علشان يمنع عننا شيء تاني وحش اكبر من الي ممكن نكون فية وانا احنا مش عارفين اية الي كان ممكن يحصل دة وبعدين نكتشفة ونقول الحمد لله دة ربنا كان كريم بينا قوي
****او انه بيمتحن اايمانا

وحاجات تانية ممكن تكون في دمغنا او متكنشي

مثال علي كدة انا
من سنة كنت حامل وكان اول حمل ليا وكان في تؤم يعني مسؤلية كبيرة جدا
وربنا اراد ان الحمل ميكملشي مش حقول اني مزعلتش لما فقدتهم لا طبعا زعلت شوية وبعدين فكرت بسرعة بحكمت ربنا ورحمتة وقلت يمكن ربنا رحمني بالطريقة دي ومكنتش عارفة لية فكرت فيها من الناحية دي
لكن بعد ما فقدتهم حصل اننا مرينا علي مدار سنة كاملة بازمة مالية وفقدان عمل ومشاكل ملهاش حل بعد سنين من الرفاهية وعدم الحرمان من اي شيء
وفكرت ساعتها اكيد لو كانوا التؤم دول شافوا الحياة مكناش قدرنا نوفر ليهم حياة كويسة خصوصا انهم محتاجين كتير وكانت نفسيتنا حتتعب كتير
او ان ممكن انهم كانوا يكون فيهم عيب لا سمح الله والزعل يبيق ضعفين
فقلت الحمد لله ان ربنا كان رحيم بينا علشان منغلبشي في ظل ازمتنا دي
وربنا بيفرج ازمتنا دلوقتي والحمد لله الحمد لله
وفي نفس الوقت ربنا قادر انة يرزقنا ويعوضنا بغيرهم ان شاء الله علي خير
وقلت كمان يمكن ربنا عمل كدة بس علشان يعرفني اانا ممكن نجيب اطفال بس مش دلوقتي بدل ما كانت الازمة زادت وكان دخل فيها الفكير في الاولاد كمان

عارفة ان كلامي كتير بس معلشي مش بعرف اعبر كويس علشان كدة كلامي كتير يمكن يوضح فكرتي او يعبر عنها

ولو علمتم الغير لارتضيتم بالواقع

السلام عليكم
أنا يا ستى مصرية من الجيزة وتحديدا من شارع الهرم ( متفهمونيش غلط ) :)
وإنتقلت هنا فى دنفر من حوالى 7 شهور وتحديدا من يوم 9 مارس 2007 ... طبعا قلبى إسود لسه فاكرة التاريخ واليوم والساعة لأنى من ساعتها تقريبا بأعيط كل يوم... وطبعا رمضان والعيد زودوا العملية حبتين.. كنت بأشتغل فى مصر مهندسة كمبيوتر مش تصليح كنت بأشتغل فى البرمجيات وتحديدا قواعد البيانات .... حلوة تحديدا دى.... المهم شاء الله تعالى إن إحنا نيجى هنا تبع شغل جوزى .. هو مهندس معمارى وبيشتغل فى شركة أمريكية فى مصر وإنتقل لفرع الشركة هنا
ولله عندى وديعتين أول وديعة حسن 4 سنوات و8 شهور والتانية عبد الرحمن سنتين و12 يوم بالظبط ... طبعا مطلعين عينى والحمد لله ولسه هيطلعوا مناخيرى وبقى وكل حاجة فى :)

بأشتغل هنا يوم السبت فقط فى مدرسة الجامع ومش عاوزة أشتغل فى شركات علشان عاوزة أنزل مصر كل سنة إن شاء الله فى الصيف وكمان عاوزة أبقى جنب ولادى ليضيعوا منى
وربنا يصلح لنا الأحوال ويهدى أولادنا جميعا... آميين
يسعدنى إنى أنضم ليكم وتكونوا صديقاتى وأخواتى فى الله