ازيكم يا بنات وحشتوني كلكم وان شاء الله تكونوا كلكم بخير
كل سنه وانتي طيبه يا دارين

ام اكرم ربنا ييسر لك الامور ان شاء الله ويكتب لكم الخير في السكن الجديد

كلبيزو كمان قلقاني عليها جدااااا مش باينه خالص من فتره ان شاء الله المانع خير

سهلوله ان شاء الله تكوني وصلتي السعوديه بالسلامه

سن سن ان شاء الله تكوني بتقضي اجازه سعيده

رندا حلمي انا كمان اتبسطت جدا لما كلمتك النهارده

ايناس خلاص نسيتينا ولا ايه يا ريت تطمنينا على احوالك في مصر

لوليتااااااااااا فين باقي الملف عن الملك فاروق وفين كمان الخبر الحلو اللي قلتي هتعيدي علينا بيه؟

كرانيشو ربنا يفك كربك وييسر امرك

كنزي سلامة بنوتك وابنك الف سلامه ربنا يحفظهم لك

كوسه وبط انا باحب البط جدااااا لكن الكوسه ما ليش فيها اوي ههههه هاكل نص الطبق يعني
اهلا بيكي في الملف ومنوراه دايما ان شاء الله

ام منه انتي رحتي فين مش لسه شويه على ولادتك ولا ايه ربنا يكرمك بالولد الصالح

اوزا دقيق ده ولا انبوبة اختبار ايه فولاك وحديد المهم ان النتيجه النهائيه طلعت لك كحك بالف هنا وشفا وعلى فكره انا زيك كل ما حاجه تبوظ اقول العيب في الفرن المهم انا براءه

مصريه رقيقه وحشتينا جدا غيابك طول جداااااااا يا ريت تطمنينا عليكي

شطوره بجد وحشتينا انتي كمان ليه مش بتدخلي بس تطمنينا حتى على السريع

شيرين حبيبة قلبي انتي فين وحشاني جدااااااااااااا

كتكوته ربنا ييسر لك امرك ويفرج كربتك ان شا ءالله

ندا الصباح اهلا بيكي معانا

مليسيا منوره يا قمر بس انتي ليه مش بتيجي هنا كتير زي المضيفه؟

الورده الحالمه احكي لنا عنا عادات العيد في اليمن

وكل البنات اسفه لو كنت نسيت حد كلكم باحبكم في الله
وعلى فكره انا عملت سونار اول امبارح والحمد لله ابني جاي له اخت ان شاء الله
وارجعوا باه نوروا الملف تاني زي زمان لان احنا اللي بنهون على بعض الغربه وبجد الملف باه فيه جواه هو كمان غربه علشان غيابكم ان شاء الله نرجع نتجمع كلنا من تاني على خير

بقى لي فتره مش شايفه كلبيزو....مش عادتها تختفي بدون سبب وكمان ام عصمت وام انجل
وسبانش وساره كمان.....روحتوا فين؟؟

سمؤه
معلش جلت معايا المره دي....كان عندي احساس ان الملف حايذيد ولد مش بنت.....يارب يكون من نصيب ام منه وام انجل ويرزق كل البنات بالولد الصالح

تسجيل حضور ع السريع وراجعة بعدينننننننننن

سمسومة
ربنا يتملك على خير انتى ام منة وام انجل ويارب يقومكم بالسلامة ويكرمكم بالذرية الصالحة ويارب تطلع بنوتة رقيقة زيك كده ويكرمك يا جميل

ام اكرم
ازيك يا ست الكل طيب ما ترزعينى طريقة البسكويت المملح والساليزون بخلطة السلطة اكيد هيبقى تحفة

راندودة
ازيك يا قمر اخبار الجو عندكم ايه؟

ام محمد
فعلا التتبيلة دى بتدى طعم جميل ومختلف للسلطة بتشجع الواحد ينوع

ندا الصباح
اهلا بيكى معانا الملف نور

كرنوشة
ربنا يهديلك الحال وييسر لك امورك

كلبوزة بتسلم عليكم هى مرهقة شوية من بعد رمضان وان شاء الله هتدخل قريب
فاضل بقى شيرين وام عصمت وام انجل ومين تانى؟؟

ميمسى فى مصر كانت بتقول نازلة اجازة علشان كده يمكن مش عارفة تدخل