يا حلوين يا طعمين يا مقطقطين قعدين ترغوا كل دة وانا مش واخدة بالي وملخومة في العيش والخميرة الي طلعت من هدومها علي رائ ندا يا ولاد الذين ؟؟؟؟؟؟ أمنوا

علي فكرة وقبل ما نسي فين اتنين حلوين كدة مقطقطين غايبين عننا بقلهم فترة كبيرة عايزة اعرف راحوا فين
اسورة مش باينة خالص لية والقطة التانية سما سحاب يا رب تكونوا بخير

نرجع بقي لفنانيينا المبدعين

كرانيشوا
اية يا واد الحلاوة دي في الاول اول صورة يعني قلت واية يعني دي ستارة نزلت لتحت شوية وشفت التظليل قلت لا بقي ده شغل علي مية بيضا مشاء الله عليكي واضح ان ايدك مشاء الله حلوة في الرسم طبعا كملي وابدعي وبعدين انا كنت سمعت مقولة من دكتور فن تشكيلي قال ان لو حد عندة مهوبة رسم مش لازم كل شوية يرسم لوحة يعني ولكن علي الاقل كل يومين يرسم اي حاجة علي اي ورق علشان ايدة متنساش ويكسل
بجد لازم تكملي وممكن تبعتيه في الملف وناخد منك افكار حلوة وحنبعتلك حاجة تحت الترابيزة قصدي يعني تحت الحساب
وكمان كنوزي
عندها مواهب تحت الخط لا انا لازم افتحلكم مرسم وفي الخباسة كدة تساعدوني في تصميم ديكور شقتي في مصر لما انزل اجازة ان شاء الله وحبقا اشفوكوا بردة متخفوش

شيري
موسيقي وترا لملم
وكمان موهبة سماعي اية الحلاوة دي يا ست والله جميل بجد انا معرفشي في حرام وحلال من ناحية الموسيقي قوي بس دة شيئ جميل

ندا الصباح انوش يا واد يا جامد اية الجمال دة مقالة الاصدقاء الي انتي مألفها دي كانك بجد بتالفي مقطوعة موسيقية مشاء الله عليكي الله اكبر

متخفيش علي الخميرة انا خلتها تلم نفسها وتلايمها والحمد لله العيش طلع كويس
ويا سيتي الخبيز والعجين دة مجبر اخاك لا بطل نعمل اية بقي مفيش هنا عيش عربي الا في المحل العربي والمحل مفيهوش عيش وصعب اننا نروح كل يوم ليه فالغربة بتعلم المتبلم
والله الواحد في بيت مامتو مكنش بيدخل المطبخ واختك بقي لو قلت بيضتين كنت بدل استحمي بعدها علي طول من ريحة ال اية ريحة المطبخ والتببببببببييييييخ دلع بنات
بس دلوقتي الغربة علمتني وعجنتني
وعجبي
بالنسبة للاخ الي بالي بالك فعلا انا ماشية معاة بمبدء التنطيش والتجاهل ربنا يهدي
كنت في راحة وجبت لنفسي حاحاة ------ وعجبي

كلبيزو بصراحة مش عارفة احط وشي منك فين مكسوفة منك دايما قايلة في حقي كلام عسول زيك دة انتي الي عسولة والله بكلامك الذوق دة وبعدين هو فين العسل الي نازل مني دة يا اختي انا مش شايفاه دة العسل هو كلامك الي بينقط شهد


رارا الطعمة ربنا يرزقك بكل الي تحبية وتتمنيه و يارب ترجع حبيبة قريب ان شاء الله ويتجمعوا الحبايب
مصرية رقيقة ازيك فينك يا بنوتة
كتاكيتو ان شاء الله نشوفك علي الماسنجر قريب ولو صادفتك ندا rime- mans علي الماسينجر سلميلي عليها انا مش عارفة هي وصلت امريكا ولا لسة

دارين استنيتك يا بنتي النهاردة علي الماسينجر فينك امبارح يا اوختششششششي جبتي في سيرة القط جة ينط
وبعتلك كتير بس الكلام كان بيرجع لي تاني فاضريت اقفل

ام منة اين انتي يا كيمو

ام اكرم وسهولة يا ريت تطمنونا عليكم

بجد نفسي عارفة نفسي كمان اعرف معاهد او ماكن ممكن هنا ناخد فيها كورسات ولا حاجة

ازيك ياشري عاملة اية

كانك بتتكلمي عن الي عندي ناقص البنت المفعوصة تقولي ارضع دنا خلاص هاتجنن منهم

ربنا يهدي ولا دنا كلنا ويخليهم يارب

ازيك ياندا

ان شاء الله ربنا يعمل الخير لاختك

لوليتا

بالنسبة للرسم فعلا لما الواحد بيقعد فترة بعيد بيحس ان ايدة نسيت شوية

واي خدمة ياعسل وبالهنا والشفا العيش

بقالنا كتير ماتقابلناش مع بعض


كل البنات الغايبين انتو فين