ازيكم
قبل ما كمل كلامي بتاع امبارح حبيت ارحب ب رشا .....لولو كوكي اهلا بيكي معانا بس عشان خاطري بلاش تقولي انك زيي....بعد الشر عنك وعن كل بنات الملف...الهي ماحد يشوف اللي شفته ولا يبقى زيي....وبالنسبه للرابط الممنوع ياريت تباصيه لينا نفرايه نفرايه ع الخوصوصي
شيرين
الف سلامه عليكي بس الموضوع طول شويه ماتسكتيش اكتر من كده احسن تقلب والعياذ بالله اكزيما......وبعدين ارحمي امي شويه من الحاجات اللي بتلعلط دي ....اكرم حايتجنن ويعرف بتعمليها ازاي
سهلوله
الحمد لله على سلامتك....معلش طبيعي احساسك ده بس انتي اصعب مننا لانك سايبه الدراسه وراجعه على دراسه,يعني العيال لازم يدخولوا مود المذاكره بسرعه....ربنا ينجحهم لك ويجعل الخير اللي في قلبك للناس من نصيبهم يارب
بنت مصر
طب بجد انا زعلانه منك,ومش حااقولك اهلا بيكي والكلام ده لأ احنا لنا حق عليكي مهما كانت ظروفك كان لازم تطمنينا عليكي باي شكل انتي ماتعرفيش اد ايه كنا قلقانين عليكي ده انا كان فاضل لي يومين واخد توك توك واروح اسال انكل بوش عليكي....احيات النبي يا شيخه ماتعمليها تاني
كورنيشه
على فكره الستاره بتاعتك جميله ياريت تستفادي منها وتعملي تصاميم ستاير وبراقع وياريت لو معاكي حد شاطر في الخياطه حاتعملوا احلى سبوبه مع بعض
ندا الصباح
على فكره خير شراكه مع امل عفيفي,دي ست هايله بجد ونعم الناس هي اسكندرانيه وجارتي من سيدي بشر هي (امل)لها شغل حلو جدا مع اخت فاضله اسمها جيهان وهوشو ربنا يوفقكم انا عندي اباجوره كنفاه اشتغلت منها 8 قطع وفاضل انها تتشد على بومبادور ان شاء الله لما يجي ابني اصورها لك تشوفيها
اوزا
الله يكرمك على البوقين الحلوين اللي قلتيهم في حقي مع اني كنت مكسوفه منك جدا لاني شفتك في الايام اللي كنت اخده فيها المصايب بالحضن...ان شاء الله اشوفك في فرصه انضف من كده
احيييه على العيال اللي في توقيعك....قعدت ابص لهم مين رايح فين؟؟؟مين جاي منين؟؟لقيت نفسي بقول جايين الدنيا مانعرف ليه ولا عايزين ايه ولا ريحين فين.....وعجبي
ام عصمت
الف سلامه على سلمى,على فكره عيالك مناعة جسمهم ضعيفه قوي خدي بالك من البرد عليهم
ساره, مليليسا,لوليتا,رنونه,دارين,رانيا المختفيه من زمان ارجعواااا
اه صحيح انا سامعه ان اوزا عزماكم على الطخت الملكي بتاعها....استنوني انا جايه معاكم على ما شيرين تجيب حلة المحشي ورانده تجيب البتيفور اكون انا سخنت صينية البرارس واتمم على استيك المايوه,اه ماهو لو استيك ملفي اللي وقع مش مشكله كلنا حريم ف حريم انما لو استك المايوه....اعمل ايه انا بقى؟؟؟في البحر الازرق حيبان اللحم الازرق ولا اقول لكم لايموني على ال 10 كيلو لب وانا حااقعد استناكم في الاوضه الاخيره احسن ام منه يجي لها الوجع مين حايسخن الميه وينده ام السعد؟؟

الورده الحالمه
انتي ليه منفسنه اليومين دول؟؟ده انتي كنتي الحته الطريه بتاعة الملف,والله يابنتي ماحد بياخد اكتر من نصيبه اسمعي حكاة طانتك ام اكرم....كان بيتقدم لي عرسان كتير والله ما بكذب عليكي وما احكيه هو الصدق والله على ما اقول شهيد,من العرسان دي واحد في مركز قيادي مرموق في الامارات ولما عيلتي رفضت اهله استغربوا والعريس كمان قالي ده انا لازم اخد موافقة دولتي على جوازي منك لاني مش مواطن عادي وبصراحه الواد كان طالع من عيني بس ماما كانت رافضه تماما اني اسافر وقالت لي خديه شحات في بلدك ولا انك تتغربي وتبعدي عني وبعدها جالي دكتور من الكليه انجليزي مسلم بيدرس في قسم لغات شرقيه عندنا في كلية اداب اسكندريه وانا كنت ممروعه قوي قدام صحباتي البنات لاني كنت اقلهم في الجمال والشياكه بصراحه بس كنت محبوبه وبرضه الحاجه قالت لي بقى انا مارضتش بالعربي اقبل بالغريب ده لأ والف لأ......ويجي لك عمك ابو اكرم على قد حاله خالص ماحلتوش حاجه خطبني بدبله وحتى دبلته كانت فضه مش تدين لأ وغلاوتك توفير وانا ماكنتش موافقه في البدايه بس ماما اصرت ان ده اللي حايخليني قاعده جنبها وعنها وحياتك بعد سنه جواز جينا هنا ومن ساعتها ما بشوفش امي غير شهر ف السنه لما بنقعد نحكي ذكرياتنا بتقولي شوفي النصيب
انا صدعت دماغك بالقصه دي بس عشان اقولك الا النصيب....مامنوش هروب ادعي ربنا يجعل نصيبك في الزوج اللي يرعى ويتقي الله فيكي

كلبيزو
انتي متابعه معانا....الله لايحرمني منك يارب صوتك في التليفون زي ماكنت حساه كاني عرفاه وفعلا الارواح جنود مجنده,من تعارف منها أأتلف ومن تنافر منها اختلف....انا اصلي من النوع اللي بيؤمن بالاعتاب بس مش عارفه اخد قرار وفي الوقت نفسه لازم اقرر بسرعه عشان ابدا العلاج بس على اخر الاسبوع لازم اكون مقرره احنا اخرنا لفين؟؟
سمؤه
طمنيني عليكي وعلى يمنى.....انا سمتها يمنى عشان تليق على يامن ولا انتي اخترتي لها اسم تاني؟؟

ام اكرم
لالالالالالالالالالالالالالالالالالالالالا كلكعه لالالالالالالالالالالالالالالالالالالالا

سهلوله الحمد لله على سلامتك

ندا ربنا يوفقك في مشروعك ان شاء الله
رشا فينك النهارده
شيرين حبيبة قلبي ان شاء الله تكوني كشفتي ربنا يطمني عليكي

كلبيزو وحشتيني جداااااااااااا ادخلي طمنينا عليكي

اوزاااا حلوه الجمل بتاعة غرفة العمليات بس متهيا لي دي احسنهم حالا


ام اكرم ربنا يكتب لك الخير في اي مكان تروحيه وييسر امورك ان شاء الله

بالنسبه للاسم ما رحناش بعيد اوي ان شاء الله اسمها منى على اسم اخت جوزي الله يرحمها

كرانيشوووووووو ما فيش صباح الخير يا سااااااااتر طيب يا ستي اقول انا صباااااااااح الخير

الورده الحالمه ان شاء الله تكوني احسن وامورك اتصلحت