بمناسبة حالة الزهق دي وخصوصا ان افندينا بيجي متاخر اليومين دول قلت تعملي اية يا بنت يا لوليتا يا جرانيتا تعملي اية قمت فتحت الشنط الي متلتلة هدوم دي وقعدت ادور علي قمصان النوم القديمة الي بقالي فترة ملبستهاش واقيس واقول اية يا بت دة دة انتي بقيتي كرنبة خالص تضاريس ومنحنيات قعدت دورت لغاية ما عاجبتني حاجة وقمت عملت شعري ليس وقصة وحركات ومكياجات والله حسيت بفرق كبير يلا بقي واحنا واخدين منها حاجة

بس بجد يا بنات انا مش عارفة اعمل اية بالهدوم دي بفكر اني انزل جزء منها مصر للمحتاجين لانها بصراحة معظمها جديد وكويس لولا التخن وسنينة بس لقيت اني بنزل بمصر بشنط كتير قوي يلا ابقي كل سنة انزل بشوية ولوحتي شنطة صغيرة الواحد مش عارف يعمل اية وهنا زي مانتو عارفين مش محتاجين

والله بفكر ادرس حاجة جديدة بس الفكرة لسة مخمرتشي قوي في دماغي وبفكر انزل اشتغل بس مش عارفة اشتغل اية خايفة الواحد يقل بكرامتة علي اخر الزمن بس برجع واقول الشغل مش عيب وساعات الكرامة تنقح عليا بس بفكر اشتغل جزء من الوقت علشان اوفر مصاريف للدراسة وربنا يسهل دعواتك يا كنزي

النهاردة يا بنات عندنا هنا بيحتفلوا بعيد الهلوين عيد الاشباح يعني " اشتات اشتوت مين عين النملة والكتكوت"

ومن ساعت ما المغرب جة والدنيا ليلت وولاد المجانين يا اوختشي منك ليها لابسين وشوش مرعبة ولبس مرعب وماشين يخوفا الناس الا واية كمان عاوزين حلويات وبسكوتات


فينك يا رمضان يشهر اليمن والبركات العيال في مصر تنزل تنور الدنيا بفوانيسها ودول يا اختي يضلمهوا اكتر مهي ضلمة ناقصة هي اصلها
وعجبي

خايفة يا اختي الراجل وهو بيركن عربيتة ولا وهوبيطلع المفاتيح يفتح باب البيت يطلعولوة ويرعبوها ويقطع الخلف اكتر مه مقطوع
ناقصة هي اياك

متقلقش يا كلبيزو وانا زيك بظبط وربنا يسترها معانا ومنتافش

مش بقولك انت سكره تتصورى يرشا كنت فاكراك فى دبى طلعت فى جده يلا معلش ربنا يجبكم دبى