السلام عليكم ورحمة الله وبركاته
حبيت بس اسلم عليكم على فكرة يا اوزا انتى موضوعك عن السفر هيبقى مفيد اوى ان شاء الله انا هاغيب فترة كده مش هادخل وارجعلكم فى اقرب وقت ان شاء الله لما الملف يتملى ويبقى فيه رغى على المليان وبناته الحلويين ينوروه من تانى
البنات اللى بيحفظوا شدوا حيلكم وبلاش كسل احسن انتم عارفيين سهلولة انتوا احرار بقى
:26: :26: :26:

كل ده يا كلبوزه بتجيبي هديه؟:)

السلام عليكم ورحمة الله وبركاته

وحشتونى ووحشنى الملف جدا، للأسف الفترة اللى فاتت كان فيه مشكلة فى دخول الملف لكن الحمد لله اتحلت أخيرا.
يا رب كل البنات يكونوا كويسين وبخير، يا رب رانيا تكون رجعت من مصر وبقت متماسكة شوية.
انا شايفة ما شاء الله الملف اتملى ناس جديدة اهلا بيهم كلهم.
شطورة وصل ندائك حول.
اوزا اوعى تكونى فاكرة انى بخاف من التهديد الحاجات دى مش بتفرق معايا أى نعم انا أكسل خلق الله. بس برضة كنت هاتصرف، انا بصراحة دخلت لانى خفت ان ام أكرم تهبدنى عصيدة من قصايدها تجيبنى الارض يعنى ممكن استحمل وامرى لله انى اقطع فاصوليا لكن كله الا عصيدة أم أكرم.

طبعا لان بقالى فترة طويلة مش بادخل الملف فعندى شوية ملحوظات يا ريت الكل يتقبلها بصدر رحب، وزى ما قالت رانيا قبل كده ان احنا معندناش أى استعداد ان الملف يتقفل فى يوم ونتشرد فى الشوارع بجد الواحد بيدعيلها ربنا يرجعها بالسلامة ويجازيها كل خير بفتح الملف الجميل ده.

أولا هابدأ بالايجابيات طبعا شىء رائع موضوع حفظ القرآن والرائع كمان ان الاخوات بيساعدوا بعض على الحفظ. ربنا يتقبل من الجميع باذن الله.
الوصفات والاكلات شىء جميل وبتهيألى ان معظم الستات بتشترك فى اهتمامات المطبخ.
المعلومات المفيدة اللى حضراتكم بتشاركوا بيها من وقت للتانى كمان شىء جميل وجزاكم الله خيرا.
بس بصراحة وبدون زعل أو حساسية موضوع السلامات ،الشاتنج ده شىء بيضعف الملف انا واحدة من الناس بقالى فترة طويلة مدخلتش الملف اتفاجأت بصفحات ملهاش عدد معظمها من غير هدف فبالتالى ضاعت المعلومات المفيدة فى النص.
يا أخواتى الملف مش دايرى كل واحد بيسجل فيه هو عمل ايه فى يومه او تشاتنج لأ الملف تجمع للمصريين وأكيد أهلا وسهلا بكل الاخوات من العرب اللى حابين يشاركوا معانا. فلازم الايمج بتاعتنا تكون كويسة لان الملف شايل اسم بلدنا ومش حابين الناس تقول دول شوية ستات فاضيين مش وراهم حاجة غير انهم بيرغوا على الفاضى وبيملوا صفحات وخلاص. ثانيا معظمنا فى غربة وبعيد عن اهله فبالتالى تبادلنا لخبرات الحياة اليومية أكيد شىء ضرورى ومفيد للكل.
بالنسبة للشاتنج عندكم الماسنجر اتجمعوا عليه زى ما انتم عاوزين ونخلى الملف موجود لهدفه الرئيسى.
انا عندى اقتراح ان كل واحدة فينا تقترح أكتر من موضوع. ونرتب كل الموضوعات ونبدأ نتكلم ونتناقش فيها واحد ورا التانى أكيد كلنا هنستفيد ان شاء الله.
انا عندى أكتر من موضوع يمكن اهمهم هو تربية الاطفال على اختلاف مراحلهم العمرية ابتداءا من الولادة لغاية المراهقة، بتهيألى ان معظمنا عنده أولاد الموضوع أكيد مهم للكل حتى الاخوات اللى لسه معندهمش أولاد ربنا يكرمهم ان شاء الله ويقر عينهم بالذرية الصالحة أكيد هيستفيدوا لان ده تأهيل لهم للمستقبل القريب باذن الله.
ايه الحاجات الغلط اللى احنا بنعملها واحنا بنربى اولادنا من غير ما ناخد بالنا، ايه التربية الاسلامية الصحيحة المفروض نتبعها فى تربية أولادنا، سنة النبى عليه الصلاة والسلام فى التربية، المواقف الصعبة اللى بنمر بيها مع اولادنا وازاى نحلها. يعنى أكيد موضوع تربية الاطفال أكبر واعمق من النقاط اللى ذكرتها، بس يا ريت نبتدى نتناقش فيه أو فى أى موضوع تانى يعجبكم المهم يكون لتجمعنا هدف ومنفعة.
سورى انا طولت عليكم بس بقالى فترة طويلة محرومة من الكلام معاكم.
أخيرا مش عاوزة حد يزعل من كلامى لانه للصالح العام.:26: :26: :26:

هابي ظلانتينظ ضاي......انا عارفه ان فيه كتير منكم حتعترض على التهنئه بعتبار انه مش مناسبه عربيه وانه حرام و......و......لكن اهي مناسبه لسماع الكلام الطيب بدون ارتكاب اي معاصي
ام شوشو
انتي كمان منقبه زي سهلوله ورنونه اول مره تقوليلنا المعلومه دي
كتاكيتو
حتختفي تروحي فين؟؟؟ارقدي ف العشه جنب اختك وزه وبلاش تنفشي ريشك علينا...احسن ادبحك
سما سمؤه
نورا مين؟؟؟وسعت منك شويه...شوفي هي شخصية ماجده زكي صح بس على شكل نور (مش نورا)
نور الشريف

كلبيوز
دخلت الملف لقيت صفحتين بس قلت خير امال فين كلبوزه....لعل المانع خير...مع ان كان نفسي انشك
عصيده بمناسبة الظلانطاين....بس لما اطمن عليكي انك بخير احسن بعدين ما تستحمليهاش