عاملين ايه يا بنات
اخباركم ايه.....
معلش اتاخرت عليكم ولله وحشتوني
يله مستنين الباقي يظهر وخاصه الاستاذه كلبوزة

هالو شله
ايه ياجماعه الهمه دي....عيني عليكو بارده احسن اعمل زي جارة شيرين بس على فكره تعرفوا ان الحسد تخصصات،ماشي مش مصدقين طب والله كان في واحده ف مصر طيبه وتحب تساعد الغير بس علاقتها بجوزها كانت مش ولابد وكانت بتشتكي منه لطوب الارض....وبعدين لاحظت اني لما بكون مع جوزي ونشوفها لازم نرجع شدين شعور بعض....واتكررت اكتر من مره....لكن لاتحسد فلوس ولاصحه
ولا اي حاجه تانيه بس الستات ورجالتها يعني علاقات زوجيه....مش بقولكم تخصص

سهلوله
انتي ابنك تقريبا زي سن ابني؟؟؟؟البه الي عندي عمري 15 سنه وبياخد دروس في كل المواد...يعني
فاضل لنا ناظر وفراش ونرن الجرس....ومع ذلك درجاته زي وشه....ومجنني ف الاكل....جهاز الشبع عنده عطلان طول النهار ياكل لما بقى زي الفيل اللي من غير زلومه
اوزا
انا اصلي كرامتي مش جيباني اطلب منه حاجه خصوصا ف الكومبيوتر....وهو عامل نفسه رئيس مراجيح مولد النبي

يووووووووووة

هو انا كل شوية حدور على حد تاية !!!!

كلابيزوووووووو

عودى و لا تخافى

طب خلاص ارجعى و ابعتى سلامات زى مانتى عايزة

كلابيزووووووووووووووووووو

ابحث مع الشرطه
اختفت الطفله كلبيزو امبارح......من يعثر عليها لايدلنا عليها....اللي يلاقيها حندبحه....لو اتخطفت حنبعت
للعصابه جواب شكر....بس اكيد العصابه مش حتقدر على مصارف اكلها....ويمكن تاكل دراع البيج بوس
عشان كده احنا مطمنين انها حترجع لنا وعليها بوسه وساندوتش هديه